Ẹfisọs 1:6 - Edo Bible (E Baibol Ẹdo) Version 1996

⁶ Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Ẹfisọs 1:6 ပူးပေါင်းရင်းမြစ်များ

Psalm 22:20

Miẹn mwẹ fan hin umozo rre, vbe miẹn orhiọn mwẹ hin obọ avbe ekita na rre.

Psalm 60:5

Ya ẹtin ruẹn miẹn mwa fan, họn erhunmwu mwa ne a miẹn ehe na dẹ emwa ne u ho ẹmwẹ ọnrẹn werriegbe.

Itan 16:4

Emwi ne Nọyaẹnmwa yi hia wa mwẹ ne a zẹ yotọ khẹ ọre; emwi ne a ghae khẹ ọmwa dan ọrọre ọfuan.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 43:21

Avbe emwa ni yii ne egbe mwẹ iran khin iran gha vbe so ihuan urhomwẹ mwẹ.”

Aizaia 61:11

Zẹ vbene ọ ye wẹ te emwiokọ gha zọ, ọ ghi vbe wan zẹẹ, erriọ zẹ ọ re Nọyaẹnmwa ne Udazi gha miẹn emwa rẹn fan. Avbe uhunmwu ẹvbo hia ghi gha rho ẹre.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Jerimaia 33:9

E Jerusalẹm ghi do gha re ne ọ ya ọyẹnmwẹ sẹ mwẹ, ne ọ mwẹ uyi, kevbe ne ọ ghan, ohan gha mu avbe uhunmwu ẹvbo hia ni rre agbọn na iran ghi vbe gha guọ vbe iran a họn emwi ni maa ne I ru ne Jerusalẹm, kevbe ọmaa ne agbọn ne I viọ la ẹvbo nii.”

Levitikọs 15:15

Ohẹn ghi gbe ọkpa vbọ zẹ vbe ese orukhọ kevbe nọkpa zẹ vbe ese na giẹn uan. Erriọ ọ gha ru iruemwi akpehuan, ne ọmwa nii.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 20:9

A keghi ha iran ni rre vbe odẹ ihe ẹgogo isẹn ikọbọ ọkpọkpa.

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Iyẹn ne ọ Maan Ọghe Luk 2:14

“Uyi nọ ne Osanobua vbe ẹrinmwi ne ọ yo sẹ. Kevbe ọfumwegbe ne emwa ne ẹko ẹre rhiẹnrhiẹn ghe vbe agbọn!”

Iyẹn ne ọ Maan Ọghe Jọn 10:17

“Evbavba ho ẹmwẹ mwẹ, rhunmwuda, mẹ mu egbe vbe ẹghẹ hia ne I ya rhie orhiọn mwẹ ye otọ, ne I miẹn ehe na vbe dọlegbe rhie ẹre werriegbe.

Iyẹn ne ọ Maan Ọghe Jọn 3:35

Erha ho ẹmwẹ Ovbi ẹre, ọ keghi viọ emwi hia ye ẹtin ẹnrẹn obọ.

Ebe ne Pọl gbẹẹn gie emwa Rom 8:1

Banbanna nian, a ma ghi bu ohiẹn gbe iran ni ye egbe ba Jesu Kristi gha rrọọ.

II Kọrinti 4:15

Rhunmwuda uwa ọre ena hia khin, zẹ vbene ẹsọhẹ Osanobua ya sẹ egbe emwa ni bun, erriọ iran gha vbe ya gha na erhunmwu sẹ ayọ ba ekpọnmwẹ ne uyi Osanobua.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Ẹfisọs 1:12

Rhunmwuda ọnii, wa gie ima, ni re emwa ni ka gha mwẹ idaehọ vbe uwu Kristi, rhie urhomwẹ ne uyi Osanobua.

Ẹfisọs 1:14

Nene Orhiọn Ne Ọ Huanrẹn ọre a ya zẹ osẹe yọ wẹ, emwi ne Osanobua ve emwa rẹn re, gha sẹ ima obọ, ọ keghi vbe gie aro mwa da ẹe wẹ Osanobua gha rhie ọdakha egbe ọmwa ne ọ gbae ne avbe emwa rẹn. Wa gie ima rho uyi ẹre!

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 2:7

Te irẹn ru ọna, ne aro ẹvbo miẹn ehe na sẹ ọe rhinrin do sẹ ẹghẹ ne ọ dee ighẹ ọwọrhọwọrhọ ọghe ẹsọhẹ ọghọe, vbe uwu aho ẹmwẹ ọmwa ne irẹn mwẹ ghe mwa vbe uwu Kristi Jesu.

Filipai 1:11

Ẹdẹ agbọn uwa ghi do vuọn ne avbe emwi ne ọre ne ọ maa, ọghe ẹmwata ne a ghe ginna ọmwa, ne Jesu Kristi ọkpa sẹtin rhie ladian ne uyi kevbe urhomwẹ Osanobua.

Filipai 3:9

Ne I vbe khian ne a wa kugbe ba irẹn fo. Mẹ i ghi mwẹ emwi obọ mwẹ ne I gha ya tie egbe mwẹ ọmwata, egbe ne I gha te la ekpa a ru vbene nene Uhi khare gha mwẹ, ọmwata ne I ghi khin na nian, keghi re ne a la ekpa a ya Kristi yi rhie ne ọmwa, a re ọmwata ne ọ ke obọ Osanobua rre, ne ẹyotọ ẹre re iyayi.

Filipai 4:19

Debare, Osanobua mwẹ ne ẹfe ẹre kpọkua vbe uwu Kristi Jesu, gha kpe emehe emwi ne uwa i mwẹ hia.

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

I Pita 2:5

Wa gha dee zẹ vbe okuta ni rrọọ, ne uwa gia ya uwa bọ Ọgua Osa ọghe orhiọn, eke ne uwa gha na winna, zẹ vbe avbe ohẹn ni huanrẹn, ne uwa gha zọ ese orhiọn ne a ọ gia rhan obọ miẹn ghe Osanobua vbe ekpa Jesu Kristi.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.