Ẹfisọs 1:5 - Edo Bible (E Baibol Ẹdo) Version 1996

⁵ Osanobua tae nẹ wẹ vbe ekpa Jesu Kristi, rẹn gha silo ima rrie egbe ne ima do gha re ivbi ẹre, vbene ọ yẹ ọre, kevbe vbene ọ mwamwa ẹn ọre ọna khin.

Ẹfisọs 1:5 ပူးပေါင်းရင်းမြစ်များ

Jerimaia 3:19

E Nọyaẹnmwa khare wẹẹ, “Izrẹl, te I te wẹ ne I rhan obọ miẹn ruẹn ya ye ọmọ, ne I mu otọ ne ọ mose ne uẹn, otọe ne ọ mose sẹẹ vbe otọ agbọn hia. Te I te ho ne u tie mwẹ erha, ne u ghẹghi dọlegbe fi iyeke gbe mwẹ ẹdẹdẹmwẹdẹ.

Jerimaia 3:4

“Eban nian, wa do gha tama mwẹ wẹẹ, ‘Wẹ ọre erha mwẹ te uwa gha hoẹmwẹ mwẹ ke ẹghẹ ọvbokhan mwẹ gha dee.

Daniẹl 4:35

Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Hozia 1:10

Ivbi Izrẹl gha do gha yevbe ikpẹ ekhae ni rre okun, iran ghi gha re ne a i sẹtin ka ra ne a mwa rẹn. Banbanna nian Osanobua tama iran wẹẹ, “Wa i re emwa mwẹ.” Sokpan, ẹdẹ dee ne ọ gha tama iran wẹẹ, “Wa ọrọre ivbi Osanobua ne ọ rrọọ!”

Matiu 1:25

Sokpan iran ma miẹn egbe ọ te biẹ ọmọ okpia ni. Josẹf keghi he ẹre Jesu.

Matiu 11:26

Erriọ wa nọ, Evba vba, vbene ọ yẹ ruẹ kevbe vbene ọ ke ekhọe ruẹ rre ọre u ru ẹe.

Iyẹn ne ọ Maan Ọghe Luk 10:21

Ẹghẹ ni ọre Jesu na vuọn ne oghọghọ vbekpa Orhiọn Ne ọ huanrẹn, ọ wẹẹ, “Evbavba Nọyan ẹrinmwi kevbe agbọn, I kpọnmwẹ ọn rhunmwuda, emwi ne u mu lẹre ne iran ni rẹn emwi, ọre u do mu ma iran ni ma rẹn emwi rhọkpa na. Ekhọe obọ ruẹ Ọre u ya ru ẹe vbe ne ọ yẹ ruẹ.

Iyẹn ne ọ Maan Ọghe Luk 11:32

Ọ gha sẹ Ẹdẹ Ibuohiẹn, emwa Ninevi gha kpaegbe ba uwa ifi ẹzọ, rhunmwuda iran zobọ vbe orukhọ vbe iran họn ikporhu e Jona, ne I tama uwa ighẹ emwi ne ọ sẹ Jona rre emwa na.

Iyẹn ne ọ Maan Ọghe Luk 12:32

“Wa ghẹ fian afianma, oghẹn kherhe. Rhunmwuda, ọ re ekhọe Erha uwa nẹ ne ọ rhie Arriọba ni ne uwa.

Iyẹn ne ọ Maan Ọghe Jọn 1:12

Vbene ọ rhirhi gha ye hẹ, eso vbọ rhan obọ miẹn rẹn, iran keghi yaeyi, rhunmwuda ọnii, rẹn keghi rhie ẹtin ne iran ne iran khian ivbi Osanobua.

Iyẹn ne ọ Maan Ọghe Jọn 11:52

Sokpan ẹ i re ne iran ọkpa, sokpan ne ọ vbe si ivbi Osanobua ni zagha kua koko ye otu ọkpa.)

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iwinna 13:48

Ugbẹn vbe iran ne ẹ i re Ju ghi họn ẹmwẹ na, iran keghi ghọghua, iran keghi rho ẹmwẹ Nọyaẹnmwa, iran ne a hannọ zẹ ye ẹfe ne ẹ i fo nẹ, keghi do yayi.

Ebe ne Pọl gbẹẹn gie emwa Rom 8:23

Sokpan ẹ i re avbe emwi ne a yi ọkpa, sokpan, ma ni mwẹ nene Orhiọn zẹ vbe emwi okaro ne Osanobua ya ru ọmwa ẹse, erriọ ma vbe mannọ egbe vbe uwu egbe, vbe ehe ne ima na mudia khẹ Osanobua, ne ọ do ya ima khian ivbi ẹre, ne ọ vbe rhan emwi ne ima khin hia vbe irri.

I Kọrinti 1:1

E Pọl ne a la ekpa iho Osanobua tie ne ọ do gha re Ukọ ọghe Jesu Kristi, kevbe Sọstenes, ọtẹn mwẹ ne okpia, ọre ọ gbẹn ebe na,

I Kọrinti 1:21

Rhunmwuda Osanobua, vbe ekpa ẹwaẹn ne ọ wanrẹn, ọ keghi ru ẹe wẹ ne emwa ne agbọn i ghẹ sẹtin ya ẹwaẹn iran gualọ irẹn miẹn, sokpan, Osanobua keghi wẹẹ, ikpẹ orhu “akpa” ne ima kpe, ọre irẹn gha la ekpa ẹre miẹn iran ni yayi fan.

II Kọrinti 6:18

Mẹ ghi gha re erha uwa, wa ghi gha re ivbi mwẹ ne ikpia kevbe ne ikhuo, erriọ Nọyaẹnmwa Oghodua kha re.”

Galatia 3:26

Rhunmwuda, vbe ekpa iyayi, ọre uwa hia na re ivbi Osanobua, vbe uwu a ya egbe ba Kristi Jesu.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Ẹfisọs 1:9

Osanobua keghi wa ru zẹ vbe ne ọ ye ekhọe mwamwa ẹn, ọ keghi gie ima rẹn emwamwa ne irẹn mwamwa ẹn vbe ẹkhokho, ne ọ wẹ rẹn gha la ekpa Kristi ya khian ne a ru gba.

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

Kọlose 1:19

Rhunmwuda Osanobua tobọ ẹre ọre ọ mwamwa ẹn wẹ ne emwi ne Osa ya re Osa hia wa vbe gba ne Ọmọ.

II Tẹsalonaika 1:11

Ọna ọ si ẹe ne ima na na erhunmwu ne uwa vbe ẹghẹ hia. Ma ghi rinmwian wẹ ne Nọyaẹnmwa gie uwa gha re emwa ni ke ye uyinmwẹ ne ọ tie uwa yi, ne uwa do gha yin. Te irẹn gha ye ẹtin ẹnrẹn mu emwi ne uwa ho hia ni maa sẹ, ne ọ ru ẹe fo ighẹ iwinna iyayi uwa.

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.

I Jọn 3:1

Wa ghe vbene Evbavba ho ẹmwẹ ina hẹ! Ọ ho ẹmwẹ mwa sẹrriọ wẹ, te a ghi tie ima ivbi Osanobua, ẹmwata, ivbi ẹre ọre ima gele khin. Ọna ọre ọ si ẹe ne agbọn ma na rẹn ima, ọ ma rẹn Osanobua.

Arhie Maan 21:7

Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.