Ebe Rut 2:8 - Edo Bible (E Baibol Ẹdo) Version 1996

⁸ Ẹre Boaz na khama e Rut wẹẹ, “Danmwẹ ehọ ovbi mwẹ. Ghẹ ghi yo ehe ọvbehe ya gha rhọ ọka gberra ugbo na, gha deba eguọmwadia mwẹ ni ikhuo winna.

Ebe Rut 2:8 ပူးပေါင်းရင်းမြစ်များ

II Ọba 5:13

Avbe eguọmwadia ẹre keghi bu ẹre gha khian, iran wẹẹ, “Akpawẹ te akhasẹ wẹ ne u ru emwi ne ọ lọghọ, ẹ i re te u gha ru ẹe, vbe ọ ghi rrọọ nian, wẹ ghi ya khuẹ kẹkan ne egbe rran ruẹn!”

Levitikọs 19:9

“Wa gha rhọ emwi okọ ugbo rua, wa ghẹ rhọ avbe ọka ni rre ọkhioha, wa ghẹ vbe dọlegbe ya rhọ avbe ọka ne a te sẹrae.

Matiu 9:2

Emwa eso keghi ya ewa dada ọmwa ọkpa ne arọ kinmwi bu ẹre rre. Jesu miẹn wẹ iran wa mwẹ iyayi, ọ keghi tama ọmwa ne arọ kinmwi ni wẹẹ, “Ovbi mwẹ dọlọ aro yi vbe uhunmwu. A ye avbe orukhọ ruẹ hia bọọ.”

Matiu 9:22

Jesu keghi fi egbe werriẹ, ugbẹn vbe ọ ghi bẹghe ẹre ọ tama rẹn wẹẹ, “Ovbi mwẹ dọlọ aro yi vbe uhunmwu, iyayi ruẹ muẹn egbe rran nẹ.” Vbe ọwarọkpa ni, egbe keghi wa rran okhuo ni.

Filipai 4:8

Vbe ufomwẹ ehia, etẹn mwẹ, wa gha ya avbe emwi ni maa kevbe ne ọ gie a ta ẹmwẹ ọnrẹn ẹse vuọn ekhọe uwa, avbe emwi ẹmwata, adazẹ ne ọ gbae ne ẹ i mwẹ iruẹn kevbe ne ọ mwẹ uyi.

Ebe Rut 2:7

Rẹn nọ rẹn wẹẹ, ‘Wa lahọ wa gun mwẹ gha koko ọka lele iran ni winna na iyeke khian.’ Ẹre a na miẹn wẹ ke ne owiẹ rẹ gha dee, ọ re ọ kegha winna do sẹ wanwan na ne ọ na ya hẹwẹ vbe irhu.”

Ebe Rut 2:9

U ghi gbe aro kotọ ne u miẹn ehe na rẹn ehe ne iran na fian ọka, ne u gha deba iran winna. I tama ikpia ni winna mẹ nẹ ne iran ghẹ kpokpo uẹ hiehiere, ovbamẹ gha gbe uẹ, u ghi ya gha wọn vbe akhe amẹ ne iran sa rre.”

I Samuẹl 3:16

Elai keghi tie ẹre wẹẹ, “Samuẹl ne ovbi mwẹ,” Rẹn keghi wanniẹn wẹẹ, “Ghe mwẹ enọwanrẹn.”

I Samuẹl 3:6

E Nọyaẹnmwa keghi vbe dọlegbe tie Samuẹl, ọmọ nii kevbe kpaegbe, ọ keghi bu Elai gha khian ya tama rẹn wẹ “Ẹ i re te u tie mwẹ, ghe mwẹ.” Sokpan Elai wanniẹn wẹẹ, “I ma tie ruẹ, ovbi mwẹ gha khian ya lovbiẹ.” (E Samuẹl ma he rẹn e Nọyaẹnmwa rhunmwuda e Nọyaẹnmwa ma he ka guẹe guan ẹdẹ.)