Ebe Rut 2:4 - Edo Bible (E Baibol Ẹdo) Version 1996

⁴ E Boaz tobọ ẹre keghi ke Bẹtlẹhẹm rre, “Ọ keghi tue emwa iwinna wẹ Nọyaẹnmwa deba uwa.” Iran keghi wanniẹn wẹẹ, “Nọyaẹnmwa fiangbe uwẹ.”

Ebe Rut 2:4 ပူးပေါင်းရင်းမြစ်များ

Gẹnẹsis 18:19

I hannọ ọẹn zẹ nẹ ne ọ miẹn ehe na gha yi iyi ne ivbi ẹre kevbe emọ ne ọ gha la uniẹn ọnrẹn rre, ne iran gha họn ẹmwẹ mẹ, ne iran vbe gha ru emwi ne ọ ọhẹnhẹn. Ẹghẹ nii, I ghi do ru nẹ zẹ vbe ne I ve ẹre re hia.”

Gẹnẹsis 28:3

Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.

I Krọnikol 2:51

E Saima ne ovbi ẹre ne ukpogieva keghi bu ẹvbo ne a tie ẹre Bẹtlẹhẹm, e Haref ne ovbi ẹre ne ukpogieha na bu ẹvbo ne a tie ẹre ọ Betgada.

Psalm 118:26

Te Osanobua gha fiangbe ọmwa ne ọ dee vbe eni e Nọyaẹnmwa! Ma rhie afiangbe ne uẹn, ke uwu Ọgua Osa ọghe Nọyaẹnmwa gha dee.

Psalm 134:3

Te Nọyaẹnmwa ne ọ yi ẹrinmwi kevbe agbọn, gha fiangbe uẹ ke Zaiọn rre.

Jerimaia 31:23

E Nọyaẹnmwa ne Oghodua, ne Osanobua Izrẹl khare wẹẹ, “I gha dọlegbe viọ avbe emwa nii gha die otọ iran, iran gha ye do tae vbe otọ nii wẹẹ, “ ‘Te Nọyaẹnmwa gha fiangbe oke nọhuanrẹn ọghe Jerusalẹm ehe nọhuanrẹn ne irẹn dia.’

Nọmbas 6:24

“Te Nọyaẹnmwa gha fiangbe uwa ne ọ gha gbe aro ghe uwa.

Iyẹn ne ọ Maan Ọghe Luk 1:28

Odibosa keghi bu ẹre gha dee, ọ tama rẹn wẹẹ, “Ọfumwegbe nọ nuẹn. Nọyaẹnmwa yaba ruẹ, ọ vbe fiangbe uẹ ẹsẹse.”

II Tẹsalonaika 3:16

Nọyaẹnmwa tobọ ẹre, ne ọre isi ehe ne ọfumwegbe mwa ke rre, ne ọ rhie ọfumwegbe ne uwa vbe ẹghẹ hia kevbe odẹ hia, Nọyaẹnmwa ne ọ yaba uwa hia.

I Timoti 6:2

Eviẹn ọmwa ne arowa ẹre re ọmwa ne ọ yayi, wẹ ne iran ghẹ miẹn iran fo rhunmwuda ighẹ etẹn iran khin, sokpan te ọ kere ne iran gha ga iran sẹ ayọ, rhunmwuda emwa ne ọ rri ere iwinna ne iran winna keghi vbe re emwa ni yayi ne iran ho ẹmwẹ ọnrẹn. U ghi ye emwi na kpe orhu, u ghi vbe ya ẹe gha ma emwa emwi.

II Timoti 4:22

Te Nọyaẹnmwa gha yaba orhiọn uwa. Te ẹsọhẹ Osanobua gha gu uwa hia gha rrọọ.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

Giọgis 6:12

Evba ọ re odibo e Nọyaẹnmwa na rhie egbe ma rẹn, ọ wẹẹ, “Ọmwa ne ọ din ọ re u khin, e Nọyaẹnmwa vbe rrọọ ya ba ruẹ.”

Giọgis 6:16

E Nọyaẹnmwa keghi tama rẹn wẹẹ, “U gha sẹtin ru ẹe rhunmwuda te I ra ye uẹ obọ. Te u ra rẹnkhẹn ivbi Midian vbe ne a miẹn wẹ orhiọnkpa kẹkan nọ.”

Ebe Rut 2:3

Ẹre e Rut na gha rrie ugbo, ọ na ya gha rhọ ẹre lele iran ni rhọ emwiokọ ni odieke khian. Emwi ghi wa vbe ho aro, ugbo ọghe Boaz ne ọtẹn Ẹlimẹlẹk ọ re ọ vbe gha rrie.

Ebe Rut 2:5

E Boaz keghi nọ ọguọmwadia ẹre ne ọ gbe aro ghe iran ne iwinna nẹẹn wẹẹ, “Gha ọ yan ovbi okhuọba na yi?”

Ebe Rut 4:11

Emwa ni keghi wanniẹn wẹẹ, “Ẹn, ma ọrọre osẹe.” Avbe ediọn keghi kha wẹẹ, “Te Nọyaẹnmwa gha gie okhuo nii ne ọ die owa ruẹ ẹrẹna gha yevbe Rakiẹ kevbe Lia ni biẹlẹ emọ ni bun ne Jekọb. Te u gha khian ọmwa ne ọ fee vbe ẹwae Efrata kevbe ọmwa ne ọ hin usi vbe Bẹtlẹhẹm.

I Samuẹl 17:37

E Nọyaẹnmwa ne ọ fan mwẹ vbe obọ oduma kevbe akpakomiza, gha vbe fan mwẹ vbe obọ e Filistin na.” E Sọl keghi kha wẹẹ, “Ọ maa khekherriọ, gha khian, Osanobua gha yaba ruẹ.”