Ẹfisọs 1:17 - Edo Bible (E Baibol Ẹdo) Version 1996

¹⁷ I keghi vbe rinmwian Osanobua ọghe Nọyaẹnmwa Jesu Kristi, Erha Nọ mwẹ uyi, ne ọ rhie nene Orhiọn ne uwa, ne ọ gha ya uwa gha wan, ọ ghi vbe rhie Osanobua ma uwa, ne uwa miẹn ehe na rẹn ọnrẹn.

Ẹfisọs 1:17 ပူးပေါင်းရင်းမြစ်များ

I Krọnikol 29:11

U kpọlọ ẹsẹse, u kevbe mwẹ ẹtin ne ọ vuọn ne ose kevbe orrirri. Wẹ ọ re ọ yan emwi hia ni rre ẹrinmwi kevbe agbọn wẹ ọrọre ọba, ogie nọkhua ne ọ kha yan emwi hia.

Job 42:5

Ẹghẹ nii, emwi ne emwa ọvbehe tama mwẹ ọkpa ọre I rẹnrẹn, sokpan, banbanna nian mẹ ye aro mwẹ bẹghe nẹ.

Psalm 24:10

De ọmwa ne ọ re ọba nọkhua na? E Nọyaẹnmwa ne ọ khọnmiotọ rẹn ọrọre ọba nọkhua.

Psalm 24:7

Wa bilo urho nii ye otọ gbodoo wa kie avbe ẹkhu arre ni uan, Ọba nọkhua gha la owa.

Psalm 29:3

A họn urhu e Nọyaẹnmwa vbe uhunmwu avbe okun, Osanobua uyi davan, urhu ẹre keghi migbo la okun hia gba.

Ẹksọdọs 28:3

Tama emwa ifuẹro hia ni guẹ ona, iran hia ne I ya ẹe wẹ, ne iran sẹ ẹwu Errọn ne a miẹn ehe na ya ẹe fi ohan ne ọ gha ga mwẹ zẹ vbe ohẹn.

Itan 18:15

Ọ rre ekhọe avbe umẹwaẹn, iran vbe mu egbe ne iran ruẹ emwi vbe ẹghẹ hia.

Itan 2:5

A deghẹ u ru vberriọ, u gha rẹn emwi ne ọ khin wẹ ne a gha mu ohan e Nọyaẹnmwa, u ghi vbe sẹtin ruẹ emwi eso vbekpa ọghe Osanobua.

Aizaia 11:2

Orhiọn e Nọyaẹnmwa gha rhie ẹwaẹn ne ẹẹn, deba irẹnmwi kevbe iguemwi ne ọ gha ya gha khaemwisẹ yan avbe emwa rẹn, rẹn gha rẹn emwi ne Nọyaẹnmwa ho ọ ghi vbe gha ya ọghọ ne ẹẹn,

Jerimaia 2:11

Ẹvbo ọvbehe ne ọ he fi ẹbọ ne iran gho werriẹ i rrọọ, egbe ne iran i rhe ya re ẹbọ ẹmwata, sokpan, emwa mwẹ ya mwẹ rọ nẹ. Mẹ ne Osanobua ne ọ rhie uyi gie iran, iran keghi zẹ avbe ẹbọ ne ẹ i sẹtin ru emwi rhọkpa ne iran.

Jerimaia 24:7

I gha rhie ye iran ekhọe aho ne iran rẹn wẹ mẹ ọrọre Nọyaẹnmwa. Ẹghẹ nii iran ghi gha re emwa mwẹ, mẹ ghi vbe gha re Osanobua iran, rhunmwuda, iran gha werriegbe bu mwẹ rre, ekhọekekhọe iran hia.

Jerimaia 31:34

Ọkpa ne ọ ghe ghi gha ma ovbi ẹvbo ẹre emwi wẹ ne ọ rẹn e Nọyaẹnmwa i ghi rrọọ, rhunmwuda iran hia gha rẹn mwẹ kevbe egbe ne ọ kpọlọ sẹẹ ya sẹ egbe ne ọ kanmwa sẹẹ. I gha ya orukhọ iran bọ iran, a i ghi vbe ye abakuru iran rre ọvbehe. Mẹ ne Nọyaẹnmwa taa ẹe nẹ.”

Jerimaia 9:24

Adeghẹ ọmwa wẹ rẹn rhuọ emwi ne ọ gha ya rhuọ ọrọre wẹ ọ rẹn mwẹ ọ vbe rẹn vbene I ru emwi hẹ. Rhunmwuda ahoẹmwọmwa mwẹ i beghe, emwi ne ọ gbae kevbe ne ọ hẹnhẹn ọ re I ru. Mẹ ne Nọyaẹnmwa ta ẹe nẹ.”

Daniẹl 10:1

Vbe ukpo ne ogieha ne Sairọs kegha re ọba Pẹsia, a keghi ya emwi eso gie uhunmwu wẹ ne a rhie ẹre ma e Daniẹl ne a vbe tie ẹre Bẹtẹsiaza. Uhunmwu ne a gie na, ẹmwata wa nọ, sokpan, ọ keghi lọghọ ẹsẹse ne a rẹn otọ ẹre, umian ọ re a na rhan otọ ẹre ma rẹn.

Daniẹl 5:11

Arhiọnkpa rre otọe arriọba ruẹ na ne orhiọn avbe ẹrinmwi nihuanrẹn rre uwu ẹre. Ẹghẹ ne erha a na gha rre agbọn, okpia na wa rhie ma ighe rẹn mwẹ ẹwaẹn, irẹnmwi kevbe ẹdẹ ne ọ gbe vbe ẹko, zẹ vbene avbe ẹbọ ye. Erha a ighe Nebukiadneza ne ọba keghi maa ẹre ọkaolotu avbe ọbiro, ebo edunna, avbe azẹn keghi avbe iweuki.

Matiu 11:25

Vbe ẹghẹ ọkpa ni, Jesu keghi kha wẹẹ, “Evbavba Nọyaẹnmwa ẹrinmwi kevbe agbọn, I kpọnmwẹ ọn rhunmwuda, emwi ne uwẹ rhie lẹre ne iran ne umẹwaẹn kevbe ni rẹn emwi, u keghi rhie ẹre ma iran ni ma rẹn emwirhọkpa.

Matiu 11:27

“Erhamwẹ viọ emwi hia mẹ nẹ. Gberra Evbavba, ọmwa ọvbehe ne ọ rẹn ọmọ ẹ i rrọọ, gberra ọmọ, ọmwa ọvbehe ne ọ vbe rẹn Evbavba, ẹ i rrọọ, vbe ẹ i re iran ne ọmọ ho ne ọ rhie ẹre maa.

Matiu 16:17

Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Matiu 20:33

Iran wanniẹn wẹẹ, “Ma ho ne u rhan ima aro.”

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Iyẹn ne ọ Maan Ọghe Luk 12:12

Rhunmwuda, Orhiọn Ne Ọ Huanrẹn gha ma ruẹ ẹmwẹ ne u gha ta vbe ẹghẹ nii.”

Iyẹn ne ọ Maan Ọghe Luk 2:14

“Uyi nọ ne Osanobua vbe ẹrinmwi ne ọ yo sẹ. Kevbe ọfumwegbe ne emwa ne ẹko ẹre rhiẹnrhiẹn ghe vbe agbọn!”

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Iyẹn ne ọ Maan Ọghe Jọn 14:17

Agbọn i sẹtin rhan obọ miẹn ẹnrẹn rhunmwuda ighẹ agbọn i sẹtin dẹghe ẹre amawẹ, ọ gha rẹn ọnrẹn. Sokpan wa rẹn ọnrẹn, rhunmwuda, ọ gu uwa ọ vbe rre uwu uwa.

Iyẹn ne ọ Maan Ọghe Jọn 14:26

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Iyẹn ne ọ Maan Ọghe Jọn 16:3

Iran gha ru uwa avbe emwi na hia rhunmwuda iran ma he rẹn Erha mwẹ, iran ma vbe rẹn mwẹ.

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iwinna 6:10

Sokpan Orhiọn keghi rhie ẹwaẹn nọkhua ne Stivin, sẹrriọ wẹ, a ma miẹn ọmwa ne ọ sẹtin mu aro da Stivin.

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Ebe ne Pọl gbẹẹn gie emwa Rom 15:6

Ne uwa hia miẹn ehe na sẹtin gha ye urhu ọkpa rho Nọyaẹnmwa, ne uwa gha rho Osanobua kevbe Erha Nọyaẹnmwa Jesu Kristi.

I Kọrinti 12:8

Orhiọn ni ghi ya ẹmwẹ ẹwaẹn ne a guan we arhin ọkpa, vbe ne Orhiọn nii na vbe ya ẹmwẹ irẹnmwi we ọmwa ọvbehe.

I Kọrinti 14:6

Rhunmwuda ọnii, I gha rre do tuẹ uwa etẹn mwẹ, I na gha ya urhu ne a ma rẹn guan, de esa ne ọ khin ne uwa? Hiehiere, sokpan a ma wẹ, te I rhan otọ ẹmwẹ ne Osanobua tae ma uwa, ra irẹnmwi eso, ra ẹmwẹ ne orhiọn rhie ye ọmwa unu ra iruẹmwi.

I Kọrinti 2:10

Sokpan Osanobua la ekpa Orhiọn ta oro ọghọe ma ima nẹ, Orhiọn Ne ọ huanrẹn ọre ọ gualọ otọ emwi hia, uhin ya sẹ egbe emwamwa ẹkhokho ne ọ rre Osanobua ekhọe.

I Kọrinti 2:8

Ọkpa vbe uwu iran ni rre ọdakha vbe agbọn na, ne ọ rẹn ẹwaẹn na, ẹ i rrọọ. Akpawẹ te iran rẹn ọnrẹn, iran i ghẹ kan Nọyan uyi mu ugbugbe.

II Kọrinti 12:1

I gha wa rhuọ, a gha rhe miẹn ighẹ ẹ i mwẹ esa ne ọ khin, sokpan emwi ne I ghi ra guan kan na, keghi re umian ne I miẹn kevbe oro ne Nọyaẹnmwa we ma mwẹ.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Ẹfisọs 3:5

Vbe ẹghẹ ne ọ gberra, a ma ta oro na ma ọmwa rhọkpa, sokpan banbanna nian, Osanobua la ekpa Orhiọn we ẹre ma avbe ukọ kevbe avbe akhasẹ ọre ni huanrẹn.

Ẹfisọs 4:13

Erriọ, ma hia gha koko gha die a re ọkpa vbe uwu iyayi mwa, kevbe uwu vbene ima rẹn ovbi Osanobua, ma ghi do khian ikpia ni sẹ ihe okpia, ma te do sẹ uyomwẹ uvuọnmwẹ omwa vbe ne Kristi ye.

Filipai 3:15

Emwi na ẹre ọ kere ne ọ gha rre ima hia ekhọe, ma ni khian eniwanrẹn nẹ vbe ẹmwẹ emwi orhiọn. Vbene ọ rhirhi gha ye hẹ, a deghẹ emwi ọvbehe rre eso vbe uwu uwa ekhọe, Osanobua gha rhan otọ ehia ma uwa.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

Taitọs 1:1

E Pọl ne ọguọmwadia Osanobua, kevbe ukọ ọghe Jesu Kristi, ọre ọ gbẹn ebe na rre. Te a hannọ mwẹ zẹ, a na vbe gie mwẹ wẹ, ne I ya ru iyobọ ne iyayi emwa ne Osanobua hannọ zẹ, kevbe ne I vbe dia iran ye odẹ ẹmwata, zẹ vbene iwinna ugamwẹ mwa ma emwa ẹre.

Jems 2:1

Etẹn mwẹ, vbe ẹdẹ agbọn uwa zẹ vbe emwa ni ya Nọyaẹnmwa Jesu Kristi yi, ọmwa ne ọre Nọyan uyi, wa ghẹ gha ya okpan ughughan mwa ne emwa, rhunmwuda vbene iran ye vbe ikinnegbe.

II Pita 1:3

Ẹtin ne ọ huanrẹn ọghọe viọ emwi hia ne ima ho ne ima nẹ, ne a ya lo ẹdẹ agbọn mwa vbe ne ọ khọ ọghe Osanobua, vbe ekpa ne ima na rẹn ọmwa ne ọ tie mwa, ne ima do ghae vbe uwu uyi kevbe umamwẹ ọghọe.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.

Arhie Maan 7:12

Iran wẹ, “Isẹ! Ọghe Osanobua mwa ọre urhomwẹ, uyi, ẹwaẹn, ekpọnmwẹ, ọghọ ẹtin kevbe ẹrhiọn khin, ẹdẹ kevbe ẹdẹdẹmwẹdẹ Isẹ!”