Ebe Rut 2:19 - Edo Bible (E Baibol Ẹdo) Version 1996

¹⁹ E Naomi keghi tama rẹn wẹẹ, “De ehe ne u na ya rhọ ọka ẹrẹ yi? De ugbo ọmwa ne u na ya winna? Te Osanobua gha fiangbe ọmwa ne ọ zẹ ye uwa re.” E Rut keghi tama Naomi ighẹ ugbo ọmwa ne a tie ẹre Boaz rẹn na ya winna.

Ebe Rut 2:19 ပူးပေါင်းရင်းမြစ်များ

I Ọba 7:21

E Huram keghi viọ orre eva na ye onurho ne a la la Ọgua Osa, ọ kegha tie ne ọ rre odẹ ekẹn vbọ e Jakin, ọ kegha tie ne ọ rre odẹ okuọ e Boaz.

Psalm 41:1

Afiangbe nọ ne ọmwa ne ọ mu ọghe ovbiogue ro; e Nọyaẹnmwa gha ye iran obọ vbe ẹghẹ ibaro.

Psalm 41:2

E Nọyaẹnmwa gha degue iran vbe rhie ẹdagbọn iran lẹre. Ọ gha ya ekhọe iran gha rhiẹnrhiẹn vbe otọe nii rẹn i ra vbe sẹ iran rae ye obọ ẹtin avbe eghian iran.

Psalm 44:1

Osanobua, ma ye ehọ mwa họn ẹẹn nẹ, avbe erha mwa odede vbe tae ma ima ighe avbe emwi ọyunnuan ne uwẹ ru vbe ẹghẹ iran vbe ẹkpo nẹdẹ.

Ebe Rut 2:10

E Rut keghi vbokho egbe rriotọ ya uharo kan otọ, ọ keghi tama Boaz Wẹẹ, “Vbe ua na dẹghe mwẹ ya tohan mwẹ vberriọ hẹ, egbe ne I ya re ọrriọvbe?”