Ẹfisọs 1:4 - Edo Bible (E Baibol Ẹdo) Version 1996

⁴ Vbe a te do yi agbọn, Osanobua hannọ ima zẹ nẹ ne ima gha re ọghe ẹe vbe uwu Kristi, ne ima sẹtin gha re ne ọ huanrẹn kevbe ne ẹ i mwẹ abe vbe odaro ẹre. Rhunmwuda aho ẹmwẹ ọmwa rẹn.

Ẹfisọs 1:4 ပူးပေါင်းရင်းမြစ်များ

II Samuẹl 22:24

Rẹn rẹnrẹn wẹ, I i mwẹ ozan, rhunmwuda, I bi egbe hin emwi dan rre.

Psalm 135:4

Ọ zẹ Jekọb ne egbe ẹre, ivbi Izrẹl ne iran gha re ọghe irẹn.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Levitikọs 19:2

ne ọ tama ivbi Izrẹl wẹẹ, “Wa gha re ni huanrẹn rhunmwuda ọmwa ne ọ huanrẹn mẹ khin. Mẹ ọ re Nọyaẹnmwa Osanobua uwa.

Levitikọs 20:7

Wa da egbe uwa yi vbe ne ọ huanrẹn rhunmwuda mẹ ọ re Nọyaẹnmwa Osanobua rua.

Matiu 24:22

Sokpan Osanobua fian inu ẹdẹ ne ọ ra ya vbe otọ kanmwa nẹ. Akpawẹ ọ ma fian ẹdẹ ni kanmwa, orhiọnkpa ne ọ gha miẹn uhunmwu, ẹ i rrọọ. Sokpan Osanobua gha rhunmwuda iran ne ọ hannnọ zẹ fian ẹdẹ ni kanmwa.

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 24:31

Okpe nọkhua ghi tu, rẹn ghi gie avbe odibosa ẹre ladian gha rrie igie enenẹ agbọn. Iran ghi ya si e na hannọ zẹ ọghọe koko ke okhiẹ agbọn ọkpa ya sẹ nọkpa.

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Iyẹn ne ọ Maan Ọghe Jọn 10:16

I ye vbe mwẹ avbe ohuan ọvbehe ne ẹ i re oghẹn na. I gha vbe viọ iran rre, iran gha họn urhu mwẹ, ẹghẹ nii, iran ghi do gha re oghẹn ohuan ọkpa, ọsuohuan ọkpa.

Iyẹn ne ọ Maan Ọghe Jọn 15:16

Ẹ i re uwa ọre ọ hannọ mwẹ zẹ, mẹ ọre ọ hannọ uwa zẹ, I na vbe wẹ ne uwa ya kakabọ gha mọ, ọmọ ne ẹ i khuọn kua. Emwi ne uwa a rhirhi nọ Erha re vbe eni mwẹ, ọ gha rhie ẹre ne uwa.

Iyẹn ne ọ Maan Ọghe Jọn 17:24

“Evbavba, u viọ iran mẹ nẹ, I ho ne iran gun mwẹ gha rre ehe ne imẹ ye ne iran miẹn ehe na ya aro iran miẹn uyi mwẹ, uyi ne u rhie mẹ, rhunmwuda, vbe a te do yi agbọn na wẹ ka gha ho ẹmwẹ mwẹ nẹ.

Iwinna 13:48

Ugbẹn vbe iran ne ẹ i re Ju ghi họn ẹmwẹ na, iran keghi ghọghua, iran keghi rho ẹmwẹ Nọyaẹnmwa, iran ne a hannọ zẹ ye ẹfe ne ẹ i fo nẹ, keghi do yayi.

Iwinna 15:18

Erriọ Nọyaẹnmwa, ne ọta ẹe nẹkpo i mwẹ arria gha dee khare.’ ”

Iwinna 18:10

rhunmwuda, I rrọọ yaba ruẹ. Ọmwa ne ọ gha sẹtin ruẹ emwi rhọkpa ẹ i rrọọ, rhunmwuda emwa ni re ọghomwẹ bun vbe ẹvbo na.”

Ebe ne Pọl gbẹẹn gie emwa Rom 8:33

De ọmwa ne ọ gha bu iran ne Osanobua tobọ ẹre tae ighẹ iran i mwẹ abe ifi ẹzọ?

I Kọrinti 1:8

Rẹn gha ya uwa mudia gbain ya sẹ ufomwẹ, ne a miẹn ehe na miẹn wẹ, ọ gha sẹ Ẹdẹ Jesu Kristi Nọyaẹnmwa, wa ghi gha re emwa ne a miẹn wẹ ẹ i mwẹ abe.

Galatia 5:13

Zẹ vbe ọghe uwa, etẹn mwẹ, te a tie uwa la hin uwu ọviẹn rre, sokpan wa ghẹ gie ẹmwẹ egbe mwẹ I gue na, gha re ne uwa gha mu zẹ asa ne emwi ne egbe uwa guẹe, gha na maghan uwa. Sokpan wa gie aho ẹmwẹ ọmwa gha ya uwa ga egbe.

Galatia 5:22

Sokpan Orhiọn Ne Ọ Huanrẹn ọre ọ biẹ avbe aho ẹmwẹ ọmwa, oghogho, ọfumwegbe, iziengbe, itohan, ekhọe esi, amuẹntinyan,

Galatia 5:6

Rhunmwuda, ma gha kugbe ba Kristi Jesu nẹ, a rhuẹ, ra ma rhuẹ, i ghi mwẹ esa ne ọ ye, emwi ne a kha ọrọre iyayi ne ọ winna vbe ekpa aho ẹmwẹ ọmwa.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Ẹfisọs 3:17

Kevbe, wẹ ne Kristi la ekpa iyayi bọ owa ẹre ye uwu uwa, I vbe na erhunmwu wẹ, ne uwa gbe inian, kevbe ne uwa gbe ẹyotọ uwa yan aho ẹmwẹ ọmwa.

Ẹfisọs 4:2

Wa gha mu egbe rriotọ, wa vbe fu, ne uwa vbe gha mwẹ i ziengbe vbe ẹghẹ hia. Wa gha rhie maa ighẹ wa ho ẹmwẹ egbe, vbe ekpa ne a na ru iyobọ ne egbe.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.

Ẹfisọs 5:27

Ne ọ miẹn ehe na rhie esọsi gi egbe irẹn, ke ẹe kevbe ose ẹre hia, ne ọ huanrẹn kevbe ne ẹ i mwẹ okan, ne emwi ma sa, ne ọ ma bunnọ ikuẹnkuẹn, kevbe ne ẹ i mwẹ ehe ne ọ kẹe yi hiehiere.

Filipai 2:15

Ne uwa sẹtin gha re ne ẹ i mwẹ abe kevbe ne ọ huanrẹn, zẹ vbe ivbi Osanobua ne ọ gba na fo vbe agbọn ọ kẹkẹe kevbe ẹwobi emwa na. Wa gha fi wainwain vbe uwu ẹbu iran zẹ vbe orhọnmwẹ ne ọ rhie uwanmwẹ ne iso, zẹ vbene uwa na ta ẹmwẹ arrọọ ma iran.

Kọlose 1:22

Sokpan banbanna nian, rhunmwuda uwu ikinnegbe ne Ovbi ẹre wu, Osanobua ya uwa khian esiọre nẹ, ne ọ miẹn ehe na viọ uwa gha die odaro egbe ẹre, vbe ne ọ huanrẹn, ne ẹ i mwẹ iruẹn kevbe ne ẹ i mwẹ abe.

Kọlose 2:2

Te I ru vberriọ ne a miẹn ehe na rhie igiẹudu vuọn iran iwu, kevbe ne a vbe ya aho ẹmwẹ ọmwa silo iran koko, kevbe ne iran vbe gha mwẹ ọnrẹn ne ọ vuọẹn, ighẹ a i ghi biro eva ne egbe irẹnmwi vberriọ rhie gie ọmwa. Ẹghẹ nii iran ghi do rẹn oro Osanobua ne ọre Kristi tobọ ẹre.

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

I Tẹsalonaika 3:12

Osanobua ne ọ gie aho ẹmwẹ ọmwa ne uwa mwẹ ghe egbe kevbe emwa ọvbehe gha mu otọ yọ, ne ọ vbe gha kpọlọ zẹ vbe aho ẹmwẹ ọmwa ne ima mwẹ ghe uwa.

I Tẹsalonaika 4:7

Osanobua ma tie ima ne a do gha yin uyinmwẹ alama oghẹ, sokpan ne a do gha re ne ọ mwẹ uyinmwẹ ne ọ huanrẹn.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

II Timoti 2:10

Ọna ọre ọ si ẹe, ne I na ya egbe miẹn emwi hia, rhunmwuda, emwa ne a hannọ zẹ ọghe Osanobua, ne imiẹnfan ne ọ rre uwu Jesu Kristi sẹtin vbe sẹ iran obọ, ke ẹe kevbe uyi etẹbitẹ.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

II Pita 3:14

Rhunmwuda ọnii, wa ne ọse mwẹ vbe uwu ne uwa na mudia khẹ Ẹdẹ ne ẹdẹrriọ, wa ziga ne uwa gha re ni hianrẹn kevbe ne ẹ i mwẹ okan vbe odaro Osanobua, ne uwa guẹe gha rrọọ vbe ọfumwegbe.

I Jọn 4:16

Ma tobọ mwa rẹnrẹn, ma keghi vbe yae yi ighẹ aho ẹmwẹ ọmwa ne Osanobua mwẹ ghe mwa. Aho ẹmwẹ ọmwa ọre Osanobua khin, ọmwaikọmwa ne ọ rre uwu aho ẹmwẹ ọmwa ọ rre uwu Osanobua, Osanobua vbe rre uwu irẹn.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 17:8

Aranmwẹ oha ne u bẹghe nii, te ka gha rre agbọn yi, sokpan, banbanna nian, ẹ i ghi rrọọ ọvbehe, ọ wu nẹ, te ọ ghi ra ke uwu uvun ne ẹ i mwẹ otọ ladian na, ọ ghi ladian ne a ya fuẹn ọnrẹn uan. Emwa ni rre agbọn ne a ma he gbẹnnẹ eni ẹnrẹn ye ebe ẹfe emwa ni rrọọ, ni ma he wu vbe a te do suẹn agbọn, unu gha yan iran ẹsẹse vbe iran a miẹn aranmwẹ oha nii. Rhunmwuda, ọ te ka gha rre agbọn yi, sokpan, ẹ i ghi rre agbọn ọvbehe, sokpan ọ gha ye dọlegbe ya egbe ladian.