Ẹfisọs 2:19 - Edo Bible (E Baibol Ẹdo) Version 1996

¹⁹ Rhunmwuda ọnii nian, wa ne ẹ i re Ju i ghi re ọrriọvbe ra orhunmwuyẹn ọvbehe, ivbi ẹvbo ọkpa wa ghi gu emwa Osanobua khin, wa keghi vbe re ivbi ẹgbẹe Osanobua.

Ẹfisọs 2:19 ပူးပေါင်းရင်းမြစ်များ

Matiu 10:25

Ọmwa ne a ma ẹre emwi sẹtin hia ne ọ vba ne ọ ma ẹre emwi. Ra ne ọviẹn vba enarẹn. Adeghẹ iran tie ọdafẹn nọyan owa Bẹlzibọb, inu ghi nọ ne iran ni rre owa ni!

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

Ẹfisọs 3:15

Ọmwa ne ọ he ẹgbẹe hia ni rre ẹrinmwi kevbe agbọn eni ne eni.

Ẹfisọs 3:6

Nene oro ọ na khin wẹẹ, rhunmwuda iyẹn ne ọ maa, iran ne ẹ i re Ju, vbe gu iran ne Ju ghae vbe afiangbe Osanobua ina egbe ọkpa nii ọre iran hia khin, iran vbe mwẹ oghae vbe emwi ne Osanobua la ekpa Kristi Jesu ve.

Filipai 3:20

Sokpan ivbi ẹrinmwi ma khin, te ima vbe rhie aro ye odẹ gha khẹ ne Ọmiọnmwafan tuorre ke ẹrinmwi rre ighẹ Nọyaẹnmwa Jesu Kristi.

Hibru 11:13

Uwu iyayi ọre iran na hia na wulo. Emwi ne Osanobua ve ma he sẹ iran obọ, sokpan urria gbaan iran na bẹghe iran, iran keghi rhan obọ miẹn iran, iran keghi ye unu iran miẹn kue ma emwa hia wẹ, erhunmwuyẹn kevbe ekhẹn ọre iran khin vbe agbọn na.

Hibru 13:14

Rhunmwuda ma i mwẹ ẹvbo etẹbitẹ vbe agbọn na, ẹvbo ne ọ dee ọre ima rhie aro yi.

I Pita 2:11

I rinmwian uwa, wa ne avbe ọse mwẹ, zẹ vbe avbe erhunmwuyẹn kevbe emwa ne ọlọghọmwa werrie ẹre owa vbe agbọn na! Wa ghẹ rhie otọ ne orriarria egbe, emwi ne ọ gu orhiọn gbinna vbe ẹghẹ hia.

I Jọn 3:1

Wa ghe vbene Evbavba ho ẹmwẹ ina hẹ! Ọ ho ẹmwẹ mwa sẹrriọ wẹ, te a ghi tie ima ivbi Osanobua, ẹmwata, ivbi ẹre ọre ima gele khin. Ọna ọre ọ si ẹe ne agbọn ma na rẹn ima, ọ ma rẹn Osanobua.