Ẹfisọs 3:1 - Edo Bible (E Baibol Ẹdo) Version 1996

¹ Rhunmwuda ọnọna, mẹ ne Pọl ne oleghan Kristi Jesu rhunmwuda uwa ne ẹ i re Ju, na erhunmwu ghe Osanobua.

Ẹfisọs 3:1 ပူးပေါင်းရင်းမြစ်များ

Iyẹn ne ọ Maan Ọghe Luk 21:12

Sokpan, vbe avbe emwi na te do gha sunu, iran gha munọ uwa, iran ghi gha zẹ uwa kpokpo, iran ghi silo uwa gha rrie Ọgua ediọn ne a ya gu uwa gui, a ghi filo uwa ku eghan, a ghi silo uwa gie avbe ọba kevbe irriegie rhunmwuda mwẹ.

Iwinna 21:33

Ọkaokuo keghi bu e Pọl gha khian, ọ mu ẹn, ọ na wẹ ne a guọ eghan eva ye ọre obọ. Ọ keghi nọ iran wẹ, “Vbe okpia na ke rre yi? Vbe ọ ru?”

Iwinna 23:18

Nọ rre asẹ nii keghi rhie ẹre bu ọkaokuo, ọ tama rẹn wẹẹ, “Pọl ni oleghan ọre ọ tie mwẹ, ọ na wẹ ne I rhie ọvbokhan okpia na bu ruẹ gha dee, ighẹ ọ mwẹ ẹmwẹ ne ọ ra tama ruẹn.”

Iwinna 26:29

E Pọl keghi wanniẹn wẹ, “Ọre vbe ovbi ẹghẹ kherhe nọ ra ẹghẹ ne ọ taẹn nọ, erhunmwu ne I na ghe Osanobua ọrọre wẹ ne uwẹ kevbe emwa hia ni danmwehọ mwẹ ẹrẹna dọ khian vbene I mẹ yi, sokpan ẹ i re ọghe ọgiọrọ na I kha vbọ!”

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

II Kọrinti 1:6

Deghẹ ma rri oya, rhunmwuda iyobọ kevbe imiẹnfan uwa nọ, a deghẹ a ye ima obọ, evba ọre a na vbe ye uwa obọ, a kevbe rhie ẹtin ne uwa ne uwa sẹtin gha ya i ziengbe ya egbe miẹn oya, egbe ne ima vbe ya egbe miẹn.

II Kọrinti 10:1

Mẹ ne Pọl wa tobọ mwẹ rinmwian uwa, mẹ ne a wẹ re I gha gu ọmwa mudia, I ghi gha re ọmẹhẹ, sokpan I gha kpao vbe ehe ne uwa ye rre nẹ, I ghi gha khọ mu uwa, I ye ufumwẹ kevbe itohan Kristi rinmwian uwa.

II Kọrinti 11:23

Eguọmwadia Kristi iran khin ra? Ẹmwẹ mwẹ khọ ọghe ọmwẹmwẹ sokpan mẹ ru ọguọmwadia sẹ iran. Obọ mwẹ da iwinna sẹ iran. I yo eghan ẹghẹ ni bun sẹ iran, a gbe mwẹ asan sẹ iran ẹsẹse, me ọ he rhie owẹ ye agbanmwẹ idin sẹ iran.

Galatia 5:11

Sokpan zẹ vbe ọghomwẹ, etẹn mwẹ, de emwi ne a ghi khu mwẹ khian ba yi a deghẹ te imẹ kpe orhu ẹre wẹ arhuẹ mwẹ esa ne ọ ye? Akpawẹ ẹmwata ọnii khin, orhu ne I kpe vbe ekpa ugbugbe Kristi ghẹ i gha si ẹmwẹ.

Galatia 5:2

Wa danmwehọ! Mẹ ne Pọl ọre ọ ta ẹmwẹ na ma uwa, a deghẹ wa kue ne a rhuẹ uwa, Kristi i mwẹ esa ne ọ ye ne uwa hiehiere.

Galatia 5:24

Iran ni re ọghe Kristi vbe fuẹn emwi ni re ọghe egbe uan nẹ, ke ẹe kevbe oguegue kevbe orriarria ẹre.

Ẹfisọs 3:11

Vbene Osanobua mwamwa ẹn ke ne a bu agbọn tua agbọn gha dee ọre ọ ru ẹe, rẹn keghi la ekpa Kristi Jesu Nọyaẹnmwa ru ẹre ne a ru fo.

Ẹfisọs 3:13

Rhunmwuda ọnii nian, I rinmwian uwa, wa ghẹ gi ẹe gbe uwa orhiọn ighẹ oya ne I re ne uwa na, ọyọ ọghe uwa nọ.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Ẹfisọs 6:20

Iyẹn ne ọ maa na ọre I rhunmwuda ẹre re ukọ, a gha rhe miẹn ighẹ uwu eghan ọre I ye banbanna. Rhunmwuda ọnii, na erhunmwu, ne I gha guan vbe ne a i na fian afianma, zẹ vbe ne ọ kere ne I gha ru.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

Kọlose 1:24

Banbanna nian, ọyẹnmwẹ wa sẹ mwẹ rhunmwuda oya ne I re ne uwa. Rhunmwuda, vbe ekpa oya ne I re vbe ikinnegbe na, te I ghi do gbe vuọn rẹn ne ọ miẹn ehe na gba ighẹ ne ọ ghi te kẹe yi vbe oya ne Kristi re ne ikinnegbe ẹre, ọnii nọ wẹ esọsi.

Kọlose 4:18

Obọ mwẹ ọre I ya gbẹn ọna: Pọl we uwa do, wa ghẹ mianmian ọgiọrọ ne I ye. Te ẹsọhẹ Osanobua gha gu uwa gha rrọọ.

Kọlose 4:3

Vbe uwu ẹre nii, wa. vbe gha na erhunmwu ne ima, wẹ ne Osanobua rhie ẹkpotọ ne ọ maa ne ima ya kpe orhu iyẹn ne ọ maa ọghọe, ne a miẹn ehe na ta oro ẹmwẹ Kristi, rhunmwuda, ọnii ọ zẹe ne I na rre uwu eghan na.

II Timoti 1:16

Nọyaẹnmwa ne ọ tohan igiowa Onisiforọs, rhunmwuda, ẹghẹ hia ọre ọ do ya gha mu mwẹ aro ze. Ekhue eghan ni ye ma mu ẹn.

II Timoti 1:8

Rhunmwuda ọnii, ghẹ gie ekhue ẹmwẹ Nọyaẹnmwa ne a ta mu uẹn, erriọ, ghẹ vbe gie ekhue imẹ ne oleghan rẹn mu uẹn, sokpan vbe ghae vbe uwu oya ne a re ba ẹmwẹ nene Iyẹn Ne ọ maa zẹ vbene Osanobua rhie ẹtin nuẹn sẹ ya rriọe.

Failimọn 1:1

E Pọl ne ọ rhunmwuda Kristi Jesu re oleghan kevbe ọtẹn mwa ighẹ Timoti, ọre ọ gbẹn ebe na gie uẹ, Failimọn ne ogieva ima ne ima gba winna.

Failimọn 1:23

Epafras ne ọ vbe gun mwẹ rre uwu eghan vbe ekpa Kristi Jesu, wẹ uwa do.

Failimọn 1:9

Sokpan aho ẹmwẹ ọmwa ọre ọ ghi ya mwẹ wẹ, te I gha rinmwian. Erriọ I gha ru ẹe, a gha rhie miẹn wẹ, mẹ ne Pọl nọ, ọmwa ne ọ re ukọ ne Kristi ya zẹ ihe egbe, kevbe zẹ vbene ọ ye banbanna, I keghi vbe rhunmwuda ẹre gha re oleghan.

Arhie Maan 2:10

Ghẹ gie afianma oya ne u ra do re vbe ọ ma he kpẹe na fian. Danmwehọ! Esu ra do danmwẹ uwa ghe vbe ekpa ne ọ gha na viọ eso vbe uwu uwa ku eghan. Ikpẹdẹ igbe ọre ọlọghọmwa uwa ni ra ya vbe otọ. Mu uhunmwu ke ọe ya sẹ uwu, mẹ gha rhie ẹde ẹfe ne uẹn.