Ẹfisọs 2:2 - Edo Bible (E Baibol Ẹdo) Version 1996

² Ẹghẹ nii, wa kegha lele ukpowẹ emwi dan ọghe agbọn na, wa kegha ru vbene ọ khare ighẹ ọmwa ne ọ rre ọdakha yan ẹtin avbe orhiọn ni rre ideghedeghe, orhiọn ne ọ sua iran nian ighẹ iran ne ẹ họn ẹmwẹ ne Osanobua.

Ẹfisọs 2:2 ပူးပေါင်းရင်းမြစ်များ

Job 1:16

Te ọnii he ye guan vbe ọguọmwadia ọvbehe rre do tama rẹn wẹẹ, “Avan nukhunmwu de yan avbe ohuan kevbe avbe ọsuohuan, ọ keghi gbele iran hia a, mẹ ọkpa ọ re ọ miẹn uhunmwu, ọ re I na do tama ruẹn.”

Job 1:19

ẹhoho nọkhua keghi ke uwu ato hoho rre. Ọ keghi bi owa ni gbe otọ, ọ na gbele iran hia a. Mẹ ọkpa ọ re ọ miẹn uhunmwu ọ re I na do tama ruẹn.”

Job 1:7

E Nọyaẹnmwa keghi nọ rẹn wẹẹ, “Vbe uwẹ a ke dee vbọ?” Esu keghi wanniẹn wẹẹ, “I hẹ yo hẹ rre zozo lele otọe agbọn khian.”

Job 31:7

Adeghẹ I biegbe lahin odẹ ẹmwata rre, ra ne emwi viẹn yọ mwẹ aro ghe ọkhọ, adeghẹ orukhọ ya iruẹn yọ mwẹ obọ,

Psalm 17:14

fanmwẹ ye otọ vbe obọ iran ne emwi agbọn na ne iran ho hia, sẹ ọre obọ. Ya usẹ ne u ghae ye otọ khẹ iran rri iran oya. Te ọ gha vbe sẹ avbe ivbi iran obọ vbọ ne a ye vbe sẹ eso rae khẹ eyẹ iran.

Aizaia 30:1

E Nọyaẹnmwa guaan nẹ wẹẹ, “Ọghe iran ni khaemwisẹ yan Igipt fo nẹ rhunmwuda, iran sọtẹ mwẹ. Uviẹn ne I ma vin ọ re iran lele. Iran ghi vbe ya gha gu emwa ke ọta ne I i ma kue yi, iran ghi gha kun orukhọ yan orukhọ.

Aizaia 57:4

De ọmwa ne uwa ya gbogiẹ yi? De ọmwa ne uwa ne ọhọn ohoghe na wee yi?

Jerimaia 23:10

Otọe na vuọn ne emwa, emwa ne ẹ i mu ohan e Nọyaẹnmwa; uyinmwẹ dan ira yin iran ghi gha lo ẹtin iran la ihan. Rhunmwuda ne Nọyaẹnmwa na fi ẹre unu, te otọ ghi khiẹ, ehe ne aranmwẹ na rria hia kaka a.

Hozia 10:9

E Nọyaẹnmwa khare wẹẹ, “Avbe ivbi Izrẹl ma he dobọ orukhọ ne a ru ghe mwẹ yi, kevbe ne iran ya rukhọ vbe Gibea gha dee. Rhunmwuda ọnii, e Gibea ọ re okuo ra na ya khu iran mu.

Matiu 11:19

Ovbi Ọmwa ghi vbe rre, ọ kegha re, ọ kegha da. Emwa ghi ra vbe kha, iran wẹẹ, ‘U ghe ẹre ighe ọmwẹko, ọdayọn, rẹn vbe iran ni koko igho uhunmwu kevbe avbe ẹwobi emwa ọre ọ gba mu obọ!’ Vbene ọ rhirhi a gha ye hẹ, emwi ne a ya ẹwaẹn Osanobua miẹn, ọre ọ kha ene unu ẹwaẹn Osanobua.”

Matiu 13:22

Emwiokọ ni kharha ye uwu igban keghi re iran ni họn ne ne ẹmwẹ, iran keghi vbe rhie ẹre. Sokpan orhikhan agbọn kevbe ẹmwẹ ẹfe keghi khuakhua ẹe gbua, ọ ma gie ẹe mọ.

Matiu 13:38

Ugbo ne ọ kọ ẹe yi ọrọre agbọn na, emwiokọ ni maa ọrọre emwa ni re ọghe nene Arriọba, ohunhun ọrọre iran ni re ọghe Esu.

Iyẹn ne ọ Maan Ọghe Mak 4:19

Sokpan orhikhan ẹmwẹ agbọn na, ẹmwẹ ẹfe, kevbe emwi ni ghi viẹn ye emwa aro hia, keghi hihiẹ rre, iran keghi khuakhua ẹmwẹ ni gbua, ọ ma ghi mọ.

Iyẹn ne ọ Maan Ọghe Luk 16:8

Arowa ọdia ẹkẹ vbe iwẹnwẹn na keghi tian rẹn ye ogie ẹwaẹn ne ọ wan rẹn na rhunmwuda, emwa ne agbọn ye ogiẹwaẹn ye obọ mu iwinna iran ẹse sẹ iran ne ivbi uwanmwẹ.”

Iyẹn ne ọ Maan Ọghe Luk 22:31

“Saimọn! Saimọn! Danmwehọ. A fan obọ ẹre ne Setan nẹ ne ọ danmwẹ uwa hia ghe zẹ vbene ọgbugbo khan ọka hin uwu ihunhun rre.

Iyẹn ne ọ Maan Ọghe Jọn 12:31

Eban ọre ọse ẹghẹ ne a gha ya bu ohiẹn agbọn na nian, eban nian, a ra ya ọre owẹ ye otọ ighe nọkhaemwisẹ yan agbọn na.

Iyẹn ne ọ Maan Ọghe Jọn 13:2

Jesu kevbe avbe erhuanegbe ẹre keghi rri evbare ota. Esu wa tae nẹ wẹẹ Judas ne ovbi e Saimọn Iskariọt ọre ọ gha rhie Jesu ma.

Iyẹn ne ọ Maan Ọghe Jọn 13:27

Ugbẹn vbe Judas ghi wa rhie ebrẹd nii nẹ, Esu keghi la uwu ẹre. Jesu keghi tama rẹn wẹẹ, “Gie obọ gha kẹe vbe emwi ne u ra ru ni.”

Iyẹn ne ọ Maan Ọghe Jọn 14:30

Mẹ i ra ghi gu uwa guan kpẹe sẹ ọna, rhunmwuda, ne ọ kha yan agbọn na dee.

Iyẹn ne ọ Maan Ọghe Jọn 15:19

Akpawẹ ọghe agbọn na uwa khin, agbọn na gha ho ẹmwẹ uwa zẹ vbe ọghe ẹe. Sokpan mẹ hannọ uwa zẹ hin uwu agbọn na rre nẹ, wa i ghi vbe re ọghe ẹe ọvbehe, ọnii ọ zẹẹ ne agbọn na khuiwu uwa.

Iyẹn ne ọ Maan Ọghe Jọn 16:11

Vbekpa ọghe ibuohiẹn, rhunmwuda a bu ohiẹn ne ọ khaemwisẹ yan agbọn na nẹ.

Iyẹn ne ọ Maan Ọghe Jọn 7:7

Agbọn i sẹtin gha khuiwu uwa, sokpan mẹ ọre ọ khuiwu ẹre rhunmwuda ne I na tama rẹn wẹ iwinna rẹn ẹ i ma.

Iyẹn ne ọ Maan Ọghe Jọn 8:23

Jesu wanniẹn wẹẹ, “Ototọ vbe emwana ọre uwa ke rre, sokpan, odukhunmwu mẹ ke rre. Agbọn na ọre uwa ke rre, sokpan, ẹ i re agbọn na mẹ ke rre.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

Iwinna 19:35

Vbe okiekie, Ọgbẹn ebe ẹvbo nii keghi sẹtin dọ iran yọ, ọ tama iran wẹẹ, “Ivbi Ẹfisọs, agbọn hia rẹnrẹn ighẹ Ẹfisọs ne okpẹvbo ọre ọ gbe aro ghe aro ẹbọ Atemis kevbe okuta eghẹnghẹn ne ọ ke ẹrinmwi de fi otọ.

Iwinna 5:3

Pita keghi tama rẹn wẹẹ, “Ananaias, vbe u a rhie otọ ne Setan ya hin yan orhiọn ruẹn hẹ yi, ne ọ na wẹ ne u do ta ohoghe ma Orhiọn Ne Ọ Huanrẹn, ne u na fian obọkpa rhie hin rre Vbe igho ne u khiẹn emwi ne u mwẹ re?

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

I Kọrinti 5:10

Ẹ i re iran ni ma yayi, ni gbe alama, ra ni zuan ra ni gbe olighi, ra ni ga ẹbọ, ọre I kha. Wa gha wẹ ne uwa gha lẹ ne iran, ọnii rhie maa ighẹ te uwa ghi ra kpao hin agbọn na rre fẹẹrẹ.

I Kọrinti 6:11

Erriọ eso vbe uwu uwa te ye, sokpan, akhuẹ uwa hin oru khọ rre nẹ, a ya uwa fi ohan ne Osanobua nẹ, a dọlọ uwa kugbe ba Osanobua vbe ekpa eni Jesu Kristi Nọyaẹnmwa kevbe vbe ekpa Orhiọn Osanobua mwa.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

Galatia 1:4

Ne ọ miẹn ehe na fan ima vbe obọ orre dan na, Kristi keghi ye egbe ẹre miẹn orukhọ mwa, zẹ vbe iho ọghe Osanobua kevbe Erha mwa.

Ẹfisọs 1:21

Evba nii ọre Kristi na dakha yan avbe ọdakha ni rre ẹrinmwi hia, kevbe asẹ kevbe ẹtin kevbe iran nekhua, rẹn yo sẹẹ eni ne a rhie asẹ na hia, ni rre agbọn na kevbe agbọn ne ọ dee.

Ẹfisọs 2:11

Wa ne a biẹlẹ ẹre emwa ne ẹ i re Ju, ne iran ne Ju tie ẹre ne ọ ma rhuẹ, iran ni tie egbe iran ne ọ rhuẹre (vbe ekpa emwi ne emwa ne agbọn ye obọ ru ye iran egbe,) wa ghi yerre emwi ne uwa te khin ẹghẹ ne ọ gberra.

Ẹfisọs 2:13

Sokpan, banbanna nian, vbe uwa ghi ku egbe kugbe ba Kristi Jesu nẹ, wa ne ọ te wa rre urria, te a ghi ye uwu ne Kristi wu si uwa kẹ egbe.

Ẹfisọs 2:3

Vbe ẹmwata, vbene iran ye ọre ima hia te ka gha ye, ma na wa gha ru vbene ikinnegbe mwa wa hoo, ma na gha ru emwikemwi ne egbe kevbe ekhọe mwa ghi ho. Zẹ vbene emwa nekpa hia gha ye, ma kegha re emwa ne a yi ẹre ama wẹ, ọ gha rri oya vbe obọ izohu Osanobua.

Ẹfisọs 4:17

Rhunmwuda ọnii, eni Nọyaẹnmwa ọre I ya ta ẹmwẹ na, te I wa vbe tua unu muẹn wẹ, wa ghẹ gha ru vbene avbe iran ne enigẹbọ ru, emwa ne iziro ekhọe iran i mwẹ esa ne ọ ye.

Ẹfisọs 4:22

Rhunmwuda ọnii wa muẹn fua ighẹ emwi ne uwa guẹe nẹdẹ, ne ọ ye uwa gha ru emwi ne uwa te ka ru nẹdẹ nii, ne emwi erẹrẹ ne ọ ho te ya rrie.

Ẹfisọs 5:6

Wa ghẹ gie ọmwa rhọkpa ya ẹmwẹ ọzuọ mu uwa rẹrẹ, usun emwi ne ọ si ẹe ne izohu Osanobua gha na rhurhẹ yan iran ne ẹ i họn ẹmwẹ nẹẹn, ọre ena khin.

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Ẹfisọs 6:12

Rhunmwuda ẹ i re emwa ne agbọn kẹkan ma gu vẹn, sokpan iran nọ ighẹ avbe ẹtin ni wo ni re avbe ẹrinmwi, avbe ọdakha, avbe enikhaemwisẹ, avbe eniwanrẹn asọn, ọ ghe orre ne ọ so ebiebi na.

Kọlose 1:21

Vbe ẹghẹ ọkpa, wa keghi te wa khian rrei ne Osanobua, wa na ya eghian su ẹe vbe ekpa emwi dan ne uwa roro kevbe ne uwa ru.

II Timoti 4:10

Rhunmwuda agbọn na rhiẹnrhiẹn mu e Demas ukpẹ nẹ, ọ kpao sẹ mwẹ rae, ọ kpao gha rrie Tesalonaika, e Kresens rrie Galatia, e Taitọs rrie Dalmatia.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.

Jems 1:7

We ọmwa vberriọ ghẹ ro ighẹ, Nọyaẹnmwa gha rhie emwi rhọkpa nẹẹn.

Jems 4:4

Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

I Pita 1:14

Wa gha họn ẹmwẹ ne Osanobua, wa ghẹ gie a miẹn wẹ avbe emwi ne uwa te rriarria ba ẹghẹ ne uwa na he re ne ọ ma rẹn ne a ye, ye gha ma uwa emwi ne uwa gha ru.

I Pita 4:3

Rhunmwuda, wa lo ẹghẹ ne ọ taẹn sẹ nẹ, ne uwa ya gha ru vbene avbe enimayayi ru. Ẹdẹ agbọn uwa kegha re ne a lo ye uyinmwẹ iruẹn ufifimwẹ, ayọn ne a da gbe egbe, ohọhọ, ẹbu idayọn, kevbe iruẹbọ nẹ ọ hu ọmwa ẹko.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:8

Ọmwaikọmwa ne ọ vbe gha ru orukhọ khian, ọghe Esu nọ, rhunmwuda, ke omuhẹn gha dee ọre Esu na ru orukhọ. Rhunmwuda ọna ọre Ovbi Osanobua na rre, ne ọ do fuẹn iwinna Esu ua.

I Jọn 4:4

Sokpan, wa ne ivbi mwẹ, ọ ghe Osanobua ọre uwa khin, wa vbe munọ avbe akhasẹ ohoghe gbe otọ nẹ, rhunmwuda Orhiọn ne ọ rre uwu uwa wo vbe egbe sẹ orhiọn ne ọ rre uwu iran ni re ọ ghe agbọn na.

I Jọn 5:19

Ma rẹnrẹn wẹ ọghe Osanobua ma khin kevbe wẹ Ọmwa Dan ni ọre ọ kha yan agbọn na hia.

I Jọn 5:4

Rhunmwuda, ọmwaikọmwa ne ọ ghi re ovbi Osanobua nẹ, te ọ sẹtin mu agbọn gbe otọ, vbenian ọre ima ya khọn agbọn miotọ, iyayi ọre a ya ruẹe.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 13:14

Ọ keghi ye iwinna ọyunnuan ne a rhie ẹghẹ nẹẹn ya winna mu emwa hia ni rre agbọn rẹrẹ vbe sirra aranmwẹ oha ne okaro nii. Aranmwẹ oha na keghi wẹ ne emwa ne agbọn hia ma amazẹ ọkpa ne a ya ya ọghọ nẹẹn ighẹ aranmwẹ oha nii ne a ya umozo kuan rẹn egbe ne ọ ma wu.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 16:17

Odibosa ne ogi ihinrọn keghi hihiẹ ọkpa ọghọe ye ẹhoho, Urhu ọkpa keghi davan ke uwu Ogiukpo ne ọ rre Ọgua Osa ladian wẹẹ, “A ru nẹ!”

Arhie Maan 20:2

Ọ keghi gua Ugbogiorinmwi nii rhie, nene ẹyẹn nẹkporriọ ne a tie ẹre Esu ra Setan, ọ keghi mu ẹn gba la ukpo arriaisẹn.