Ebe Rut 1:21 - Edo Bible (E Baibol Ẹdo) Version 1996

²¹ Ẹghẹ ne I na kpao, ọbọbọ I si gha khian, sokpan I ghi dee, mẹ vbe ikpakpa uhunmwu mwẹ ọkpa ọ re Nọyaẹnmwa ghi rhie werriegbe rre. De emwi ne uwa gha gu gha tie mwẹ Naomi ẹko ne ọ sẹ ọyẹnmwẹ, vbe Osanobua ne Udazi bu abe gbe mwẹ nẹ, ọ na vbe ye sẹ mwẹ usẹ?”

Ebe Rut 1:21 ပူးပေါင်းရင်းမြစ်များ

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Job 10:17

Ẹ i mwẹ u ma miẹn ọmwa ne ọ gha sẹ osẹe gbe mwẹ ne uẹn. Ohu mwẹ ne ọ muẹn ghi gha hin ukhumwu, hin ukhunmwu, u ghi gha gualọ emwi ọgbọn ne u gha ru mwẹ re ẹghẹ hia.

Job 13:26

“U wa ba mwẹ ifi ẹzọ ọhanabe, ya sẹ egbe emwi ne I ru vbe I he ye kherhe,

Job 16:8

U mu mwẹ piẹn, oghian mwẹ ọre u khin. Ohian vbe uvẹ ọre I ghi ye, emwa ghẹ ghi miẹn ọnii, iran ghi gha kha wẹ I gele rria abe.

Job 30:11

Rhunmwuda ne Osanobua na ya mwẹ khian ne ọ mitan ne ẹ i miẹn emwi ru. Te iran ghi wa ye ẹtin iran hia ye ọkpankpan yọ mwẹ egbe.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Ebe Rut 1:13

wa gha ziengbe ne iran wan rre nẹ wa ke rọnmwẹ ọdọ ra? Ọnii gha wẹ ne uwa ghẹ ghi rọnmwẹ ọdọ ọvbehe ra? Ivbi mwẹ, wa rẹnrẹn ighẹ ọ na i gia ru. Nọyaẹnmwa mu aro ne ọ khọ da mwẹ nẹ, ọ kakabọ da mwẹ ne uwa.”