Ebe Rut 2:12 - Edo Bible (E Baibol Ẹdo) Version 1996

¹² Te Nọyaẹnmwa gha san ruẹn ẹse emwi ne u he ru hia, te Nọyaẹnmwa Osanobua Izrẹl ne u do lẹ gbinna gha san ruẹn ẹse fo fẹẹrẹ.”

Ebe Rut 2:12 ပူးပေါင်းရင်းမြစ်များ

Psalm 17:8

Degue mwẹ, zẹ vbene u gha ru aro ruẹ, rhie mwẹ lẹre, ye aghọnghọn ifuẹn ruẹn.

Psalm 19:11

Iran rhie irẹnmwi ne imẹ ne ọguọmwadia ruẹ, i rri ere ẹre vbe i a ya ẹe ru emwi.

Psalm 36:7

Osanobua, ighobioye ọ re ahoẹmwọmwa ruẹn ne ẹi beghe khin. Ototọ aghọnghọn ifuẹn ruẹn ọ re ima lẹre yi.

Psalm 57:1

Tohan mwẹ Osanobua tohan mwẹ, rhunmwuda wẹ ọ re imẹ lẹgbinna aghọnghọn ifuẹn ruẹn ọ re imẹ lẹre yi rhinrin okpẹhoho na te do la fo.

Psalm 58:11

Emwa ghi gha kha wẹẹ, “A gele san emwa esi ẹse vbẹmwata; Osanobua ne ọ bu ohiẹn agbọn na gele rrọọ.”

Psalm 61:4

Gun mwẹ gha rre owa ne ọ huanrẹn ruẹn, vbe ẹdagbọn mwẹ hia, gun mwẹ lẹfe ye ototọ ifuẹn ruẹn.

Psalm 63:7

Rhunmwuda, we ọ re ọ yọmwẹ obọ vbe ẹghẹ hia vbe ototọ aghọnghọn ifuẹn ruẹn ọ re I na so ihuan oghọghọ.

Psalm 91:4

Ọ gha ya ifuẹn ọnrẹn gue ruẹ, wẹ gha re ne ẹ i mwẹ ẹbe vbe ototọ ugue ẹre, ẹmwata ẹre gha degue ruẹ ọ gha vbe gbinna ne uẹn.

Itan 11:18

Ere emwi esi okpa i rrọ ne ọmwa dan re, sokpan, u gha ru emwi esi, ẹ i mwẹ a ma san ruẹn ẹse.

Itan 23:18

Ọ gha ye vbe rrio, umamwẹ rre odaro.

Jerimaia 31:16

Dobọ eve ruẹ yi, ne u khiẹn ameve hin aro rre. Emwi ne u he ru ne avbe ivbuẹ hia, ẹ i mwẹ a ma san ruẹn ẹse ẹre, iran gha werriegbe ke otọ avbe eghian rre.

Matiu 23:37

“Jerusalẹm, Jerusalẹm, wẹ ne ọ gbele avbe akhasẹ, u na vbe ye okuta gbele emwa ne Osanobua gie bu ruẹ gha dee! Inugba inugba I he te gha ho ne I tan obọ mwẹ ga emwa ruẹn zẹ vbene iye ọkhọkhọ tan ifuẹn gue ivbi ẹre, sokpan, u ma kue yọ.

Matiu 5:12

Wa gha ghọghọ, wa gie ẹko gha sẹ uwa ọyẹnmwẹ rhunmwuda, ere nọkhua ọre ọ rre otọ khẹ uwa vbe ẹrinmwi. Erriọ zẹe emwa vbe ya obọ dan mu avbe akhasẹ ni ke odaro ne uwa.

Matiu 6:1

“Mu egbe ruẹ ye ọghọ ne iwinna ugamwẹ iyayi ruẹ ghẹ gha re ọghe nababẹghe mwẹ, ọ gha khian ọghe ne a ya voro vberriọ nẹ, Erhaa ne ọ rre ẹrinmwi i ghi san ruẹ ẹse.

Iyẹn ne ọ Maan Ọghe Luk 6:35

Ẹ i re rriọ! Gha ho ẹmwẹ eghian ruẹn, vbe gha ru iran ẹse, rhie ne emwa mọmọ, ghẹ ghi vbe rhie aro ye odẹ khẹ emwi rhọkpa. A gha san ruẹn ẹse nọkhua, u ghi vbe gha re ovbi Osanobua Ne Ọ Yo Sẹ, rhunmwuda te irẹn maa ne emwa ẹse oghodan kevbe emwa dan.

Kọlose 2:18

Ghẹ gie ọmwaikọmwa ne ọ wẹ irẹn sẹ ruẹ, rhunmwuda ighẹ rẹn miẹn umian suẹ gọọ, ne ọ gba ẹmwẹ imuegberriotọ ọghe abawẹ mu unu, deba avbe odibosa ne a ghoo. Egbe ọre ọ mu emwa vberriọ, vbe. ne ẹ i na vbe mwẹ emwi ne ọ si ẹe, rhunmwuda, erriọ iro ekhọe ẹre la ghe, zẹ vbe ọmwa kẹkan.

II Timoti 1:18

Nọyaẹnmwa ne ọ gi ẹe miẹn itohan Nọyaẹnmwa rhie vbe Ẹdẹ ne ẹdẹrriọ. U vbe rẹn ẹsẹse vbene ọ yọ mwẹ obọ hẹ vbe Ẹfisọs.

II Timoti 4:8

Wanwanna nian, igho ọmwẹguae ne a ra se yọ mwẹ obọ dia khẹ mwẹ nẹ, nene ẹde ọmwa ẹmwata, ne Nọyaẹnmwa ne ẹ i bu eku gha mu mẹ Ẹdẹ ne ẹdẹrriọ, ẹ i vbe re mẹ ọkpa, sokpan kevbe iran hia ni ye aho ẹmwẹ ọmwa diakhẹ ẹghẹ ne ọ gha ya ye egbe ladian.

Hibru 11:26

Rẹn roro ẹe wẹ ne a rri oya a ye ọmwa gbe ogie rhunmwuda e Mẹzaia, ọre ọ maa sẹ ẹfe ni rre Igipt hia, rhunmwuda rẹn rhie aro ye ẹse ne a gha do san irẹn re ẹdẹ ne ọ dee.

Hibru 11:6

Ọmwa ne ẹmwẹ ọnrẹn gha ye ẹko rhiẹnrhiẹn Osanobua ẹ i rrọọ vbe ẹ i re vbe ekpa iyayi. Rhunmwuda, ọmwaikọmwa ne ọ rhirhi bu Osanobua gha dee te ọ kere ne ọ yayi ighẹ Osanobua rrọọ kevbe wẹ, ọ vbe san iran ni gualọ aro ẹre ẹse.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.

Ebe Rut 1:16

Sokpan, e Rut keghi wanniẹn wẹẹ, “Ghẹ ghi tama mwẹ wẹ ne I kpao sẹ uẹ rae, ghẹ tama mwẹ wẹ ne I ghẹ lele uẹ. Ehe ne u rhirhi a gha rrie ọ re imẹ gha vbe yo, ehe ne u rhirhi a dia ọ re imẹ gha vbe dia. Emwa ruẹn ọ re ọ ra gha re emwa mwẹ. Osanobua ruẹ ọ re ọ ra vbe gha re Osanobua mwẹ.

Ebe Rut 2:11

E Boaz keghi wanniẹn wẹẹ, “Iran kpa itan emwi hia ne u he ru ne iye ọdọ ruẹ ke ne ọdafọn ọn ya wu gha dee. I rẹn vbe ne u sẹ erha a, iye uẹ kevbe ẹvbo ruẹ rae hẹ, u na do tota ke emwa ne u ma rẹn ẹdẹ.

Ebe Rut 2:13

E Rut keghi wanniẹn wẹẹ, “Enọwanrẹn, u kakabọ tohan mwẹ. Vbene u vbe gun mwẹ guan khuẹrhẹ, wa vbe rhie igiẹdu mẹ, mẹ ne ọguọmwadia ruẹ, a gha rhe miẹn wẹ I ma vba ọkpa vbe uwu avbe eguọmwadia ruẹ.”

Ebe Rut 4:15

Te ọ gha rhie ẹdagbọn ọgbọn gie uẹ kevbe ne ọ gha re eke ne a ya egbe gọ yan vbe ẹghẹ ọmaẹn ruẹn. Amwẹ ovbi uẹ ne ọ biẹ ọe wa ho ẹmwẹ ruẹn, ọ gha vbe ru nuẹn sẹ emọ ikpia ihinrọn.”

I Samuẹl 24:19

Avbe miẹn ra wẹ obọ ọmwa vba oghian rẹn, ọ zọrobọ ne ọ gha rrie vbe ne ẹ i na ru ẹre emwi rhọkpa? Te Osanobua gha fiangbe uẹ ye emwi ne u ru mẹ ẹrẹna!

I Samuẹl 24:20

Banbanna nian, aro mwẹ dae nẹ wẹ u gha rriọba vbe Izrẹl kevbe wẹ arriọba na gha wa gha rre obọ ruẹ khian.