Ebe Rut 4:1 - Edo Bible (E Baibol Ẹdo) Version 1996

¹ E Boaz kegha rrie ehe ne a na ko vbe onurho ẹvbo nii, ọ na tota. Uwu ẹghẹ nii zẹẹ, ọtẹn Ẹlimẹlẹk ne ọ sikẹ ọre sẹẹ ne Boaz gha a kha keghi wa rre, e Boaz na tama rẹn wẹẹ. “Ọse mwẹ, larre ne u do tota vbe edinran.” Rẹn keghi gele bu ẹre, ọ na ya tota.

Ebe Rut 4:1 ပူးပေါင်းရင်းမြစ်များ

Gẹnẹsis 19:1

Ugbẹn vbe avbe odibosa eva nii ghi sẹ Sọdom vbe ẹghẹ ota, e Lọt keghi rre ehe ne ọ tota yi vbe onurho ẹvbo nii, ehe ne emwa na ko. Ugbẹn vbe Lọt ghi wa bẹghe iran, ọ keghi guakpao ya vba iran. Ọ keghi diguẹ mu aro rhuotọ vbe odaro iran.

Gẹnẹsis 23:10

Efrọn tobọ ẹre wa vbe tota ba emwa Hiti vbe iko na vbe onurho ne a la la ẹvbo. Ọ ke wa wanniẹn sirra emwa hia ni rre evba wẹẹ, “Hiehiere, enọwanrẹn, danmwehọ, I gha mu otọe nii nuẹn kẹe kevbe uvun okuta ne ọ rrọọ. I gha sirra emwa mwẹ muẹn nuẹn ne u miẹn ehe na ya re amwọn ọn yọ.”

Gẹnẹsis 34:20

E Hamọ kevbe Siẹkẹm ne ovbi ẹre kegha rrie ehe ne a na do iko vbe ehe ne a la la ẹvbo nii iran keghi ya gu emwa ẹvbo nii ne iho iran guan wẹẹ,

II Samuẹl 15:2

Ọ gha rhiọrre vbe owiẹ vbirrivbirri, ọ ghi ya mudia ye odẹ vbe ehe ne a la la ore ẹvbo. Ọmwaikọmwa gha dee ne ọ do gu ọba guan vbe ekpa ẹmwẹ ne ọ ho ne ọba guan yi, Absalọm ghi tie ẹre rrie egbe, ọ ghi nọ ehe ne ọ ke rre. Ọmwa nii gha kha wẹẹ, “Enọwanrẹn ẹgbẹe vbenian vbe Izrẹl ọ re I ke rre.”

II Krọnikol 18:9

Avbe ọba eveva na keghi hẹ ẹwu ọba iran ye egbe, iran ke tota ye ẹkete iran vbe ehe ne a na wiẹn ọka ne ọ rre onurho e Sameria, avbe akhasẹ kegha guan ẹmwẹ akhasẹ vbe odaro iran.

Job 29:7

Ediọn ẹvbo gha ko, I na tota ba iran,

Job 31:21

“Adeghẹ I he mu ọmọ ne ẹ i mwẹ erha ru ẹdẹ, rhunmwuda ighẹ I rẹnrẹn ighẹ, I gha rria asẹ ẹre vbe iko,

Psalm 69:12

Ẹmwẹ mwẹ iran ta khian vbe odẹ, mẹ ọ re avbe ọdayọn ghi ya so ihuan.

Itan 31:23

Agbọn hia rẹn ọdọ ẹre ẹsẹse, usun emwa ni dekpe vbe ore ẹvbo nii ọre nọ.

Aizaia 55:1

E Nọyaẹnmwa khare wẹẹ, “Wa larre, emwa hia ne ovbamẹ gbe, wa ghe amẹ wa ne ẹ i mwẹ igho, wa larre, wa do dẹ ọka ne uwa re. Wa larre, wa do dẹ ọka kevbe ewẹn ẹmila, vbene a i na ha igho yọ!

Jerimaia 32:10

Mẹ keghi rhie obọ ye nene ebe, a na ghi sikan ẹẹn gbua, emwa keghi sẹ osẹ yọ, I keghi ya omwa mwa nene igho.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Zẹkaraia 2:6

E Nọyaẹnmwa tama emwa irẹn wẹẹ, “Mẹ ọ re ọ zagha uwa lele ehe hia, sokpan, banbanna nian, wa ni rre iwe, wa lẹfua vbe Babilọn ne uwa werriegbe gha rrie Jerusalẹm.

Diuteronomi 16:18

“U ghi zẹ avbe ọbuohiẹn kevbe emwa iwinna vbe dọmwadẹ ẹvbo ne Nọyaẹnmwa Osanobua gha rhie ne uẹn. Iran na ghi gha bu ohiẹn emwa nii vbe ne a i na ghe ikpanro.

Diuteronomi 17:5

Wa ghi rhie ọmwa nii ladian hin ore agọ rre, ne uwa filo okuta gbe ẹe rua.

Diuteronomi 21:19

evbibiẹ ọe ghi rhie ẹre gha rrie ehe ne avbe ekaolotu ẹvbo ye, iran ghi ya gui ẹzọ ẹre.

Diuteronomi 25:7

Sokpan, a deghẹ ọtẹn ọdọ ẹre ma ho ne ọ rhie ẹre rọnmwẹ, okhuo nii ghi bu avbe ọkaolotu ẹvbo gha khian ya kha wẹẹ, ‘Ọtẹn ọdọ mwẹ ma ho ne ọ winna iwinna ne ọ khẹ ke ẹe, ọ ma ho ne ọ gie ẹe mwẹ ọmọ vbe ẹbu ivbi Izrẹl.’

Jọsua 20:4

Ọ sẹtin lẹ la ọkpa vbe avbe ẹvbo na, ọ ghi gha rrie ehe ne a na bu ohiẹn vbe onurho ẹvbo nii, ne ọ ya rhan otọ emwi ne ọ sunu ma avbe ọkaolotu. Ẹghẹ nii, iran ghi gie ẹe la uwu ẹvbo nii, iran ghi vbe rhie ehe ne ọ gha dia ne ẹẹn, ne ọ miẹn ehe na gha rre evba.

Ebe Rut 3:12

Emwata nọ wẹ ọmwa ne ọ sikẹ ruẹ ọ re I khin kevbe wẹ mẹ ọ re a ka a ye ọre obọ sokpan, ọmwa ọkpa rrọọ ne ọ sikẹ ruẹ sẹ mwẹ.

Ebe Rut 3:18

E Naomi keghi tama rẹn wẹẹ, “U ghi ziengbe nẹ e Rut, u te do rẹn vbene emwi hia ra de hẹẹ; rhunmwuda, e Boaz i ra hẹ wẹ ẹrẹna vbe ẹ i re te a ghi rẹn vbene a ta nene ẹmwẹ mu kọ yi nẹ.”