Ebe Rut 3:7 - Edo Bible (E Baibol Ẹdo) Version 1996

⁷ E Boaz ghi rri evbare nẹ, ọ na vbe da, egbe kegha mu ẹẹn. Ọ kegha rrie ọkpẹn ehe ne a si ọka gboo yi, ọ na ya lovbiẹ. E Rut keghi rẹnrẹn la evba. Ọ na wee ukpọn hin ẹre owẹ rre, ọ na lovbiẹ.

Ebe Rut 3:7 ပူးပေါင်းရင်းမြစ်များ

Gẹnẹsis 43:34

A kegha ke eteburu e Josẹf viọ evbare gie iran. A keghi gie evbare Bẹnjamin ye ukhukhu isẹn sẹ ọghe iran nekpa. Iran keghi guẹe re, guẹe da, ayọn te do gha gbe iran.

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

I Ọba 21:7

E Jezibẹl keghi kha wẹẹ, “Tama mwẹ, wẹ ọrọre ọba ra ẹ i re uwẹ? Kpaegbe vbe ukpo, dọlọ aro yi ne u rri evbare, I gha mu ugbo emwiokọ e Nabot nuẹn!”

Ẹsta 1:10

Ọ ghi sẹ ikpẹdẹ ne ogihinrọn ne iran kegha rri evbare na, ọba kegha da ayọn, ẹko hia na gha sẹ ọre ọyẹnmwẹ, ọ keghi tie avbe ọghẹrriẹnoguan ihinrọn ni wa re odibo irẹn tobọ ẹre, iran na ọ re Mehuman, e Bizta, e Habona, e Bigta, Abagta, e Zeta kevbe Kakas.

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Asan-Ibo 10:19

Te evbare eghọ ye ọyẹnmwẹ sẹ ọmwa, erriọ ọ re ayọn vbe ya aro ọmwa maa vbe uhunmwu, sokpan ne obọ ruẹ gha sẹtin gba i rrọ adeghẹ igho i rrọọ.

Asan-Ibo 2:24

Emwi ne ọ maa sẹẹ ne ọmwa gha sẹtin ru ọrọre ne ọ gha re, ne ọ gha da kevbe ne ọ ya okhuan ne ọ khuaẹn gha zọmọ. Levba se vba, I kevbe miẹn wẹ obọ Osanobua ọ re ọna ke rre.

Asan-Ibo 8:15

Rhunmwuda ọnii, ekhọe mwẹ ta ẹe ma mwẹ wẹ te ọ kere ne ọmwa gha lo agbọn rẹn, rhunmwuda, ọyẹnmwẹ okpa ne ọ mwẹ vbe agbọn na ọrọre ne ọ gha re, ne ọ gha da, ne ọ vbe gha zọmọ. Ọ kere ne ọ sẹtin ru ọna vbe ẹghẹ ne ọ na winna vbe ẹdẹ ne Osanobua rhie ne ẹẹn vbe agbọn na.

Asan-Ibo 9:7

Gie obọ gha kẹe, rri evbare ruẹ ne u gie ẹko gha sẹ uwẹ ọyẹnmwẹ, da ayọn ruẹn ne u dọlọ aro yi vbe uhunmwu. Erhọkpa i khọ vbe aro Osanobua.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

Ẹfisọs 5:18

Ghẹ da ayọn gbe egbe, rhunmwuda te ọ ra miẹn ruẹn uhunmwu, sokpan gha re ne ọ vuọẹn ne Orhiọn.

Giọgis 19:22

Iran ghi rre uwu ọyẹnmwẹ nii, vbe udomwurri, emwa oya eso keghi ke ẹvbo nii rre, iran lẹga owa nii, iran na kpe ẹkhu gbigbigbi. Iran keghi tama ediọnmwa nii wẹẹ, “Rhie okpia ne ọ leluẹ gha die owa han ladian, ma ra gu ẹe ru emwi ọdọ vbe amwẹ.”

Giọgis 19:6

Erriọ ọ re ikpia eveva na keghi gba gha re, iran na gba gha da. Ẹre erha ọvbokhan okhuo na na tama rẹn wẹẹ, “Lahọ ye gbe asọn na vbe emwa, ne u gie ẹko gha rhẹnrhiọn.”

Giọgis 19:9

Ugbẹn vbe okpia na kevbe egbakhian rẹn kevbe ọguọmwadia ẹre ghi suẹn okhian, erha ẹe keghi kha wẹẹ, “U ma miẹn nian ighẹ ota khuẹrhẹ ghi nọ, u ghi wa mudia nẹ vbe asọn na. Ebi ghi ra ro na, tota ne ugha zẹ owẹ vbene ọ khọn ruẹn. U sẹtin kpaegbe vbe owiẹ vbirrivbirri akhuẹ ne u deyan okhian gha rrie owa.”

Ebe Rut 3:6

Ẹre Rut na gha rrie ehe ne a na khuọn ọka nii, ọ keghi ru emwi hia ne iye ọdọ ẹre tama rẹn.

Ebe Rut 3:8

Ọ ghi sẹ asọn, rẹn keghi runran rhiọrre, ọ keghi fi egbe werriẹ, ọ keghi wa yan ẹre unu uan vbe ọ miẹn wẹ okhuo ọkpa lovbiẹ ye irẹn odẹ owẹ.