Ẹfisọs 2:6 - Edo Bible (E Baibol Ẹdo) Version 1996

⁶ Vbe uwu ne ima na ku egbe mwa kugbe ba Kristi, ọ keghi huẹn ima kpaegbe, ba irẹn, ne ima miẹn ehe na deba irẹn gha da kha vbe ẹrinmwi.

Ẹfisọs 2:6 ပူးပေါင်းရင်းမြစ်များ

Matiu 26:29

Ne I tama uwa, mẹ i ra dọlegbe da vbe ayọn na ọvbehe, ọ te sẹ ẹghẹ ne I gha ya guwa da ọghe ọgbọn ni vbe Arriọba Erha mwẹ.”

Iyẹn ne ọ Maan Ọghe Luk 12:37

Ọ gha ma ne avbe eguọmwadia ni gbe vbe arowa iran aa do vba ighe iran ma vbiẹ, ighe iran re ọkhẹ. Ne I tama uwa, rẹn gha gba ukugba, ọ ghi wẹ ne iran tota, ọ ghi gho iran.

Iyẹn ne ọ Maan Ọghe Jọn 12:26

Ọmwa ne ọ ho ne ọ gha ga mwẹ, ọ kere ne ogha lele mwẹ, ọnii nọ wẹẹ, ehe ne imẹ ye ọre ọguọmwadia mwẹ gha vbe gha ye. Erha mwẹ gha ye ọghọ ne ọmwa ne ọ rhirhi ga mwẹ.

Iyẹn ne ọ Maan Ọghe Jọn 14:3

Mẹ gha ghi ya te ẹre ye otọ khẹ uwa nẹ, I gha dọlegbe gha dee do viọ uwa ba egbe, ne uwa miẹn ehe na gha rre ehe ne imẹ ye.

Ẹfisọs 1:1

E Pọl, ọmwa ne ọ re ukọ Osanobua ne ọ winna ne Kristi Jesu vbe ekpa iho Osanobua, ọre ọ gbẹn ebe na gie emwa Osanobua ni rre Ẹfisọs, iran ni mudia ẹse vbe uwu ẹdẹ agbọn iran vbe uwu Kristi Jesu.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Ẹfisọs 2:13

Sokpan, banbanna nian, vbe uwa ghi ku egbe kugbe ba Kristi Jesu nẹ, wa ne ọ te wa rre urria, te a ghi ye uwu ne Kristi wu si uwa kẹ egbe.

Kọlose 1:18

Rẹn ọrọre uhunmwu ra arowa esọsi ẹre, ne ọ re ikinnegbe ẹre, obọ ẹre ọre arrọọ ne ikinnegbe nii mwẹ, ke rre, rẹn ọrọre Ọmọdiọn ne a huẹn kpaegbe vbe orinmwi, ne a miẹn ehe na miẹn wẹ, rẹn ọre ọ rre ukpo ne okaro vbe uwu emwi hia.