Ẹfisọs 1:21 - Edo Bible (E Baibol Ẹdo) Version 1996

²¹ Evba nii ọre Kristi na dakha yan avbe ọdakha ni rre ẹrinmwi hia, kevbe asẹ kevbe ẹtin kevbe iran nekhua, rẹn yo sẹẹ eni ne a rhie asẹ na hia, ni rre agbọn na kevbe agbọn ne ọ dee.

Ẹfisọs 1:21 ပူးပေါင်းရင်းမြစ်များ

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Matiu 12:32

Ọmwa gha fi. unu gie ovbi ọmwa, a gha ya bọe, sokpan ọmwa ne ọ fi unu gie Orhiọn Ne Ọ Huanrẹn, a i ya bọe nian ra ẹdẹdẹmwẹdẹ.

Iwinna 4:12

Obọ ẹre ọkpa ọre a la miẹn imiẹnfan rhunmwuda eni ọvbehe i rrọọ, vbe agbọn na, ne Osanobua rhie ne emwa wẹ a gha lae miẹn imiẹnfan.”

Ẹfisọs 2:2

Ẹghẹ nii, wa kegha lele ukpowẹ emwi dan ọghe agbọn na, wa kegha ru vbene ọ khare ighẹ ọmwa ne ọ rre ọdakha yan ẹtin avbe orhiọn ni rre ideghedeghe, orhiọn ne ọ sua iran nian ighẹ iran ne ẹ họn ẹmwẹ ne Osanobua.

Ẹfisọs 3:10

Ne a miẹn ehe na miẹn wẹ, ọ gha ghi sẹ ẹghẹ na, avbe ọdakha, odibosa, kevbe avbe ẹtin ni rre ẹrinmwi, ghi la ekpa esọsi do rẹn ẹwaẹn Osanobua vbe dọmwadẹ ihe ne ọ wa egbe yi.

Ẹfisọs 6:12

Rhunmwuda ẹ i re emwa ne agbọn kẹkan ma gu vẹn, sokpan iran nọ ighẹ avbe ẹtin ni wo ni re avbe ẹrinmwi, avbe ọdakha, avbe enikhaemwisẹ, avbe eniwanrẹn asọn, ọ ghe orre ne ọ so ebiebi na.

Kọlose 2:10

A keghi ru ẹdẹ agbọn uwa enọgbae rhunmwuda ighẹ, wa ya egbe ba irẹn. Obọ irẹn ọre ọ ke ukhunmwu ne avbe orhiọn ẹrinmwi ni dakha kevbe iran ni rre asẹ.

Kọlose 2:15

Vbe uhunmwu ugbugbe nii, ọre Kristi na rhan egbe ẹre hin obọ ẹtin avbe orhiọn ẹrinmwi ni khaemwisẹ kevbe ni dakha. Ọ keghi ya iran khian agbọn wa do ghee, vbekpa ne ọ na tẹn iran ye uviẹn silo gha rrie, zẹ vbe avbe oghunmwu ne ọ munọ ẹn vbe okuo.

Hibru 1:4

A keghi ye Ọmọ kpọlọ sẹ avbe odibo Osa, zẹ vbene eni ne Osanobua mu nẹẹn vbe kpọlọ sẹ ọghe iran.

Hibru 2:5

Rhunmwuda, Osanobua ma ya avbe odibo Osa ru ni khaemwisẹ yan agbọn ne ọ ra yi, agbọn ne ima kha na.

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.