Ẹfisọs 1:10 - Edo Bible (E Baibol Ẹdo) Version 1996

¹⁰ Emwi ne Osanobua mwamwa ẹn, ne ọ ra vbe musẹ vbe ẹghẹ a sẹ, ọrọre wẹ, ne ọ do viọ emwi na yi hia ni rre ẹrinmwi kevbe agbọn, kugbe ba Kristi zẹ vbe uhunmwu uta ehia.

Ẹfisọs 1:10 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Matiu 25:32

A ghi do si emwa ni rre agbọn na hia si koko ye odaro ẹre. Rẹn ghi do wannọ iran ye oka eva zẹ vbene Ọsuohuan hannọ ohuan hin uwu ẹbu ẹwe rre.

Iyẹn ne ọ Maan Ọghe Mak 1:15

Ọ wẹẹ, “Ẹghẹ wa sẹ nẹ nian, Arriọba Osanobua sẹ otọ fo! Wa zobọ vbe orukhọ ne a ru, ne uwa vbe do ya Iyẹn Ne ọ maa yi.”

I Kọrinti 10:11

Emwi na hia sunu ne a ya rhie igie emwi ne emwa ọvbehe, a keghi gbẹnnẹ ọẹn ye otọ zẹ vbe ne a ya bu ima ude. Rhunmwuda, ẹghẹ ima keghi re ẹghẹ ne ufomwẹ na sẹ otọ fo nẹ.

I Kọrinti 11:3

Sokpan I ho ne uwa rẹn wẹ, Kristi kpọlọ sẹ emwa hia fẹẹrẹ, ọdọ ọre ọ kpọlọ sẹ amwẹ ọnrẹn, Osanobua keghi vbe sẹ Kristi.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

Ẹfisọs 1:22

Osanobua keghi viọ emwi hia ye ototọ owẹ Kristi, ọ keghi vbe rhie ẹre ne esọsi zẹ vbe Ogie nọkhua nọyan emwi hia.

Ẹfisọs 2:15

Ọ keghi gbe ukhu ẹre ua ighẹ nene uhi avbe Ju, deba iyi kevbe ilele ne ọ rrọọ, ne ọ miẹn ehe na ya ẹwae eva na, khian emwa ọkpa ọghọgbọn deba egbe irẹn, ne ọ gha re ne ọ ya ru adọlọ.

Ẹfisọs 3:15

Ọmwa ne ọ he ẹgbẹe hia ni rre ẹrinmwi kevbe agbọn eni ne eni.

Ẹfisọs 3:2

Vbe ne a i na gbe awẹawẹ, wa họn nẹ wẹ, vbe ekpa ẹsọhẹ ọghọe, Osanobua waa iwinna na mẹ, ne I winnaẹn ne uwa ne ẹ i re Ju.

Kọlose 1:16

Obọ ẹre ọre Osanobua la yi emwi ni rre ẹrinmwi kevbe agbọn na, avbe emwi ne a bẹghe kevbe ne a i bẹghe, ke ẹe kevbe ẹtin avbe orhiọn nẹ ẹrinmwi, eniyan ẹvbo, iran ni khaemwisẹ kevbe iran ni rre ọdakha. Obọ ẹre ọre Osanobua la yi ideghede-gheagbọn vbe ẹrinmwi hia, rẹn ọre ọ vbe yi ẹe na.

Kọlose 1:20

Rhunmwuda ọnii, Osanobua keghi mwamwa ẹn wẹ, obọ Ọmọ ọre irẹn gha la viọ agbọn vbe ẹrinmwi dọlegbe rrie egbe. Uwu ne Ovbi ẹre wu vbe uhunmwu ugbugbe ọre Osanobua ya ru adọlọ ọ keghi dọlegbe viọ emwi hia rrie egbe, ni rre ẹrinmwi, kevbe ni rre agbọn.

Kọlose 3:11

Rhunmwuda ọnọna nian, ọmwa ne ẹ i re Ju ra ọmwa ne ọ re Ju i ghi rrọọ, ne ọ rhuẹre ra ne ọ ma rhuẹ, ighọnmighọn, edigue aranmwẹ oha, eviẹn ra iran ni yan egbe iran ẹ i ghi rrọọ, sokpan Kristi ọrọre ehia, Kristi rre uwu iran hia!

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

Hibru 11:40

Rhunmwuda, Osanobua ru emwamwa nọ maa sẹẹ ọnii ye otọ khẹ ima nẹ. Iro ọghọe nọ wẹ, ẹghẹ mwa ọkpa ọre iran gha na do dunna fo.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.