Ẹfisọs 2:5 - Edo Bible (E Baibol Ẹdo) Version 1996

⁵ Wẹ ẹghẹ ne ima na re emwa ni wulo vbe ekpa ọghe orhiọn, vbe uwu iyin ehọ mwa, ọ keghi huẹn ima ye agbọn ba Kristi, ẹsọhẹ Osanobua ọre a ya miẹn uwa fan.

Ẹfisọs 2:5 ပူးပေါင်းရင်းမြစ်များ

Iyẹn ne ọ Maan Ọghe Luk 15:24

Rhunmwuda, ovbi mwẹ na te wu, ghe ighẹ ọ ye rre agbọn, ọ te wii, a miẹn ọẹn nian.’ Iran keghi gele suẹn gha rrie evbare.

Iyẹn ne ọ Maan Ọghe Jọn 5:21

Rhunmwuda zẹ vbene erha huẹn ọmwa ne ọ wu nẹ kpao vbe orinmwi, erriọ zẹẹ ọre Ọmọ vbe rhie arrọọ ne emwa ne ọ ho ne ọ rhie na.

Iyẹn ne ọ Maan Ọghe Jọn 6:63

Orhiọn ọre ọ rhie arrọọ ne ọmwa, ikinnegbe i mwẹ esa ne ọ ye. Ẹmwẹ ne I gu uwa guan, Orhiọn nọ, ẹfe nọ.

Iwinna 15:11

Ẹ i re vberriọ ma yayi, ẹsọhẹ Nọyaẹnmwa Jesu ọre a ya miẹn ima fan zẹ vbene iran vbe ye.”

Ebe ne Pọl gbẹẹn gie emwa Rom 16:20

Vbe ọ ma he kpẹe wan, Osanobua ne ọ re uhunmwu ọfumwegbe mwa, gha guọghọ Setan ye atataowẹ uwa. Te ẹsọhẹ Nọyaẹnmwa Jesu gha guwa gha rrọọ.

Ebe ne Pọl gbẹẹn gie emwa Rom 3:24

Sokpan vbekpa ẹsọhẹ Osanobua ne a rhie ne emwa vbe ọhẹ, a keghi la ekpa Jesu Kristi ne ọ fannọ iran ye otọ ye ehia khian ọmwata vbe odaro ẹre.

Ebe ne Pọl gbẹẹn gie emwa Rom 4:16

Emwi ne a ve na, iyayi ọre a la ekpa ẹre vẹe, ne a miẹn ehe na ta ẹe guọbọ ighẹ emwi ne a ve na emwi ne Osanobua rhie ne ivbi Ebraham hia ọghe ọhẹ ọre nọ, ẹ i re ni ru vbene nene Uhi kha re ọkpa, sokpan kevbe iran ni yayi zẹ vbe ne Ebraham vbe yayi. Rhunmwuda Ebraham ọrọre erha ima hia fẹẹrẹ vbekpa ọghe orhiọn.

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Ebe ne Pọl gbẹẹn gie emwa Rom 5:6

Rhunmwuda, uhin vbe uwu ẹghẹ ne ima i na mwẹ iyobọ, Kristi wu ne emwa dan vbe ọ sẹ ẹghẹ ne Osanobua rhie yọ.

Ebe ne Pọl gbẹẹn gie emwa Rom 5:8

Sokpan Osanobua rhie ma ima nẹ vbene irẹn kakabọ ho ẹmwẹ mwa sẹ hẹ ẹghẹ ne ima na gha re emwa orukhọ ọre Kristi na wu ne ima.

Ebe ne Pọl gbẹẹn gie emwa Rom 8:2

Rhunmwuda, uhi ọghe Orhiọn ne ọ rhie a ya egbe ba Kristi Jesu ghae arrọọ gie ima, fan mwẹ ye otọ nẹ vbe obọ uhi ọghe orukhọ kevbe uwu.

Ẹfisọs 2:1

Vbe ẹghẹ ne ọ gberra, wa kegha re ne ọ wulo vbe orhiọn, rhunmwuda a i họn ẹmwẹ kevbe orukhọ uwa.

Ẹfisọs 2:8

Rhunmwuda, ẹsọhẹ ọghe Osanobua ọre a ya miẹn uwa fan vbe ekpa iyayi, ẹ i re emwi ne uwa ru, sokpan ẹse Osanobua nọ.

Ẹfisọs 5:14

Rhunmwuda emwi ne a ghi rhie ladian ne aro gba nẹ, uwanmwẹ ghi nọ, ọnii ọ si ẹe ne a na tae wẹẹ, “Rhiọrre, olovbe. Rhiọrre vbe orinmwi, Kristi gha wan uwanmwẹ muẹn.”

Kọlose 2:13

Vbe ẹghẹ ọkpa, wa hia keghi wulo vbe ekpa ọghe orhiọn, rhunmwuda orukhọ ne uwa ru, kevbe rhunmwuda wẹ, wa kegha re emwa ne ẹ i re Ju ni vbe lahin uwu nene Uhi rre. Sokpan, banbanna nian, Osanobua viọ uwa gha die arrọọ nẹ vbe uwu Kristi. Osanobua ye orukhọ ima hia bọ ima.

Taitọs 2:11

Rhunmwuda, Osanobua rhie ẹsọhẹ ọghọe ne a miẹn nẹ, vbe ekpa ọghe imiẹnfan emwa hia.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

Arhie Maan 22:21

Te ẹsọhẹ Nọyaẹnmwa Jesu gha gu emwa hia gha rrọọ. Isẹ.