Ebe Rut 4:4 - Edo Bible (E Baibol Ẹdo) Version 1996

⁴ Ọ re I na wẹ I gha mu ẹẹn ma ruẹn. Rhunmwuda onii nian, a deghẹ ọ yẹ ruẹ, sirra avbe emwa ni tota ye emwa na kevbe avbe ediọn emwa ima dẹ ọe, sokpan a deghẹ ẹ i yẹ ruẹ, gun mwẹ rẹn, rhunmwuda, wẹ ọ re ọ ka khẹke ne ọ dẹ ọe ọ ke do sẹ imẹ egbe.” Ọmwa ni keghi kha wẹẹ, “I gha dẹ ọe.”

Ebe Rut 4:4 ပူးပေါင်းရင်းမြစ်များ

Gẹnẹsis 23:18

Emwa Hiti hia ni rre iko nii wa yobọ yọ wẹ ọghe Ebraham nọ.

Jerimaia 32:25

Sevba, e Nọyaẹnmwa ne Udazi, wẹ ọ re ọ we mwẹ dẹ ako oha nii vbe sirra avbe osẹe, a gha rhe miẹn wẹ te iran ghi ra khọn mu ẹvbo ni ighe ivbi e Babilọn.”

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

II Kọrinti 8:21

Emwi ne ima mwẹ vbe ekhọe ọrọre ne a gha ru emwi la odẹ ne ọ gbae, ẹ i re vbe odaro Nọyaẹnmwa ọkpa, sokpan kevbe odaro emwa ne agbọn.

Diuteronomi 25:8

Avbe ọkaolotu ẹvbo ghi gie ne a tie ẹre, iran ghi gu ẹe guan, ọ gha ye wẹ rẹn i rhie okhuo nii,

Filipai 4:8

Vbe ufomwẹ ehia, etẹn mwẹ, wa gha ya avbe emwi ni maa kevbe ne ọ gie a ta ẹmwẹ ọnrẹn ẹse vuọn ekhọe uwa, avbe emwi ẹmwata, adazẹ ne ọ gbae ne ẹ i mwẹ iruẹn kevbe ne ọ mwẹ uyi.

Ebe Rut 2:20

E Naomi keghi tama rẹn wẹẹ, “Te Nọyaẹnmwa ne ọ mu eyan rẹn sẹ ne ne ọ wu kevbe ne ọ rre agbọn gha fiangbe Boaz.” Rẹn keghi tama rẹn wẹẹ, “Okpia nii, ọmwa ne ọ wa sikẹ ima vbe ọtẹn ọ re nọ, usun iran ne ọ ghi gbe aro ghe ima na.”

Ebe Rut 3:12

Emwata nọ wẹ ọmwa ne ọ sikẹ ruẹ ọ re I khin kevbe wẹ mẹ ọ re a ka a ye ọre obọ sokpan, ọmwa ọkpa rrọọ ne ọ sikẹ ruẹ sẹ mwẹ.

Ebe Rut 3:9

Rẹn keghi nọ rẹn wẹẹ, “Gha ọna khin yi?” Rẹn na wanniẹn wẹẹ, “E Rut ne ọguọmwadia ruẹ nọ. Vbe ne a ghi na miẹn nian wẹ ọmwa ne ọ sikẹ ima u khin, kevbe wẹẹ, wẹ ọ re ọmwa ne a rhie mwẹ ne ẹẹn gha su, wa rhie mwẹ rọnmwẹ.”