Ẹfisọs 2:8 - Edo Bible (E Baibol Ẹdo) Version 1996

⁸ Rhunmwuda, ẹsọhẹ ọghe Osanobua ọre a ya miẹn uwa fan vbe ekpa iyayi, ẹ i re emwi ne uwa ru, sokpan ẹse Osanobua nọ.

Ẹfisọs 2:8 ပူးပေါင်းရင်းမြစ်များ

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Matiu 20:9

A keghi ha iran ni rre vbe odẹ ihe ẹgogo isẹn ikọbọ ọkpọkpa.

Iyẹn ne ọ Maan Ọghe Mak 16:16

Ọmwaikọmwa ne ọ yayi, a na vbe samẹ nẹ ẹn, ọ gha miẹn imiẹnfan. Ọmwaikọmwa ne ọ ma yayi, a gha bu abe gbẹe.

Iyẹn ne ọ Maan Ọghe Luk 7:50

Sokpan Jesu tama okhuo ni wẹẹ, “Iyayi ruẹ miẹn ruẹn fan nẹ, gha khian vbe ọfumwegbe.”

Iyẹn ne ọ Maan Ọghe Jọn 3:36

Ọmwaikọmwa ne ọ ya ọmọ yi mwẹ arrọọ ne ẹ i fo, ọmwa ne ọ ma ya ẹmwẹ Ọmọ ru emwi, ẹ i khian gha mwẹ arrọọ, sokpan izohu Osanobua gha rrọọ ẹre uhunmwu ẹdẹdẹmwẹdẹ.

Iyẹn ne ọ Maan Ọghe Jọn 4:10

Jesu wanniẹn wẹẹ, “Akpawẹ te u rẹn emwi ne Osanobua ya ru ọmwa ẹse ke ọmwa ne ọ wẹ ne u sa amẹ ne irẹn wọn, te u gha nọ rẹn, rẹn gha ghi vbe sa amẹ arrọọ nuẹn.”

Iyẹn ne ọ Maan Ọghe Jọn 5:24

“Ẹmwata I tama uwa, ọmwa ne ọ rhirhi họn ẹmwẹ mwẹ ọ na vbe ya ọmwa ne ọ gie mwẹ yi, mwẹ ẹfe ne ẹ i fo. A i ghi bu ohiẹn ọnrẹn, ọ fian uwu rra la ẹfe nẹ.

Iyẹn ne ọ Maan Ọghe Jọn 6:35

Jesu tama iran wẹẹ, “Mẹ ọrọre evbare ẹfe, ọmwa ne ọ rhirhi bu mwẹ rre, ohanmwẹ i ghi gbe ẹe ẹdẹ, ọmwa ne ọ vbe ya mwẹ yi, ohanmwẹ amẹ i ghi gbe ẹe ẹdẹ.

Iyẹn ne ọ Maan Ọghe Jọn 6:37

Emwa hia ne Erha mwẹ viọ mẹ gha bu mwẹ rre. Ọmwaikọmwa ne ọ bu mwẹ rre, mẹ i ra khuẹe werriegbe.

Iyẹn ne ọ Maan Ọghe Jọn 6:40

Rhunmwuda emwi ne Erha mwẹ ho ọrọre wẹẹ avbe emwa hia ni miẹn Ọmọ, iran na vbe yae yi, ne iran gha mwẹ arrọọ ne ẹ i fo, mẹ ghi vbe huẹn iran hia kpaegbe vbe ẹdẹ okiekie.”

Iyẹn ne ọ Maan Ọghe Jọn 6:44

Ọmwa ne ọ gha sẹtin bu mwẹ gha dee ẹ i rrọọ vbe ẹ i re wẹ Erha mwẹ ọre ọ siẹe re, mẹ ghi vbe huẹn ọnrẹn kpaegbe vbe ẹdẹ okiekie.

Iyẹn ne ọ Maan Ọghe Jọn 6:65

Rẹn keghi rhie te ẹe wẹẹ, “Ọnọna ọre ọ zẹẹ ne I na tama uwa wẹ orhiọnkpa ne ọ gha sẹtin bu mwẹ gha dee ẹ i rrọọ, sokpan a ma wẹ Evbavba ọre ọ mu ye ọre obọ.”

Iwinna 14:27

Iran ghi sẹ Antiọk, iran si emwa esọsi koko, iran keghi na iyẹn emwi ne Osanobua viọ iran ya winna ma iran kevbe vbene ọ vbe kie ne iran ne ẹ i re Ju hẹ ne iran do yayi.

Iwinna 15:11

Ẹ i re vberriọ ma yayi, ẹsọhẹ Nọyaẹnmwa Jesu ọre a ya miẹn ima fan zẹ vbene iran vbe ye.”

Iwinna 16:14

Ọkpa vbe uwu iran ni họn ẹmwẹ ima keghi re Lidia ne ovbi Tiatira, ukpọn ododo ọre ọ khiẹn. Rẹn keghi re okhuo ne ọ ga Osanobua, Nọyaẹnmwa keghi rhie ẹre ekhọe yọ ne ọ danmwehọ ẹmwẹ ne Pọl ta.

Iwinna 16:31

Iran tama rẹn wẹ, “Ya Nọyaẹnmwa Jesu Kristi yi, u gha fe, wẹ kevbe ẹgbẹe ruẹ.”

Ebe ne Pọl gbẹẹn gie emwa Rom 10:14

Sokpan vbe iran gha na datie ẹre hẹ yi deghẹ iran ma yayi? Vbe iran gha na yayi hẹ deghẹ iran ma họn nene ẹmwẹ? Vbe iran gha na họn hẹ deghẹ i re te a kpe orhu ẹre.

Ebe ne Pọl gbẹẹn gie emwa Rom 10:17

Ọnii nọ wẹ a gha họn ẹmwẹ nii ọre a na yae yi, ekpa a kpe orhu Kristi ọre nene ẹmwẹ la rre.

Ebe ne Pọl gbẹẹn gie emwa Rom 4:16

Emwi ne a ve na, iyayi ọre a la ekpa ẹre vẹe, ne a miẹn ehe na ta ẹe guọbọ ighẹ emwi ne a ve na emwi ne Osanobua rhie ne ivbi Ebraham hia ọghe ọhẹ ọre nọ, ẹ i re ni ru vbene nene Uhi kha re ọkpa, sokpan kevbe iran ni yayi zẹ vbe ne Ebraham vbe yayi. Rhunmwuda Ebraham ọrọre erha ima hia fẹẹrẹ vbekpa ọghe orhiọn.

Ebe ne Pọl gbẹẹn gie emwa Rom 4:5

Sokpan, ọmwa ne ọ ma mu ẹtin yan iwinna, ọ kegha mwẹ iyayi, ọ na hẹko mu ẹtin yan Osanobua ne ọ ye ne ọ rri abe khian ne ọ ma rri abe, iyayi ẹre ọre Osanobua ghe re ne ọ na ya ẹe khian ọmwata vbe odaro ẹre.

Ebe ne Pọl gbẹẹn gie emwa Rom 9:16

Ọnii rhie maa khekherriọ wẹ ẹ i zẹdẹ re obọ vbene ọmwa họ, ra emwi ne ọmwa ru, sokpan obọ itohan Osanobua ọre ọ ye.

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Galatia 3:22

Sokpan ebe tae nẹ wẹ, obọ orukhọ gba agbọn na hia nẹ, ne iran hia ni yayi miẹn ehe na miẹn rhie vbe emwi ne a la ekpa iyayi Jesu Kristi ve.

Ẹfisọs 1:19

Kevbe vbene ẹtin ẹnrẹn ne ọ winna vbe uwu ima ni yayi kpọlọ sẹ hẹ. Ne ne ẹtin nọ rre uwu ima na, ọre ọ vbe re ẹtin nọkhua ni.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Ẹfisọs 2:5

Wẹ ẹghẹ ne ima na re emwa ni wulo vbe ekpa ọghe orhiọn, vbe uwu iyin ehọ mwa, ọ keghi huẹn ima ye agbọn ba Kristi, ẹsọhẹ Osanobua ọre a ya miẹn uwa fan.

Filipai 1:29

Rhunmwuda, a yae ru mwa ẹse nẹ wẹ, ne uwa gha ga Kristi, ẹ i re vbe ne a na ya irẹn yi ọkpa, sokpan vbe ne a na vbe rri oya ne irẹn.

Kọlose 2:12

Rhunmwuda, ẹghẹ ne a na sa amẹ ne uwa, a keghi re orinmwi uwa ba Kristi, kevbe vbe uwu isamẹ nii, a kevbe huẹn uwa kpaegbe vbe orinmwi ba Kristi, vbe ekpa iyayi ne uwa mwẹ vbe uwu ẹtin nọ winna ọghe Osanobua ne ọ huẹn ọnrẹn kpao vbe orinmwi rre.

II Tẹsalonaika 1:9

Oya ne iran ra re ọrọre ọfuan etẹbitẹ, a ghi wannọ iran fua hin ehe ne Nọyaẹnmwa ye rre, kevbe hin ehe ne ẹtin uyi ẹre ye rre.

Hibru 6:4

Rhunmwuda, vbe a ra ya viọ iran ni dele hin iyayi rre dọlegbe gha dee hẹ yi, ne iran do ro iro fi ekhọe werriẹ? Iran ka gha rre uwu uwanmwẹ Osanobua vbe ẹghẹ ọkpa yi. Iran danmwẹ ghe vbe ọhẹ ọghe ẹrinmwi, iran keghi vbe ghae vbe Orhiọn Ne Ọ Huanrẹn.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.