Ẹfisọs 3:16 - Edo Bible (E Baibol Ẹdo) Version 1996

¹⁶ I ghi rinmwian Osanobua wẹ, vbe ekpa ukpọlọmwẹ uyi ẹre, ne ọ la ekpa Orhiọn ẹnrẹn rhie ẹtin ne uwa ne uwa ya wo vbe egbe vbe uwu egbe uwa.

Ẹfisọs 3:16 ပူးပေါင်းရင်းမြစ်များ

Job 23:6

Osanobua gha te wa ya ẹtin ẹnrẹn hia gunmwẹ gbinna ra? Ẹn o, ọ gha danmwehọ vbe i a gha guan.

Psalm 138:3

U zẹ ẹmwẹ wanniẹn mwẹ vbe I kpe tie ruẹ, u keghi ya ẹtin ruẹn, rhie ẹtin yọmwẹ iwu.

Psalm 28:8

E Nọyaẹnmwa degue emwa rẹn, ọ degue, ọ miẹn rẹn fan ighe ọba ne irẹn hannọzẹ.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Ebe ne Pọl gbẹẹn gie emwa Rom 2:29

Sokpan e Ju ne ọ gele re Ju ọrọre ne ọ re Ju vbe ekhọe, ọnii nọ wẹ ne a rhuẹre vbe uwu ekhọe, emwi na keghi re iwinna ne Orhiọn Osanobua winna ighẹ ẹ i re Uhi ne a gbẹnnẹ ye otọ. Ọmwa vbe nian, Osanobua ọre ọ tian rẹn ighẹ ẹ i re emwa ne agbọn.

Ebe ne Pọl gbẹẹn gie emwa Rom 7:22

Sokpan otọ ẹko mwẹ ghi gha sẹ ọyẹnmwẹ ye uhi Osanobua.

Ebe ne Pọl gbẹẹn gie emwa Rom 9:23

Ọ keghi vbe gha ho ne ọ rhie ẹre ne a miẹn ighẹ ukpọlọmwẹ uyi ẹre ne ọ tue yan ima ne ọ wẹ ne irẹn tohan rẹn, ma ne ọ hannọ ye otọ nẹ ne uyi ẹre sẹ ima obọ.

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

II Kọrinti 12:9

Ewanniẹn ne ọ rhie mẹ ọrọre wẹ, “Ẹsọhẹ mwẹ ọkpa ọrọre emwi ne ọ khẹ ke ne u gha mwẹ, rhunmwuda ẹghẹ ne uwẹ ma na wo vbe egbe, ọre ẹtin imẹ na wo vbe egbe sẹ.” Rhunmwuda ọnii, te ọyẹnmwẹ ghi sẹ mwẹ ne I gha ye a ma wo vbe egbe rhuọ, ne I miẹn ehe na gha họn ẹmwẹ ifuẹn ne ẹtin Kristi tan gue mwẹ.

II Kọrinti 4:16

Ọna ọre ọ si ẹe ne ẹtin i na fo mwa. A gha rhe miẹn wẹ ikinnegbe mwa heko wiẹghua khian, sokpan, orhiọn mwa ghi gha khian ọgbọn yọ ẹdẹgbegbe.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 1:7

Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Ẹfisọs 2:7

Te irẹn ru ọna, ne aro ẹvbo miẹn ehe na sẹ ọe rhinrin do sẹ ẹghẹ ne ọ dee ighẹ ọwọrhọwọrhọ ọghe ẹsọhẹ ọghọe, vbe uwu aho ẹmwẹ ọmwa ne irẹn mwẹ ghe mwa vbe uwu Kristi Jesu.

Ẹfisọs 3:15

Ọmwa ne ọ he ẹgbẹe hia ni rre ẹrinmwi kevbe agbọn eni ne eni.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Filipai 4:19

Debare, Osanobua mwẹ ne ẹfe ẹre kpọkua vbe uwu Kristi Jesu, gha kpe emehe emwi ne uwa i mwẹ hia.

Kọlose 1:11

Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

II Timoti 4:17

Sokpan, Nọyaẹnmwa keghi mudia ke mwẹ, ọ na rhie ẹtin yọ mwẹ iwu, sẹrriọ wẹ I keghi sẹtin kpe orhu ẹmwẹ nii ma avbe iran ne ẹ i re Ju hia họn, a keghi vbe wọlọ mwẹ hin uwu unu oduma nii rre.

Hibru 11:34

Iran dọ ogidi erhẹn yọ, iran lẹ fe vbe obọ umozo ne ọ tera gbele iran uan. Te iran te vburriẹ, sokpan iran keghi do wo vbe egbe. Iran zẹ uza vbe okuo, iran keghi khọn ivbiyokuo etẹ muotọ.

I Pita 3:4

Sokpan, ọ kere ne ose uwa gha re ọghe ekhọe ọmẹhẹ ne khuẹrhẹ, ne ọ re emwi ighobioye vbe odaro Osanobua.