Ẹfisọs 1:13 - Edo Bible (E Baibol Ẹdo) Version 1996

¹³ Erriọ ọre ọ wa vbe gha ye ne uwa bare, ugbẹn vbe uwa họn ikporhu ẹmwata nii, nene Iyẹn Ne ọ maa ne ọ rhie imiẹnfan gie uwa, wa keghi ya Kristi yi, Osanobua keghi yi uwa ama mẹ ọ yan rẹn, vbe ekpa ne ọ na rhie Orhiọn Ne Ọ Huanrẹn ne ọ ve ne uwa.

Ẹfisọs 1:13 ပူးပေါင်းရင်းမြစ်များ

Psalm 119:43

Gun mwẹ sẹtin gha ta ẹmwata vbe ẹghẹ hia, rhunmwuda, ibuohiẹn ruẹn ọ re idaehọ mwẹ ye.

Joẹl 2:28

“Vbe okiekie, I gha hihiẹ orhiọn mwẹ yan dọmwadẹ emwa, ivbi uwa nikpia kevbe ivbi uwa nikhuo ghi gha ta uhunmwu ne I gie; avbe ọmaẹn ghi gha mina, avbe igbama ghi gha miẹn umian.

Iyẹn ne ọ Maan Ọghe Luk 11:13

Vbene uwa ghi vbe rhia sẹ, wa rẹn ya gha viọ emwi esi ne ivbi uwa. Vbe uwa ghi ye Erha uwa ne ọ rre ẹrinmwi khẹ, ẹ i re te ọ gha rhie Orhiọn Ne Ọ Huanrẹn ne iran hia ne ọ vbu vbe obọ ẹre!”

Iyẹn ne ọ Maan Ọghe Luk 24:49

Mẹ gha tobọ mwẹ rhie emwi ne Evbavba yan eyan rẹn ne uwa. Sokpan wa ghi mudia vbe adesẹ ore ẹvbo rhinrin ẹtin te ke odukhunmwu rre do hin yan uwa.”

Iyẹn ne ọ Maan Ọghe Jọn 1:17

Osanobua rhie Uhi la obọ Mosis rre, sokpan ẹsọhẹ kevbe ẹmwata la obọ Jesu Kristi rre.

Iyẹn ne ọ Maan Ọghe Jọn 14:26

Nọyọmwaobọ nii, Orhiọn Ne Ọ Huanrẹn ne Evbavba ye eni mwẹ gie rre gha ma uwa emwi hia, ọ ghi ye uwa ẹmwẹ ne I he tama uwa hia rre.

Iyẹn ne ọ Maan Ọghe Jọn 15:26

“Ne ọ yọ ọmwa obọ gha rre — Orhiọn Ẹmwata ne ọ ke ehe ne Evbavba ye gha dee, I gha giee ke ọghe Evbavba gha dee, ọ gha ta ẹmwẹ mwẹ.

Iyẹn ne ọ Maan Ọghe Jọn 3:33

Ọmwaikọmwa ne ọ rhirhi ya ẹmwẹ ọnrẹn yi gha la evba rhie ma ighe ẹmwata ọre Osanobua khin.

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Iwinna 1:4

Ugbẹn vbe iran ghi vbe si egbe koko, ọ tama iran wẹẹ, “Wa ghẹ kpa hin Jerusalẹm rre, sokpan, wa mudia khẹ ọhẹ ne erha mwẹ yan rẹn wẹ irẹn gha rhie rre, vbene I ka tama uwa.

Iwinna 13:26

“Wa ne etẹn mwẹ, ivbi uniẹn Ebraham, kevbe uwa ne ẹ i re Ju, vbe emwa na, ni vbe ga Osanobua, ma ọre a gie uhunmwu imiẹnfan na gie.

Iwinna 2:33

A tọẹn mu gha rrie obọ erha ọmwa Osanobua, ne ọ ya miẹn ẹre Orhiọn Ne Ọ Huanrẹn ne Erha ẹe ve ẹre. Emwi ne uwa ghi bẹghe na nian, kevbe ne uwa vbe họn, emwi ne ọ ya ru ima ẹse nọ, ọ keghi hihiẹe yan ima.

Ebe ne Pọl gbẹẹn gie emwa Rom 1:16

I wa mu ẹtin yan iyẹn ne ọ maa, ẹtin ne Osanobua ya miẹn iran ni yayi fan nọ, okaro, avbe Ju sokpan kevbe iran ne ẹ i re Ju ba ẹre.

Ebe ne Pọl gbẹẹn gie emwa Rom 4:11

Okiekie ọre a ghi do ya rhuẹ ọre. Arhuẹ ne ọ rhuẹre keghi re ne a ya rhie maa wẹ ẹghẹ ne Ebraham ma na he rhuẹ Osanobua ka ẹe ye ọmwata vbe odaro ẹre rhunmwuda iyayi ẹre rhunmwuda ọnii, Ebraham keghi re erha vbekpa ọghe orhiọn ne iran hia ni ya Osanobua yi, ne irẹn vbe ka ye emwata vbe odaro ẹre, a gha rhe miẹn wẹ iran ma rhuẹ.

Ebe ne Pọl gbẹẹn gie emwa Rom 6:17

Rhunmwuda, vbe ẹghẹ ọkpa, eviẹn orukhọ ọre uwa te gha khin, sokpan vbe ne a ghi ye na nian, ekhọe uwa hia ọre uwa ghi ya ru zẹ vbene ẹmwata ne ọ rre uwu emwi ne a ma uwa ẹre khare.

II Kọrinti 1:22

Ọ na tobọ ẹre rhie ama ọghe mẹ ọre ọ yan rẹn ọghọe, ye ima egbe, ọ keghi vbe rhie Orhiọn Ne Ọ Huanrẹn ye ima ekhọe ne aro mwa ya dae wẹ, ẹmwata nọ ighẹ emwi ne ọ ra hẹ ne ima.

II Kọrinti 6:7

Vbe ekpa ikpe orhu ẹmwata, vbe ekpa ẹtin Osanobua. Uyinmwẹ ẹmwata ọrọre emwi gbinna ne a ya gu emwa gbinna, kevbe ne a ya sinmwi egbe mwa.

Galatia 3:14

Kristi ru vberriọ, ne a miẹn ehe na rhie afiangbe ne Osanobua ve Ebraham re ne iran ne ẹ i re Ju vbe ekpa Jesu Kristi, ne Orhiọn ne Osanobua ve miẹn ehe na la ekpa iyayi sẹ ima obọ.

Ẹfisọs 4:21

Vbe ne a i na gbe awẹawẹ, wa họn ẹmwẹ ọnrẹn, kevbe zẹ vbe emwa ni lele ẹe khian, a vbe ma uwa ẹmwata ne ọ rre uwu Kristi.

Ẹfisọs 4:30

Ghẹ rhia Orhiọn Ne Ọ Huanrẹn ọghe Osanobua ekhọe rua, rhunmwuda nene Orhiọn ọrọre ama ọghe mẹ ọ yan rẹn, ne Osanobua yi ye uẹ egbe, ama ne aro ya dae wẹ, ẹdẹ dee ne Osanobua gha faan ye otọ.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

II Timoti 2:15

Lo ẹtin ruẹn hia ne u gha re ọmwa iwinna ne Osanobua rhan obọ miẹn, zẹ vbe ọmwa iwinna ne iwinna rẹn i mu ẹre ekhue, ọmwa, ne ọ ma emwa ẹre ẹse ighẹ ẹmwata Osanobua.

II Timoti 2:19

Sokpan, a i sẹtin mu ẹyotọ ne gbain ne Osanobua gbe rueghe, a keghi gbẹnnẹ avbe ẹmwẹ na yan rẹn wẹẹ, “Nọyaẹnmwa rẹn iran ni re ọghọe” kevbe wẹẹ, “ọmwaikọmwa ne ọ ghi tie egbe ẹre ọghe Nọyaẹnmwa nẹ, te ọ kere ne ọ zobọ vbe emwi dan ne a ru.”

II Timoti 3:15

U vbe rẹn wẹ, ke ẹghẹ ọvbokhan ruẹn gha dee, u keghi wa rẹn Ebe nii, ne ọ sẹtin rhie nuẹn ighẹ ẹwaẹn ni ne ọ su ọmwa la imiẹnfan, vbe ekpa ne a na ya Kristi Jesu yi.

Taitọs 2:11

Rhunmwuda, Osanobua rhie ẹsọhẹ ọghọe ne a miẹn nẹ, vbe ekpa ọghe imiẹnfan emwa hia.

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Jems 1:18

Ekhọe obọ ẹre ọre ọ ya la ekpa ẹmwẹ ẹmwata yi ima, ne ima miẹn ehe na gha rre ukpo ne okaro vbe uwu ẹbu avbe emwi ne ọ yi hia.

Jems 1:21

Rhunmwuda ọnii nian, wa zobọ vbe avbe uyinmwẹ iruẹn, ne ọ maghan ọmwa kevbe uyinmwẹ dan hia, wa zẹ egbe obọ ne Osanobua, ne uwa vbe rhan obọ miẹn ẹmwẹ ne ọ kọ ye uwa ekhọe, ne ọ gha sẹtin miẹn uwa fan.

I Pita 2:10

Vbe ẹghẹ ọkpa yi, wa i te re emwa Osanobua, sokpan wanwan na nian, emwa rẹn wa ghi khin, wanwan na nian, wa miẹn itohan ẹnrẹn rhie nẹ.

Arhie Maan 7:2

I keghi vbe bẹghe odibosa ọvbehe vbe ọ ke ọlarre ovẹn dee, ọ keghi rhie egba ne Osanobua ne ọ rrọọ ya yi emwi ama, mwẹ obọ, ọ keghi datie avbe odibosa enẹ ne Osanobua rhie ẹtin na, ne ọ ya dunmwu otọ agbọn kevbe okun uan.