Ẹfisọs 1:7 - Edo Bible (E Baibol Ẹdo) Version 1996

⁷ Rhunmwuda, vbe ekpa uwu Jesu Kristi, a keghi fannọ ima ye otọ, ọnii nọ wẹ a keghi vbe ya avbe orukhọ mwa bọ mwa. U miẹn vbe ẹsọhẹ, Osanobua kpọlọ hẹ,

Ẹfisọs 1:7 ပူးပေါင်းရင်းမြစ်များ

Job 33:24

Odibosa nii ghi ya itohan kha wẹẹ, ‘Wa fan ẹẹn ye otọ. Ẹ i rrie ehe ne iran ni wulo nẹ ye. Wa ghe emwi ne a ya dẹ ọẹ werriegbe, ne u wa rhan rẹn.’

Psalm 130:4

Sokpan, te uwẹ ya bọ mwa, ne ima gha ya imuegberriotọ họn ẹmwẹ ne uẹn.

Psalm 130:7

Izrẹl, wa mu ẹtin yan e Nọyaẹnmwa, rhunmwuda, aho ẹre i fiwerriẹ, ọ vbe mu egbe ne ọ ya miẹn ọmwa fan vbe ẹghẹ hia.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Ẹksọdọs 34:7

Mẹ vbe mu eyan mwẹ sẹ igba arria isẹn vbe inu ihe ne ọ khin. ne ọ ya iba, ọkhọ, kevbe emwi dan bọ ọmwa, sevba ne ẹ i mianmian ne ọ ya rria ikhi orukhọ ne avbe erha iran ru vbe egbe ivbi iran ya sẹ orre ne ogienẹ.”

Aizaia 43:25

Vberriọ, mẹ ọrọre Osanobua ne ọ ye orukhọ uwa bọ uwa. Te I ru ọna rhunmwuda egbe ọmwa ne imẹ khin. Mẹ i ra ka orukhọ uwa ye uwa urhu.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Daniẹl 9:19

Nọyaẹnmwa, họn ọghomwa, Nọyaẹnmwa, yabọ mwa. Nọyaẹnmwa, họn ọghomwa, ne u guan yọ. Ne emwa hia miẹn ehe na rẹn ighe Osanobua wẹ khin, ghe si ẹe kpee vbe otọ Nọyaẹnmwa. Ẹvbo na kevbe emwa na, ọwuẹ ehia khin.”

Daniẹl 9:9

Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Zẹkaraia 9:11

E Nọyaẹnmwa khare wẹẹ, “Rhunmwuda ile ne I gu uwa ta, ne a ya esagiẹn izọese ye ẹre okhi, I gha fannọ emwa ruẹn kua. Lahin otọe uvun iwe ne amẹ i ye rre.

Matiu 20:28

Zẹẹ vbe ne Ovbi Ọmwa ye, ọ ma rre ne a do gha ga ẹe, sokpan ne irẹn do ga emwa kevbe ne ọ ya orhiọn rẹn dẹ emwa ni bun werriegbe.”

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Matiu 6:12

Ya orukhọ mwa hia bọ mwa, vbe ne ima ya bọ enirumwakhọ.

Iyẹn ne ọ Maan Ọghe Mak 14:24

Jesu keghi khama iran wẹẹ, “Ọnọna ọrọre esagiẹn mwẹ ne a gbe ye otọ ne emwa ni bun, esagiẹn mwẹ ne a ya yi ile Osanobua okhi.

Iyẹn ne ọ Maan Ọghe Luk 1:77

Ne u khama emwa rẹn ighe a gha miẹn iran fan. Vbe kpa ne a gha na ye orukhọ bọ iran.

Iyẹn ne ọ Maan Ọghe Luk 24:47

Kevbe wẹẹ, eni ẹnrẹn ọre a gha ya kpe orhu a roiro fi uyinmwẹ werriẹ kevbe a yabọ orukhọ ma uhunmwu ẹvbo hia, Jerusalẹm ọre a gha ke suẹ ọnrẹn.

Iyẹn ne ọ Maan Ọghe Jọn 20:23

Ọmwa ne uwa ya orukhọ bọ, a ya ẹe bọ ẹe, ọmwa ne uwa ma ya bọ, a ma ya ẹe bọ ẹe.”

Iwinna 10:43

Avbe akhasẹ hia ta ẹmwẹ ọnrẹn wẹ ọmwaikọmwa ne ọ rhirhi a yae yi, a gha ya orukhọ ẹre hia bọ ẹe la ekpa ẹtin eni ẹnrẹn.”

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 20:28

Wa gha gbe aro ghe egbe uwa kevbe ohuan hia ne Orhiọn Ne Ọ Huanrẹn viọ ne uwa gha su, wa gha re ọsuohuan esọsi Osanobua ne ọ ya uwu Ovbi ẹre ya khian oghẹ ẹe.

Iwinna 3:19

Rhunmwuda ọnii nian, wa roiro fi uyinmwẹ werriẹ, wa bu Osanobua gha dee, ne ọ miẹn ehe na kpe orukhọ uwa hia kua.

Ebe ne Pọl gbẹẹn gie emwa Rom 2:4

Ra te uwẹ miẹn ọẹn fo ighẹ itohan rẹn nọkhua kevbe ifuẹko kevbe i ziengbe ẹre? Wẹ ma rẹn ighẹ te Osanobua ziengbe ne ọ rhie ẹghẹ nuẹn ne u ya fiwerriẹ?

Ebe ne Pọl gbẹẹn gie emwa Rom 3:24

Sokpan vbekpa ẹsọhẹ Osanobua ne a rhie ne emwa vbe ọhẹ, a keghi la ekpa Jesu Kristi ne ọ fannọ iran ye otọ ye ehia khian ọmwata vbe odaro ẹre.

Ebe ne Pọl gbẹẹn gie emwa Rom 3:25

Te Osanobua yae ru ọmwa ẹse wẹ rhunmwuda uwu ẹre, ne irẹn do khian emwi ne a la ekpa ẹre ya orukhọ bọ emwa vbe iran a ya ẹe yi. Te Osanobua ye Kristi ru ẹse ne ọ ya ma emwa ẹre vbene irẹn ya ye emwa khian emwata vbe odaro ẹre hẹ. Vbe ẹghẹ ne ọ gberra, Osanobua keghi ziengbe, ọ ma vbe zẹ ye orukhọ ne emwa ne agbọn ru.

Ebe ne Pọl gbẹẹn gie emwa Rom 9:23

Ọ keghi vbe gha ho ne ọ rhie ẹre ne a miẹn ighẹ ukpọlọmwẹ uyi ẹre ne ọ tue yan ima ne ọ wẹ ne irẹn tohan rẹn, ma ne ọ hannọ ye otọ nẹ ne uyi ẹre sẹ ima obọ.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Ẹfisọs 1:14

Nene Orhiọn Ne Ọ Huanrẹn ọre a ya zẹ osẹe yọ wẹ, emwi ne Osanobua ve emwa rẹn re, gha sẹ ima obọ, ọ keghi vbe gie aro mwa da ẹe wẹ Osanobua gha rhie ọdakha egbe ọmwa ne ọ gbae ne avbe emwa rẹn. Wa gie ima rho uyi ẹre!

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Ẹfisọs 1:8

ne irẹn wa vbe rhie ẹre ọrhẹnrhẹn ne ima. Vbe uwu ẹwaẹn ọghọe, kevbe ne ọ na ghe umian emwi.

Ẹfisọs 2:4

Sokpan ọkpọkua ọre itohan Osanobua khin, aho ẹmwẹ ọmwa rẹn ghe mwa keghi vbe re nọkhua.

Ẹfisọs 2:7

Te irẹn ru ọna, ne aro ẹvbo miẹn ehe na sẹ ọe rhinrin do sẹ ẹghẹ ne ọ dee ighẹ ọwọrhọwọrhọ ọghe ẹsọhẹ ọghọe, vbe uwu aho ẹmwẹ ọmwa ne irẹn mwẹ ghe mwa vbe uwu Kristi Jesu.

Ẹfisọs 3:16

I ghi rinmwian Osanobua wẹ, vbe ekpa ukpọlọmwẹ uyi ẹre, ne ọ la ekpa Orhiọn ẹnrẹn rhie ẹtin ne uwa ne uwa ya wo vbe egbe vbe uwu egbe uwa.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

Filipai 4:19

Debare, Osanobua mwẹ ne ẹfe ẹre kpọkua vbe uwu Kristi Jesu, gha kpe emehe emwi ne uwa i mwẹ hia.

Kọlose 1:14

Ọmwa ne ọ miẹn ima fan, ọ na vbe ya avbe orukhọ mwa bọ mwa.

Kọlose 1:27

Rhunmwuda nene emwamwa ọghe Osanobua ọre ọna khin. Ne ọ we oro ẹre rua ma emwa irẹn, oro emwi ighobioye kevbe uyi ne ọ viọ khẹ emwa rẹn hia. Nene oro ọna khin: Kristi rre uwu uwẹ, ọnii rhie maa wẹ, te a ghi ra ghae su uẹ egbe vbe uyi Osanobua.

Kọlose 2:13

Vbe ẹghẹ ọkpa, wa hia keghi wulo vbe ekpa ọghe orhiọn, rhunmwuda orukhọ ne uwa ru, kevbe rhunmwuda wẹ, wa kegha re emwa ne ẹ i re Ju ni vbe lahin uwu nene Uhi rre. Sokpan, banbanna nian, Osanobua viọ uwa gha die arrọọ nẹ vbe uwu Kristi. Osanobua ye orukhọ ima hia bọ ima.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

I Timoti 2:6

Ọmwa ne ọ ye egbe ẹre dẹ emwa ne agbọn hia werriegbe, ọnii ọre ama ne aro ya dae ẹe, vbe ọwa sẹ ẹghẹ ọre zẹẹ, wẹ Osanobua ho ne emwa hia miẹn imiẹnfan.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Taitọs 3:6

Te Osanobua wa mobọ tue Orhiọn Ne Ọ Huanrẹn yan ima ẹsẹse, la ekpa Jesu Kristi Ọmiọnmwafan mwa.

Hibru 9:22

Vbe ẹmwata, zẹ vbene Uhi khare, esagiẹn ọre a ya ye emwi hia huan, a deghẹ a ma da esagiẹn ye otọ, orukhọ ne a ya bọ ẹ i rrọọ.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.

I Jọn 2:12

Ivbi mwẹ, I gbẹn ebe gie uwa rhunmwuda, a la ekpa eni Jesu ya orukhọ uwa bọ uwa nẹ.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

I Jọn 4:10

Emwi ne aho ẹmwẹ ọmwa khin ọre ọ na khin, ẹ i re wẹ, ma ka hoẹmwẹ Osanobua nẹ, sokpan wẹ, rẹn ọre ọ hoẹmwẹ mwa, ọ keghi gie Ovbi ẹre ne ọ do gha re emwi ne a gha la ekpa ẹre ya orukhọ mwa bọ mwa.

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.