Ebe Rut 2:20 - Edo Bible (E Baibol Ẹdo) Version 1996

²⁰ E Naomi keghi tama rẹn wẹẹ, “Te Nọyaẹnmwa ne ọ mu eyan rẹn sẹ ne ne ọ wu kevbe ne ọ rre agbọn gha fiangbe Boaz.” Rẹn keghi tama rẹn wẹẹ, “Okpia nii, ọmwa ne ọ wa sikẹ ima vbe ọtẹn ọ re nọ, usun iran ne ọ ghi gbe aro ghe ima na.”

Ebe Rut 2:20 ပူးပေါင်းရင်းမြစ်များ

II Samuẹl 2:5

Ọ keghi gie emwa eso uhunmwu gha khian ya tama iran wẹẹ, “Te Nọyaẹnmwa gha fiangbe uwa, ne uwa na rhie maa ighẹ uwa i re eghian ọba uwa vbene uwa na re ẹre.

II Samuẹl 9:1

Ọ ghi sẹ ẹdẹ ọkpa, e Devid keghi nọ wẹẹ, “Ọmwa rhọkpa ye kẹe vbe ẹgbẹe Sọl ra? A deghẹ ọ ye rrọọ, I ho ne I ru ẹre ẹse rhunmwuda e Jonatan.”

Job 19:25

Sokpan, mẹ rẹnrẹn ighẹ arhiọnkpa rre ẹrinmwi, ne ọ gha do mu ẹzọ mwẹ gui.

Itan 17:17

Avbe ọse ghi gha rhie ahoẹmwọmwa ma. Vbe ẹghẹ hia, ẹdẹ oseghe ọ re a ye etẹn khẹ.

Levitikọs 25:25

A deghẹ ovbi Izrẹl khian ovbiogue ọ na ghi mu otọ ẹre khiẹn, ọtiọnrẹn ne ọ ghi sikẹ ọre sẹ ghi dẹ ọe werriegbe.

Filipai 4:10

U miẹn vbe ọyẹnmwẹ sẹ mwẹ hẹ ye ẹdẹ agbọn mwẹ vbe uwu Nọyaẹnmwa Iyeke vbe ọ ghi kpẹe fua nẹ, wa kevbe miẹn ẹkpo otọ ya dọlegbe rhie maa ighẹ, uwa mu ẹmwẹ mwẹ roro. I ma kha ighẹ wa te yan mwẹ fua nẹ o, te uwa ma miẹn ẹkpo otọ ya ru ẹe.

Ebe Rut 2:21

Ẹre Rut na kha wẹẹ, “Yevbe sẹ ena hia, ọ tama mwẹ ne I gha deba avbe eguọmwadia ẹre winna rhinrin iran te do rhọ emwiokọ fo.”

Ebe Rut 3:12

Emwata nọ wẹ ọmwa ne ọ sikẹ ruẹ ọ re I khin kevbe wẹ mẹ ọ re a ka a ye ọre obọ sokpan, ọmwa ọkpa rrọọ ne ọ sikẹ ruẹ sẹ mwẹ.

Ebe Rut 4:14

Avbe ikhuo keghi tama Naomi wẹẹ, “Rho e Nọyaẹnmwa! Ọ rhie e eyẹ ọmọ okpia ne uẹn ẹrẹna ne ọ gha gbearoghe ruẹ. Te ọmọ okpia na gha khian ọkhae vbe otọe Izrẹl.

Ebe Rut 4:4

Ọ re I na wẹ I gha mu ẹẹn ma ruẹn. Rhunmwuda onii nian, a deghẹ ọ yẹ ruẹ, sirra avbe emwa ni tota ye emwa na kevbe avbe ediọn emwa ima dẹ ọe, sokpan a deghẹ ẹ i yẹ ruẹ, gun mwẹ rẹn, rhunmwuda, wẹ ọ re ọ ka khẹke ne ọ dẹ ọe ọ ke do sẹ imẹ egbe.” Ọmwa ni keghi kha wẹẹ, “I gha dẹ ọe.”

Ebe Rut 4:6

Ẹre ọmwa nii na kha wẹẹ, “A deghẹ erriọ nọ, a gha rhe miẹn wẹ mẹ ọ re ọ khẹ ke ne ọ dẹ ugbo nii, mẹ i ra ru vberriọ, rhunmwuda ọ gha rhie maa ighẹ ivbi mwẹ i ra sẹtin rri ọe vbe ukhu. I mu asẹ mwẹ ne uẹn ne uwẹ dẹ nene ugbo, mẹ i ra dẹ ọe.”