Ebe Rut 4:2 - Edo Bible (E Baibol Ẹdo) Version 1996

² Ẹre Boaz na viọ iran igbe vbe uwu avbe ediọn ẹvbo nii, ọ keghi kha wẹẹ, “Wa tota vbe emwa.” Iran na tota.

Ebe Rut 4:2 ပူးပေါင်းရင်းမြစ်များ

I Ọba 21:8

Ẹre okhuo nii na gbẹnnẹ ebe ọ na gbẹnnẹ eni Ehab lele ẹe ọ na munọ ama rẹn gbe ẹe, ọ na viọ gie emwa iwinna kevbe ekamakodin ni rre Jezrẹl.

Ẹksọdọs 21:8

A deghẹ ọ ma yin ẹse da arowa ẹre ne ọ te ho ne ọ gha re ọkpa vbe uwu avbe amwẹ ọnrẹn, rẹn sẹtin gie erha ẹre dẹ ọe werriegbe, ẹ i mwẹ asẹ ne ọ gha ya khiẹn ọẹn ne orhunmwuyẹn, rhunmwuda, uyinmwẹ nii ma gba.

Itan 31:23

Agbọn hia rẹn ọdọ ẹre ẹsẹse, usun emwa ni dekpe vbe ore ẹvbo nii ọre nọ.

Eve Orriara 5:14

Avbe eniwanrẹn i ghi tota vbe onurho ẹvbo ọvbehe, avbe igbama i ghi kpe emwi ihuan.

Iwinna 6:12

Erriọ iran ya ruẹn ẹmwẹ ye avbe emwa kevbe avbe ediọn kevbe iran ni ma emwa Uhi ẹko. Iran na bu Stivin gha dee, iran mu ẹn, iran na rhie ẹre gha die odaro Iko.

Diuteronomi 25:7

Sokpan, a deghẹ ọtẹn ọdọ ẹre ma ho ne ọ rhie ẹre rọnmwẹ, okhuo nii ghi bu avbe ọkaolotu ẹvbo gha khian ya kha wẹẹ, ‘Ọtẹn ọdọ mwẹ ma ho ne ọ winna iwinna ne ọ khẹ ke ẹe, ọ ma ho ne ọ gie ẹe mwẹ ọmọ vbe ẹbu ivbi Izrẹl.’

Diuteronomi 29:10

“Ẹdẹnẹrẹ na nian, odaro e Nọyaẹnmwa Osanobua rua ọ re uwa mudia yi — wa hia fẹẹrẹ — avbe ọkaolotu kevbe ekhaẹmwẹ uwa, ikpia uwa.

Diuteronomi 31:28

Si avbe ọkaolotu kevbe ekamakodin ni rre avbe ẹwae rua koko ye odaro mwẹ, ne I miẹn ehe na ta avbe ẹmwẹ na ma iran. I gha tie ẹrinmwi kevbe agbọn ne iran do sẹ osẹe ghe iran.