Ẹfisọs 2:11 - Edo Bible (E Baibol Ẹdo) Version 1996

¹¹ Wa ne a biẹlẹ ẹre emwa ne ẹ i re Ju, ne iran ne Ju tie ẹre ne ọ ma rhuẹ, iran ni tie egbe iran ne ọ rhuẹre (vbe ekpa emwi ne emwa ne agbọn ye obọ ru ye iran egbe,) wa ghi yerre emwi ne uwa te khin ẹghẹ ne ọ gberra.

Ẹfisọs 2:11 ပူးပေါင်းရင်းမြစ်များ

Ezikiẹl 20:43

“Ẹghẹ nii, wa gha na do ye avbe emwiekhue ne uwa ru hia rre, ke vbene uwa mu awua ye egbe uwa egbe hẹ. Egbe uwa gha sọnnọ uwa, rhunmwuda emwi dan hia ne uwa ru.

Ezikiẹl 36:31

Wa gha ye avbe uyinmwẹ dan kevbe abakuru ne uwa ru rre, ohu egbe uwa ghi gha mu uwa, rhunmwuda orukhọ kevbe uyinmwẹ dan uwa.

Matiu 20:7

Iran wanniẹn tama rẹn wẹẹ, ‘Ma ma miẹn ọmwa ne ọ viọ ima ye iwinna.’ Ọ khama iran wẹẹ, ‘Wa vbe gha rrie ugbo mwẹ khekherriọ.’

Ebe ne Pọl gbẹẹn gie emwa Rom 11:17

A ghi giagia ahọ eso kua vbe erhan ohọ ne a kọe, a keghi do mu abọ erhan ohọ ni rre oha mama yọ. Wa ne ẹ i re Ju, te uwa yevbe erhan ohọ ni rre oha nii, wanwan nian, agbọn ẹfe kevbe ne ọ mwẹ ẹtin ne ọre ọghe avbe Ju, sẹ uwa obọ.

Ebe ne Pọl gbẹẹn gie emwa Rom 2:26

Adeghẹ ọmwa ne ẹ i re Ju, ne ọ ma vbe rhuẹ ru vbene nene Uhi kha re, ẹ i re te Osanobua gha ka ẹe ye enọ rhuẹre ra.

Ebe ne Pọl gbẹẹn gie emwa Rom 2:27

Avbe iran ne ẹ i re Ju ọre ọ ra bu ohiẹn gbe avbe uwa ne Ju na. Rhunmwuda, u rra nene Uhi, egbe ne a rhe ya gbẹn ọẹn yu uẹ otọ, u keghi vbe rhuẹ, vberriọ iran i ru vbene nene Uhi kha re egbe ne a ma rhe ya rhuẹ iran vbe ọghe ikinnegbe.

I Kọrinti 12:2

Wa rẹnrẹn wẹ, ẹghẹ ne uwa na gha re emwa ni ga ẹbọ kẹkan, avbe amazẹ ọre ọ gha ye uwa ru enegbe iran, iran na vbe gha ye uwa ba odẹ ku vbe ẹghẹ hia.

I Kọrinti 6:11

Erriọ eso vbe uwu uwa te ye, sokpan, akhuẹ uwa hin oru khọ rre nẹ, a ya uwa fi ohan ne Osanobua nẹ, a dọlọ uwa kugbe ba Osanobua vbe ekpa eni Jesu Kristi Nọyaẹnmwa kevbe vbe ekpa Orhiọn Osanobua mwa.

Galatia 2:15

Vbe ẹmwata, ivbi eseserese vbe uwu e Ju ma khin ighẹ ẹ i re emwa orukhọ ne ẹ i re Ju.

Galatia 6:12

Iran ni ho ne iran gha tọn ifuẹn mu, kevbe ne iran gha ya emwi ikinnegbe rhuọ, ọre ọ ho ne ọ ya ẹkiudu mu uwa ne uwa rhuẹ. Sokpan, emwi ne ọ ya iran ru ẹe ọrọre, ne a ghẹ miẹn ehe na kpokpo iran ba ẹmwẹ ugbugbe Kristi.

Ẹfisọs 2:2

Ẹghẹ nii, wa kegha lele ukpowẹ emwi dan ọghe agbọn na, wa kegha ru vbene ọ khare ighẹ ọmwa ne ọ rre ọdakha yan ẹtin avbe orhiọn ni rre ideghedeghe, orhiọn ne ọ sua iran nian ighẹ iran ne ẹ họn ẹmwẹ ne Osanobua.

Ẹfisọs 5:8

Wa tobọ uwa te ka vbe gha rre uwu ebiebi yi, sokpan, banbanna nian, ne uwa ghi na khian emwa ọghe Nọyaẹnmwa nẹ, uwu uwanmwẹ ọre uwa ghi ye.

Diuteronomi 15:15

Wa ghi yerre wẹ, eviẹn wa gha a khin vbe Igipt, e Nọyaẹnmwa ne Osanobua uwa keghi fannọ uwa kua, ọna ọ si ẹe ne I na rhie uhi na ne uwa.

Diuteronomi 16:12

Yerre ighẹ eviẹn wa te gha khin vbe Igipt, rhunmwuda ọnii, wa ghẹ gia miẹn ighẹ wa ma ya avbe uhi na ru emwi.

Diuteronomi 5:15

Yerre we eviẹn wa te vbe gha khin vbe otọ Igipt, kevbe wẹ mẹ ne Nọyaẹnmwa Osanobua ruẹ ọ re ọ ye ẹtin kevbe iwegbe mwẹ nọkhua fan uwa vbe irri. Ọnii ọ zẹe ne I na wẹ ne uwa gha zẹ nene ẹdẹ kọ ya hẹwẹ.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Diuteronomi 9:7

“Wa ghẹ mianmian vbene uwa ya ohu mu e Nọyaẹnmwa ne Osanobua hẹ vbe uwu ato.

Filipai 3:3

Rhunmwuda, mẹ nọ, ẹ i re iran ọ re a rhie arhuẹ ẹmwata na, rhunmwuda, Orhiọn ọre ima ya ga Osanobua, ma ghi vbe gha ghọghọ ye agbọn ne ima ye vbe uwu Kristi Jesu. Ma i mu ẹtin yan emwi iruemwi ọghe ore egbe.

Kọlose 1:21

Vbe ẹghẹ ọkpa, wa keghi te wa khian rrei ne Osanobua, wa na ya eghian su ẹe vbe ekpa emwi dan ne uwa roro kevbe ne uwa ru.

Kọlose 2:11

Wa ghi ya egbe ba irẹn nẹ, wa keghi do khian emwa ne a rhuẹ re, ẹ i re egbe a rhuẹ ne emwa ne agbọn ya obọ ru, sokpan arhuẹ ọghe Kristi tobọ ẹre ne ọre a rhan ọmwa vbe irri hin obọ egbe orukhọ na rre.

Kọlose 2:13

Vbe ẹghẹ ọkpa, wa hia keghi wulo vbe ekpa ọghe orhiọn, rhunmwuda orukhọ ne uwa ru, kevbe rhunmwuda wẹ, wa kegha re emwa ne ẹ i re Ju ni vbe lahin uwu nene Uhi rre. Sokpan, banbanna nian, Osanobua viọ uwa gha die arrọọ nẹ vbe uwu Kristi. Osanobua ye orukhọ ima hia bọ ima.

Kọlose 3:11

Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!

I Samuẹl 17:26

E Devid keghi nọ emwa ni mudia ke ẹe vbe evba wẹẹ, “De emwi ne a gha ru ne ọmwa ne ọ sẹtin gbe ọmwa na yi, ne ọ vbe ban ukpọn efaa na hin Izrẹl ẹkun rre? Vbe ọ ke rre ighẹ ọ na ghẹ ovbi e Filistin ne ukpikolo, ne ọ do gha fa iran an ighẹ ivbiyokuo Osanobua ne ọ rrọọ.”

I Samuẹl 17:36

I gbele avbe oduma kevbe akpakomiza, e rriọ I ra vbe ru e Filistin ne ukpikolo na, ọmwa ne ọ fa ivbiyokuo Osanobua nọ rrọ ua.