Ebe Rut 3:3 - Edo Bible (E Baibol Ẹdo) Version 1996

³ Rhunmwuda ọnii, ya khuẹ ye ori ne ọ winhin wuo, ne u viọ ukpọn ruẹn ni maa sẹẹ ye egbe, ne u gha rrie ehe ne ọ na khuọn ọka, sokpan, ghẹ gie ẹe rẹn ighẹ u rre evba ọ te do re ke ne ọ vbe da fo.

Ebe Rut 3:3 ပူးပေါင်းရင်းမြစ်များ

II Samuẹl 12:20

E Devid keghi kpaegbe vbe otọ, ọ keghi ya khuẹ, ọ salọ eto, ọ na fi ukpọn werriẹ. Ọ kegha rrie uwu owa e Nọyaẹnmwa, ọ na ya ga ẹe. Ọ ghi dọlegbe sẹ ẹguae, ọ keghi nọ evbare, ọ na wa rri ọe ọwarọkpa vbe a mu ne ẹẹn nẹ.

II Samuẹl 14:2

Rhunmwuda ọnii, e Joab keghi gie ne a tie okhuo ne umẹwaẹn ọkpa ne ọ rre Tẹkoa wẹ ne ọ bu irẹn gha dee. Ọ keghi tama okhuo nii wẹẹ, “Ba ru vbene a miẹn wẹ akhiẹ ọ re u ye, viọ ukpọn akhiẹ ye egbe, ghẹ vbe salọ eto ruẹ. U ghi ru zẹ vbe okhuo ne ọ kpẹre ne ọ kegha khiẹ.

Ẹsta 5:1

Ọ ghi rre ikpẹdẹ eha ne Ẹsta ghi suẹn gha yo aguẹ, ọ keghi hẹ ukpọn ọba ẹre ye egbe, ọna gha khian ya mudia ye ikun ne ọ ke ẹguae, ọ na mu aro da ugha ne ẹkete ye. Ọba kegha rre uwu owa, ọ tota ye ẹkete, ọna mu aro da onurho.

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Asan-Ibo 9:8

Gie ọyẹnmwẹ gha sẹ uwẹ vbe ẹghẹ hia ne u vbe gie aro gha ma ruẹn vbe uhunmwu.

Ezikiẹl 16:9

“Vbe iyekọnii, I keghi mu amẹ I na kpe esagiẹn ni hin ruẹn egbe rre. I keghi ya ofigbọn oliv wo ruẹ egbe.

Matiu 6:17

Wẹ gha rre aguẹ, sa amẹ kpe aro ua, salọ eto ruẹ,

Ebe Rut 3:2

Yerre wẹ e Boaz ne u winna lele eguọmwadia ẹre khian ke ẹghẹ nii gha dee, ọtẹn ima nọ. U ghi danmwehọ nian, ota na, ọ gha khuọn ọka.

Ebe Rut 3:4

Ọ ghẹ ghi ya lovbiẹ, u ghi yi ehe ne ọ lovbiẹ yi ẹro, u ghi gha khian, u ghi kie ukpọn hin odẹ owẹ ọre rre ne u lovbiẹ vbe evba. Ẹghẹ nii, ọ gha tama ruẹn emwi ne u gha ru.”