Ebe Rut 4:13 - Edo Bible (E Baibol Ẹdo) Version 1996

¹³ Ẹre Boaz ghi na rhie Rut gha rrie owa zẹ vbe amwẹ ọnrẹn, rẹn keghi gue ẹe ru emwi ọdọ vbe amwẹ, E Nọyaẹnmwa keghi gie ẹe hanmwa, ọ na biẹ ọmọ okpia.

Ebe Rut 4:13 ပူးပေါင်းရင်းမြစ်များ

Gẹnẹsis 20:17

Nọyaẹnmwa keghi ruẹe ne okhuoikokhuo ghe miẹn ọmọ biẹ vbe owa Abimẹlẹk rhunmwuda emwi ne ọ sunu vbe egbe Sera ne amwẹ Ebraham. Ebraham keghi na erhunmwu ne Abimẹlẹk, Osanobua keghi mu ẹre egbe rran. Ọ kevbe mu amwẹ ọnrẹn ke avbe eviẹn ọnrẹn nikhuo ne iran sẹtin gha biẹlẹ.

Gẹnẹsis 25:21

Ugbẹn vbe a miẹn wẹẹ e Ribẹka ma biẹ, rẹn keghi na erhunmwu ghe Nọyaẹnmwa vbe ekpa ẹre. E Nọyaẹnmwa keghi họn erhunmwu ẹre, e Ribẹka na do gha hanmwa.

Gẹnẹsis 29:31

E Nọyaẹnmwa ghi miẹn wẹ a ma ho ẹmwẹ e Lia vba Rekiẹl, ọ keghi ruẹe ne ọ biẹlẹ, sokpan, e Rekiẹl ma biẹ.

Gẹnẹsis 30:2

Ohu e Rekiẹl keghi mu e Jekọb, ọ na wẹẹ, “Mẹ ira sẹtin mudia ye ihe Osanobua. Rẹn ọre ọ ma guẹ biẹ.”

Gẹnẹsis 33:5

Isọ ghi ghe lẹga vbe ọ ghi miẹn avbe ikhuo kevbe emọ nii, ọ keghi nọ wẹẹ, “Gha ena khin ne u hẹ khian na?” Jekọb wanniẹn wẹẹ, “Emọ ne ọ yẹ Osanobua ne ọ ya ru mwẹ ẹse nọ, enọwanrẹn.”

Psalm 113:9

Ọ rhie ọghọ ne amwẹ ne ẹ i mwẹ ọmọ vbe owa ẹre ọ gie ẹe sẹ ọyẹnmwẹ vbekpa ne ọ na viọ emọ ne ẹẹn. Wa rho e Nọyaẹnmwa

Psalm 127:3

E Nọyaẹnmwa ọ re ọ ye emọ ru ọmwa ẹse afiangbe ne ọ sẹre ọ re iran khin.

Ebe Rut 3:11

Wanwanna nian, ghẹ fian afianma e Rut, emwa ni rre ẹvbo na hia rẹn ruẹn ye okhuo esiesi. I gha ru emwikemwi ne u a rhirhi nọọn.”

Ebe Rut 4:12

Te emọ ne Nọyaẹnmwa gha la obọ uvbi nii viọ guẹ gha ye ẹgbẹe ruẹ do gha yevbe ẹgbẹe ọghe Pẹrẹs ne ovbi e Juda kevbe Tama.”

I Samuẹl 1:27

Ọmọ na ọ re I nọ ẹre re, ọ kevbe rhie emwi ne I nọ rẹn re mẹ.

I Samuẹl 2:5

Iran ne a koko ẹse la iyoha ba ẹmwẹ evbare, ohanmwẹ ma ghi gbe iran ne ohanmwẹ te gbe ọvbehe. Amwẹ ne agan biẹlẹ emọ ihinrọn, sokpan, a ma sẹ ọkpa rae ne nọ biẹlẹ enibun.