Ebe Rut 3:14 - Edo Bible (E Baibol Ẹdo) Version 1996

¹⁴ Rẹn keghi lovbiẹ ye odẹ owẹ ọre ẹdẹ te gbe, sokpan, ọ keghi kpaegbe vbe ẹdẹ ma he wan sẹ ne emwa gha na bẹghe ẹre. Rhunmwuda, e Boaz kha re wẹẹ, “Ọma kei ne ọmwa rhọkpa rẹn ighẹ ọ rrie emwa na.”

Ebe Rut 3:14 ပူးပေါင်းရင်းမြစ်များ

Asan-Ibo 7:1

Eni esi maa sẹẹ ori ne ọ winhin ighobioye ne a sa ye egbe, ẹdẹ ne ọmwa wu ọ re ọ vbe maa sẹ ẹdẹ ne a biẹ ọmwa.

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

Ebe ne Pọl gbẹẹn gie emwa Rom 14:16

Ghẹ gie a miẹn wẹẹ emwi ne uwẹ ka ye emwi esi do khian ne a ghi so eni ẹnrẹn ne ọ khọ.

I Kọrinti 10:32

Gha yin vbene a gha na miẹn wẹ u ma hẹ vba avbe Ju ra iran ne ẹ i re Ju ra esọsi Osanobua.

II Kọrinti 8:21

Emwi ne ima mwẹ vbe ekhọe ọrọre ne a gha ru emwi la odẹ ne ọ gbae, ẹ i re vbe odaro Nọyaẹnmwa ọkpa, sokpan kevbe odaro emwa ne agbọn.

I Tẹsalonaika 5:22

Wa gha lẹ ne emwi dan hia ne ọ rhirhi gha khin.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

Ebe Rut 3:15

Ẹre Boaz na khama rẹn wẹẹ, “Mu ẹwu ọkokhunmwu ne u yọe rre ne u rhan rẹn yotọ.” Rẹn keghi gele ru vberriọ. Rẹn keghi rhurhẹ ọka ne ọ sẹ omwa uwan ekigbesiyeha yọọ, ọ na mu nẹẹn, rẹn na mu gha rrie owa.