Ebe Rut 2:13 - Edo Bible (E Baibol Ẹdo) Version 1996

¹³ E Rut keghi wanniẹn wẹẹ, “Enọwanrẹn, u kakabọ tohan mwẹ. Vbene u vbe gun mwẹ guan khuẹrhẹ, wa vbe rhie igiẹdu mẹ, mẹ ne ọguọmwadia ruẹ, a gha rhe miẹn wẹ I ma vba ọkpa vbe uwu avbe eguọmwadia ruẹ.”

Ebe Rut 2:13 ပူးပေါင်းရင်းမြစ်များ

Gẹnẹsis 32:6

Ugbẹn vbe iran ne a gie ẹre uhunmwu ghi rre, iran wẹẹ, “Ma sẹ ehe ne Isọ ne ọtuẹn ye, rẹn sẹ odẹ nẹ nian ne ọ na bu ruẹ dee. Ọ viọ arhin uri eva ba egbe.”

Gẹnẹsis 33:10

E Jekọb keghi kha wẹẹ, “Ẹ i re erriọ, a deghẹ I miẹn aro nọmaa ọwuẹ, rhan obọ miẹn emwi ne I ya haoko guẹ. Ne I na bẹghe aro ruẹ na, ọ yevbe ne I bẹghe aro Osanobua vbe ẹghẹ na ne u na ye obọ ọse mu mwẹ.

Gẹnẹsis 33:15

Isọ keghi kha wẹẹ, “I ghi sẹ emwa mwẹ eso rae nuẹn khekherriọ.” Sokpan e Jekọb wanniẹn wẹẹ, “U ru ẹse gbe, sokpan, ghẹ gbokhuo, aro ne ọ maa ruẹn ọkpa ọre I gualọ.”

Gẹnẹsis 33:8

Isọ keghi nọ rẹn wẹẹ, “Otu ne I ka vbe miẹn vbe odọ, de ne eni vbe khin vbọ, vba a yae kha?” E Jekọb wanniẹn wẹẹ, “Te I wẹ ne I yae gualọ aro ne ọ maa ọ wuẹ.”

Gẹnẹsis 34:3

Sokpan ẹmwẹ ọmọ okhuo na keghi yẹ ọre, rhunmwuda ose ẹre, ọ keghi suẹn gha ho ne ọ wa rhie ẹre rọnmwẹ.

Gẹnẹsis 43:14

Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”

II Samuẹl 16:4

Ọba keghi khama Ziba wẹẹ, “Emwi ne Mẹfibosiẹt mwẹ hia khian ọwuẹ.” E Ziba ke wanniẹn wẹẹ, “Ọguọmwadia ruẹ ọre I khin. I i gha tẹ vbe obọ ruẹ Umogun.”

Itan 15:33

Ọghọ ne a rhie ne Nọyaẹnmwa iruẹmwi ọ re wa vbe nọ ọghe obọ ẹre. Te uwẹ gha mwẹ amu egbe rriotọ a te miẹn wẹ uyi do gha rruẹ egbe.

Hozia 2:16

Ẹghẹ nii ọ ghi dọlegbe gha tie mwẹ ọdọ ẹre, ẹ i ghi ra tie mwẹ e Baal ọghọe ọvbehe.

Filipai 2:3

Wa ghẹ ya ekhọe a gua ye ẹgẹn ọmwa ọkpa ru emwi rhọkpa, ra ekhọe a ba wẹ, sokpan wa gba gha daa ne egbe, vbene u i na ro ighẹ wẹ maa sẹ ọmwa ọvbehe.

Giọgis 19:3

Ẹre okpia nii na wẹ rẹn gha ya gualọ ẹe ne irẹn rherhe ọe ne ọ gha die owa. Ọ keghi rhie ọguọmwadia ẹre kevbe ekẹtẹkẹtẹ eva ba egbe. Okhuo nii keghi miẹn rẹn yi vbe owa erha ẹe. Ugbẹn vbe erha okhuo nii ghi miẹn ọẹn, ọ keghi ya oghọghọ gbe ọbokhian ne ẹẹn.

Ebe Rut 2:12

Te Nọyaẹnmwa gha san ruẹn ẹse emwi ne u he ru hia, te Nọyaẹnmwa Osanobua Izrẹl ne u do lẹ gbinna gha san ruẹn ẹse fo fẹẹrẹ.”

Ebe Rut 2:14

Ọ ghi sẹ ẹghẹ ne a ya rri evbare, e Boaz keghi khama e Rut wẹẹ, “Larre vbe edinran; miẹn ebrẹd, do ya rhanmwẹ vbe ọkpan na.” Ẹre irẹn na ghi tota ba avbe emwa iwinna, e Boaz keghi rhie ọka ne a tọn ẹn nẹẹn. Ọ keghi re ne ẹko vuọn, eso ke ye vbe kẹrre.

I Samuẹl 1:18

Okhuo nii keghi wanniẹn wẹẹ, “Te u ghi ra gha zẹ iro itohan da mwẹ vbe ẹghẹ hia.” Ọ na kpao. Ọ keghi ya rri evbare, ọ ma ghi vbe gha khiẹ.

I Samuẹl 25:41

Abigẹl keghi vbokho uhunmwu rri otọ, ọ wẹẹ, “Ọguọmwadia ẹre, ne ọ mu egbe ne ọ kpe avbe eguọmwadia ẹre owẹ, ọ re imẹ khin.”