Ebe Rut 1:7 - Edo Bible (E Baibol Ẹdo) Version 1996

⁷ Rẹn keghi kpao, ọ na gha die Juda vbene ọ na viọ iran mwẹ obọ.

Ebe Rut 1:7 ပူးပေါင်းရင်းမြစ်များ

II Ọba 8:3

Ukpo ihinrọn ghi gberra nẹ, rẹn keghi dọlegbe gha die Izrẹl, ọ keghi bu ọba gha khian ya nọ rẹn wẹ ne a mu owa irẹn kevbe otọe irẹn dọlegbe ne irẹn.

Ẹksọdọs 18:27

Ẹre Mosis ghi na gbe ọ khian ẹdẹ hia ne Jẹtro. E Jẹtro na gha rrie ẹvbo ẹre.

Ebe Rut 1:10

Iran tama rẹn wẹẹ, “Ẹn o, te ima ra lele uẹ gha rrie ọghe emwa ruẹn.”

Ebe Rut 1:14

Iran keghi vbe dọlegbe gha viẹ; ẹre Ọfa ghi na mu iye ọdọ ẹre unu hiẹnhiẹn ya gbe ọkhian ẹdẹ hia nẹẹn, ọ na kpao bu emwa irẹn, sokpan e Rut ma sẹ ọe rae.

Ebe Rut 1:6

E Naomi keghi họn wẹ e Nọyaẹnmwa ye emwa rẹn obọ, vbene ọ na gie emwiokọ maa ne iran ẹsẹse. Rẹn keghi do mu egbe ne ọ kpao vbe Moab rre ke irẹn kevbe avbe amwẹ ivbi ẹre.

Ebe Rut 1:8

Sokpan, ọ ghi sẹ odẹ, ọ tama iran wẹẹ, “Wa werriegbe gha rrie owa ne uwa ya tota ke iye uwa. Obọ ne ọ maa ne uwa ya mu mwẹ kevbe iran ni wulo nẹ, ọ re Nọyaẹnmwa gha vbe ya mu uwa.