Ẹfisọs 2:16 - Edo Bible (E Baibol Ẹdo) Version 1996

¹⁶ Vbe ekpa uwu ne ọ wu vbe uhunmwu ugbugbe, Jesu keghi wabọ irriakhuẹ ne ọ rrọọ, vbe ekpa nene ugbugbe, rẹn keghi ku ẹwae eva ni kugbe ya khian egbe ọkpa, ọ keghi viọ iran werriegbe bu Osanobua gha dee.

Ẹfisọs 2:16 ပူးပေါင်းရင်းမြစ်များ

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Ebe ne Pọl gbẹẹn gie emwa Rom 6:6

Rhunmwuda, ma rẹn ọnọna wẹ a gbe emwi ne ima te khin uan nẹ ba Kristi vbe uhunmwu ugbugbe ẹre, ne a miẹn ehe na fuẹn uan ighẹ ẹtin egbe nọ re ọghe orukhọ, ne ima ghẹ gha re ọviẹn orukhọ ọvbehe.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

Ebe ne Pọl gbẹẹn gie emwa Rom 8:7

Rhunmwuda ọnii, a deghẹ egbe zẹ vbene a yiẹe ọre ọ gie odẹ emwi ne ọmwa gha ru ma ọmwa, ọmwa ni khian oghian Osanobua nẹ, rhunmwuda, ẹ i ghi zẹ ye vbene uhi Osanobua kha re, vbe ẹmwata, rẹn i ghi vbe sẹtin zẹ yọ.

I Kọrinti 10:17

Rhunmwuda ighẹ ebrẹd ọkpa nọ, ma hia gha rhe gha bun, egbe ọkpa ma khin, rhunmwuda ebrẹd ọkpa ma na re.

Galatia 2:20

Ọre a ghi na miẹn nian wẹ, ẹ i re imẹ ọre ọ ghi rre agbọn ọvbehe, sokpan Kristi ọre ọ rre agbọn vbe uwu imẹ vbene I ghi ya rre agbọn na nian, iyayi ọre I ghi ya rrọọ vbe uwu ovbi Osanobua, ọmwa ne ọ ho ẹmwẹ mwẹ, ọ na rhie ẹdẹ agbọn rẹn mẹ.

Ẹfisọs 2:15

Ọ keghi gbe ukhu ẹre ua ighẹ nene uhi avbe Ju, deba iyi kevbe ilele ne ọ rrọọ, ne ọ miẹn ehe na ya ẹwae eva na, khian emwa ọkpa ọghọgbọn deba egbe irẹn, ne ọ gha re ne ọ ya ru adọlọ.

Ẹfisọs 3:6

Nene oro ọ na khin wẹẹ, rhunmwuda iyẹn ne ọ maa, iran ne ẹ i re Ju, vbe gu iran ne Ju ghae vbe afiangbe Osanobua ina egbe ọkpa nii ọre iran hia khin, iran vbe mwẹ oghae vbe emwi ne Osanobua la ekpa Kristi Jesu ve.

Ẹfisọs 4:4

Egbe ọkpa ọre ọ rrọọ kevbe Orhiọn ọkpa, zẹ vbe ne a vbe miẹn wẹ, idaehọ ọkpa ọre ọ rrọọ ne Osanobua tie uwa yi.

Kọlose 2:14

Ọ keghi khiẹn ẹnrẹn uan ighẹ ebe ne a te ya gbẹnnẹ osa ne ima re ye ima urhu, ke ẹe kevbe ilele ne a te ya gbalọ mwa, ọ keghi wa wabọ ẹre ua fẹẹrẹ, vbe ekpa ne ọ na kan rẹn mu ugbugbe.

Kọlose 3:15

Ọfumwegbe ne Kristi rhie ne ọmwa, ọre ọ kere ne ogha re ne ọ buohiẹn vbe uwu ekhọe uwa, rhunmwuda, ọfumwegbe na ọre Osanobua tie uwa kugbe ba vbe ẹgbẹe ọkpa nii. Wa vbe gha kpọnmwẹ.