Ebe Rut 2:3 - Edo Bible (E Baibol Ẹdo) Version 1996
3 Ẹre e Rut na gha rrie ugbo, ọ na ya gha rhọ ẹre lele iran ni rhọ emwiokọ ni odieke khian. Emwi ghi wa vbe ho aro, ugbo ọghe Boaz ne ọtẹn Ẹlimẹlẹk ọ re ọ vbe gha rrie.
Rẹn keghi wanniẹn wẹẹ, “Te I wa gheghe sẹ uhunmwu oke Gilboa. I keghi do miẹn e Sọl vbe ọ ya egbe gọ yan asoro ẹre, ikẹkẹ okuo kevbe iran ni hin ẹsin avbe eghian ghi ra wa vba ẹre fo.
A keghi vbe miẹn wẹ ọmwa oya ọkpa ne a tie ẹre Siẹba kegha rre evba, ovbi e Bikri ne ovbi ẹwae ẹ Bẹnjamin. Ọ keghi si urhu, ọ na kha wẹẹ, “Wa sẹ e Devid rae, ma i lele ẹe. Ivbi Izrẹl, wa gia gha rrie.”
E Gehazi ghi wa tama ọba vbene Elaisia huẹn ọmwa kpao vbe orinmwi rre hẹ, okhuo nii keghi wa rre do rinmwian ọba. E Gehazi keghi tama rẹn wẹẹ, “Umogun, nene okhuo nii ọna khin, nene ovbi ẹre ne Elaisia huẹn kpaegbe ọ re ọna vbe khin!”
Eni Nọyaẹnmwa Jesu Kristi ọre ima ya yi iyi ne iran an, a keghi vbe ya obọ sa ekhae ne iran wẹ, ne iran gha ru emwi uhẹn, kevbe ne iran gha winna khuan ekhuan unu iran.
Ẹdẹ ikẹtin e Rut keghi tama Naomi wẹẹ, “Gunmwẹ gha rrie ugbo ne I ya gha rhọ vbe erhan ọka ne iran ni rhọ emwiokọ rhọ sẹrae. I gha rhọ ẹre lele ikpia eso nẹ, ọ gha kue yọ ne I gha rhọ ẹre.” E Naomi keghi wanniẹn wẹẹ, “Gha khian ovbi mwẹ.”