Ebe Rut 2:14 - Edo Bible (E Baibol Ẹdo) Version 1996

¹⁴ Ọ ghi sẹ ẹghẹ ne a ya rri evbare, e Boaz keghi khama e Rut wẹẹ, “Larre vbe edinran; miẹn ebrẹd, do ya rhanmwẹ vbe ọkpan na.” Ẹre irẹn na ghi tota ba avbe emwa iwinna, e Boaz keghi rhie ọka ne a tọn ẹn nẹẹn. Ọ keghi re ne ẹko vuọn, eso ke ye vbe kẹrre.

Ebe Rut 2:14 ပူးပေါင်းရင်းမြစ်များ

II Samuẹl 17:28

Iran na viọ ekpamaku ni vbẹe rre, akhe kevbe emwi ne a wa ye ukpo ne a vbiẹ. Iran kevbe viọ evbare gie Devid kevbe emwa rẹn: avbe ọka ẹsin, oka irhuarhua, evbare ne a lee, ọmọ erhan ne a tọẹn, ikpakpalọ, ere, amẹ owọn, ewẹn ẹmila ne ọ zeze, kevbe ewẹn ẹmila ne ọ kiri kevbe avbe ohuan. Iran rẹnrẹn wẹ egbe gha wọ e Devid kevbe emwa rẹn, ovbamẹ kevbe ohanmwẹ gha vbe gbe iran vbe uwu ẹgbo.

Psalm 23:5

Wẹ ye evbare mẹ re, sirra iran ne eghian mwẹ. Wẹ mu ọghọ orhunmwuyẹn yọ mwẹ egbe u keghi sa ukpu mwẹ ne ọ vuọn sẹ ukpẹ.

Aizaia 32:8

Sokpan ọmwa ne ọ re adazẹ, emwi uyi ọ re ọ ru, ọ ghi vbe rhie egbe ye emwi ne ọ re ẹmwata.

Aizaia 58:7

Wa fian ne iran ne ohanmwẹ gbe vbe evbare uwa, ne uwa vbe gha gie iran ne ivbiogue ne ẹ i mwẹ owa gha la owa uwa. Wa gha viọ ukpọn ne iran ne ẹ i miẹn rhuan, ne uwa ghẹ he ne uwa ru iyobọ ne etẹn uwa.

Matiu 14:20

Dọmwadẹ ọghọe keghi re vbene ọ sẹtin. Avbe erhuanegbe keghi viọ ni dekẹe vuọn okhuae iweva.

Diuteronomi 11:15

Kevbe irunmwu ne ẹmila uwa, wa ghi vbe gha mwẹ evbare ne uwa ho hia.

Diuteronomi 8:10

A gha miẹn egbe evbare ne uwa a rhirhi gha ho ne uwa re, wa ghi kpọnmwẹ Nọyaẹnmwa Osanobua rua ye otọe esiesi ne ọ mu ne uwa.

Ebe Rut 2:13

E Rut keghi wanniẹn wẹẹ, “Enọwanrẹn, u kakabọ tohan mwẹ. Vbene u vbe gun mwẹ guan khuẹrhẹ, wa vbe rhie igiẹdu mẹ, mẹ ne ọguọmwadia ruẹ, a gha rhe miẹn wẹ I ma vba ọkpa vbe uwu avbe eguọmwadia ruẹ.”

Ebe Rut 2:15

Ọ ghi guakpao ne ọ ya rhọ ọka, e Boaz keghi tama avbe eguọmwadia ẹre wẹẹ, “Wa gie ẹe gha rhọ ọka, a gha rhe miẹn wẹ ehe ne ititi ẹre he ye nọ; wa ghẹ yagha ẹe hiehiere. Wa gha silo vbọlọ vbe ititi ọka kherhe, wa ghi sẹ ni dekẹe rae nẹẹn ne ọ rhọ ẹre, wa ghẹ guẹe gui.”

Ebe Rut 2:18

Ọ keghi mu ọka ẹre, ọ na gha rrie owa, ọ na ya mu ọka ne ọ rhọ re ma iye ọdọ ẹre, ọ kevbe mu evbare ne ọ re ke ẹe ladian, ọ na mu ne ẹẹn.

I Samuẹl 17:17

Ọ ghi sẹ ẹdẹ ọkpa, e Jese keghi tama e Devid wẹẹ, “Zẹ adanna ọka ne aranmwẹ na kevbe ududu ebrẹd igbe, ne u zẹgiẹgiẹ viọ gie avbe etuẹn vbe agọ.

I Samuẹl 25:18

Abigẹl keghi zẹgiẹgiẹ viọ ududu ebrẹd uri, ẹkpo ohian ayọn eva ohuan ne a ranmwẹ isẹn, ititi ọmọ azara ne a ka re iyisẹn, ududu ọmọ ohọ ne a ka re uri, ọ na kuẹn ehia yan ekẹtẹkẹtẹ.