Ẹfisọs 1:19 - Edo Bible (E Baibol Ẹdo) Version 1996

¹⁹ Kevbe vbene ẹtin ẹnrẹn ne ọ winna vbe uwu ima ni yayi kpọlọ sẹ hẹ. Ne ne ẹtin nọ rre uwu ima na, ọre ọ vbe re ẹtin nọkhua ni.

Ẹfisọs 1:19 ပူးပေါင်းရင်းမြစ်များ

Aizaia 53:1

Emwa ni keghi wanniẹn wẹẹ, “De ọmwa ne ọ gha te ya iyẹn ne ima naẹn na yi yi? De ọmwa ne ọ gha te miẹn obọ e Nọyaẹnmwa vbe emwi na.

Iyẹn ne ọ Maan Ọghe Jọn 3:6

Ikinnegbe ọre ikinnegbe biẹ, orhiọn ọre Orhiọn vbe biẹ.

Iwinna 26:18

U ghi rhan iran aro ne u gban iran uhunmwu hin ebiebi rre la uwu uwanmwẹ, kevbe hin ẹtin Setan rre ghe Osanobua. Vbene a gha na miẹn wẹ vbekpa ne iran na mu ẹtin yan mwẹ, a ghi ye orukhọ iran bọ iran, iran ghi rhie ihe iran vbe uwu ẹbu emwa ne Osanobua hannọ zẹ.’

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

II Kọrinti 4:7

Sevba, ma ni mwẹ emwi ighobioye orhiọn na, te ima yevbe akhe kẹkan ne a ya obuẹ ma, ne a miẹn ehe na rhie ma wẹ, ẹtin ne ọ sẹ ehia, ọghe Osanobua nọ, ighẹ ẹ i re ọghe ọmwa.

II Kọrinti 5:17

Ọmwaikọmwa gha yegbe ba Kristi nẹ, ọmwa ọgbọn ghi nọ, emwi nẹdẹ hia rrie, emwi ọgbọn rre nẹ.

Ẹfisọs 2:10

Osanobua ọre ọ yi mwa, vbe uwu a ku egbe kugbe ba Kristi Jesu, ọ keghi yi ima ye ẹdẹ agbọn iwinna esi, ne irẹn mwamwa ye otọ khẹ mwa ne a gha ru.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

Ẹfisọs 3:7

Emwi ne Osanobua la ekpa iwinna ẹtin ẹnrẹn ya we mwẹ, ọre ọ ya ya mwẹ khian ọguọmwadia nene iyẹn ne ọ maa.

Ẹfisọs 6:10

Vbe okiekie ehia, wa ruẹ iwegbe uwa ba Nọyaẹnmwa, vbe ekpa ẹtin ẹnrẹn nọkhua.

Filipai 2:13

rhunmwuda Osanobua ọre ọ winna vbe uwu uwa ne ọ miẹn ehe na guẹ gha ho, kevbe ne u sẹtin gha ru vbene ọ rre irẹn ekhọe.

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.

Kọlose 1:29

Ne a miẹn ehe na ru ọna mwẹ uhunmwu, ọre I na domian, kevbe ne I na miẹn ẹsọn vbe ne I na lo ẹtin nọkhua ne Kristi rhie mẹ, kevbe ne ọ vbe winna vbe uwu imẹ.

Kọlose 2:12

Rhunmwuda, ẹghẹ ne a na sa amẹ ne uwa, a keghi re orinmwi uwa ba Kristi, kevbe vbe uwu isamẹ nii, a kevbe huẹn uwa kpaegbe vbe orinmwi ba Kristi, vbe ekpa iyayi ne uwa mwẹ vbe uwu ẹtin nọ winna ọghe Osanobua ne ọ huẹn ọnrẹn kpao vbe orinmwi rre.

I Tẹsalonaika 1:5

Rhunmwuda, ẹ i re ẹmwẹ ne a guan ọkpa ma ya kpe orhu Iyẹn Ne ọ maa ni ma uwa, sokpan, ẹtin kevbe Orhiọn Ne Ọ Huanrẹn deba ẹmwata ne ẹmwata ne ọ rrọ. Ọna vbe gha re ne aro dae fo fẹẹrẹ, wa rẹn vbene ima gha ru hẹẹ, ẹghẹ ne ima na gha rre ehe ne uwa ye, rhunmwuda umamwẹ ọwua nọ.

II Tẹsalonaika 1:11

Ọna ọ si ẹe ne ima na na erhunmwu ne uwa vbe ẹghẹ hia. Ma ghi rinmwian wẹ ne Nọyaẹnmwa gie uwa gha re emwa ni ke ye uyinmwẹ ne ọ tie uwa yi, ne uwa do gha yin. Te irẹn gha ye ẹtin ẹnrẹn mu emwi ne uwa ho hia ni maa sẹ, ne ọ ru ẹe fo ighẹ iwinna iyayi uwa.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.