Ebe Rut 3:13 - Edo Bible (E Baibol Ẹdo) Version 1996

¹³ Gha rre emwa ẹdẹ te gbe, ọ gha ghi sẹ owiẹ, ma gha ya nọ adeghẹ ọmwa nii gha gbe aro ghe ruẹ, ọ gha ye rriọ ọ maa, a deghẹ ọ ma ghi vbe gha yerriọ, I ye Osanobua nọ rrọọ vẹn ihẹn wẹ, I gha mudia ye emwi hia. Banbanna nian, ya lovbiẹ.

Ebe Rut 3:13 ပူးပေါင်းရင်းမြစ်များ

Jerimaia 12:16

Adeghẹ iran ghi ye ekhọe iran hia rhan obọ miẹn iyayi avbe emwa mwẹ, iran na vbe gha ya ẹe vẹn ihẹn wẹẹ, ‘Zẹ vbene Nọyaẹnmwa na rrọọ’ zẹ vbene iran vbe ma emwa mwẹ ẹre ne iran gha ye eni e Baal vẹn ihẹn, ẹghẹ nii iran ghi do gha re efẹn okpa vbe uwu avbe emwa mwẹ, agbọn gha maa iran.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

II Kọrinti 1:23

Osanobua ọre I rhie ye osẹe mwẹ, ọ rẹn vbene ekhọe mwẹ ye hẹ, Ne a ghẹ miẹn ehe na rri uwa oya, ọre ọ zẹe ne I ma na ghi rrie Kọrinti.

Hibru 6:16

Ọmwa gha yan, ọ ghi ya eni ọmwa ne ọ kpọlọ sẹ irẹn yan. Eyan ọre ọ ta ọfo ye imuaẹmwẹ hia, ne emwa gu egbe muan.

Giọgis 8:19

E Gidiọn keghi wanniẹn wẹẹ, “Etẹn mwẹ ne ikpia iran khin, ivbi iyemwẹ ne ikpia. Te I wa vẹn ihẹn ya ta ẹe wẹ akpawẹ wa ma gbele iran an, mẹ i ghẹ vbe gbele uwa a.”

Ebe Rut 2:20

E Naomi keghi tama rẹn wẹẹ, “Te Nọyaẹnmwa ne ọ mu eyan rẹn sẹ ne ne ọ wu kevbe ne ọ rre agbọn gha fiangbe Boaz.” Rẹn keghi tama rẹn wẹẹ, “Okpia nii, ọmwa ne ọ wa sikẹ ima vbe ọtẹn ọ re nọ, usun iran ne ọ ghi gbe aro ghe ima na.”

Ebe Rut 3:12

Emwata nọ wẹ ọmwa ne ọ sikẹ ruẹ ọ re I khin kevbe wẹ mẹ ọ re a ka a ye ọre obọ sokpan, ọmwa ọkpa rrọọ ne ọ sikẹ ruẹ sẹ mwẹ.

Ebe Rut 4:5

Ẹre Boaz na tama ọmwa nii wẹẹ, “U gha gu e Naomi dẹ ugbo nii, e Rut ne ovbi Moab ne ọ dẹgbẹ ghi vbe khian amwọn ọn. Ne ugbo nii ghẹ miẹn ehe na lahin ẹgbẹe ọmwa ne ọ wu nii rre.”

Ebe Rut 4:6

Ẹre ọmwa nii na kha wẹẹ, “A deghẹ erriọ nọ, a gha rhe miẹn wẹ mẹ ọ re ọ khẹ ke ne ọ dẹ ugbo nii, mẹ i ra ru vberriọ, rhunmwuda ọ gha rhie maa ighẹ ivbi mwẹ i ra sẹtin rri ọe vbe ukhu. I mu asẹ mwẹ ne uẹn ne uwẹ dẹ nene ugbo, mẹ i ra dẹ ọe.”