Ebe Rut 4:12 - Edo Bible (E Baibol Ẹdo) Version 1996

¹² Te emọ ne Nọyaẹnmwa gha la obọ uvbi nii viọ guẹ gha ye ẹgbẹe ruẹ do gha yevbe ẹgbẹe ọghe Pẹrẹs ne ovbi e Juda kevbe Tama.”

Ebe Rut 4:12 ပူးပေါင်းရင်းမြစ်များ

Gẹnẹsis 38:29

Sokpan ọ keghi si obọ werriegbe, a na ghi ka biẹ ọtiọnrẹn. Ẹre okhuo ne ọ mu ẹnrẹn emwi ubiẹmwẹ na kha wẹẹ, “Erriọ u ghi ya ye uhunmwu zẹ odẹ ladian!” A na ghi gha tie ẹnrẹn Pẹrẹs.

Gẹnẹsis 46:12

Ivbi e Juda kegha re, Siẹla, Pẹrẹs kevbe Zẹra (sokpan Kenan ọ re Eri kevbe Onan na wulo). Ivbi e Pẹrẹs kegha re Hẹzrọn kevbe Hamul.

I Krọnikol 2:4

Ovbi amwẹ ọnrẹn ne a tie ẹre Tama keghi biẹlẹ emọ ikpia eva ne Juda, ena kegha re Pẹrẹs kevbe Zẹra.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

Matiu 1:3

Juda ọrọre erha Pẹrẹs kevbe Zẹra (a keghi tie eni iye iran Tema) Pẹrẹs ọrọre erha Hẹzrọn. Hẹzrọn keghi re erha Ram.

Ebe Rut 4:18

Uniẹn ọghe Pẹrẹs do sẹ Devid ọ re ọna khin: Pẹrẹs, Hẹzrọn, Ram, Aminadab, Nasiọn, Salmọn, Boaz, Obẹd, Jese, Devid.

I Samuẹl 2:20

Ẹghẹ nii, Elai ghi fiangbe Ẹlkana kevbe ọvbokhan rẹn, ọ ghi khama Ẹlkana wẹẹ, “E Nọyaẹnmwa ne ọ gie okhuo na biẹlẹ emọ ọvbehe nuẹn ne ọ rhie ihe ọnọna ne u ya fi ohan ne ẹẹn na.” Iyeke onii, iran ghi werriegbe gha rrie owa.