Ebe Rut 4:14 - Edo Bible (E Baibol Ẹdo) Version 1996

¹⁴ Avbe ikhuo keghi tama Naomi wẹẹ, “Rho e Nọyaẹnmwa! Ọ rhie e eyẹ ọmọ okpia ne uẹn ẹrẹna ne ọ gha gbearoghe ruẹ. Te ọmọ okpia na gha khian ọkhae vbe otọe Izrẹl.

Ebe Rut 4:14 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Gẹnẹsis 24:27

Rẹn keghi kha wẹẹ, “Urhomwẹ nọ ne Nọyaẹnmwa, Osanobua Ebraham arowa mwẹ ne ọ wa rhie ekhọe yọ ne ọ mu eyan ne ọ yan ma arowa mwẹ sẹ. E Nọyaẹnmwa wa ma mwẹ odẹ gha die owa ọtẹn arowa mwẹ zẹẹ.”

Gẹnẹsis 29:35

Ọ kevbe dọlegbe hanmwa, ọna vbe biẹ ọmọ okpia ọvbehe, rẹn keghi kha wẹẹ, “Vbe ẹghẹ na, I gha rho E Nọyaẹnmwa.” Rhunmwuda ọnii; ọ keghi he ẹre Juda. Ọ re ọ na fiọnmọ.

Iyẹn ne ọ Maan Ọghe Luk 1:58

Avbe emwa ẹdogbo kevbe etiọnrẹn ni họn vbene Nọyaẹnmwa ru ẹre ẹse hẹ keghi gue ẹe ghọghọ ẹsẹse.

Ebe ne Pọl gbẹẹn gie emwa Rom 12:15

Gha gu enọghọghọ ghọghọ vbe gu enọviẹ gha viẹ.

I Kọrinti 12:26

A deghẹ efẹn ọkpa vbe egbe miẹn obalọ, ehe ni dekẹe hia ghi guee miẹn obalọ nii, a deghẹ a vbe tian ọkpa vbọ, ni dekẹe hia ghi gu ẹe ghọghọ.

I Tẹsalonaika 5:18

Gha kpọnmwẹ ye emwi ne ọ rhirhi sunu. Erriọ ọre Osanobua ho ne uwa gha ru vbe ẹdẹ agbọn uwa vbe uwu Kristi Jesu.

II Tẹsalonaika 1:3

Te ima gha kpọnmwẹ Osanobua ne uwa vbe ẹghẹ hia etẹn mwẹ. Ọ kere ne ima gha ru vberriọ, rhunmwuda, iyayi uwa wa mobọ wan yọ, kevbe aho ẹmwẹ ọmwa ne uwa mwẹ ghe egbe, wa vbe mu otọ yọ.