Ebe Rut 1:20 - Edo Bible (E Baibol Ẹdo) Version 1996

²⁰ Rẹn keghi wanniẹn wẹẹ, “Wa ghẹ ghi tie mwẹ Naomi, wa gha tie mwẹ Mara rhunmwuda Osanobua ne Udazi ye obọ ne ọ tọn mu mwẹ nẹ.

Ebe Rut 1:20 ပူးပေါင်းရင်းမြစ်များ

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 43:14

Osanobua Noghodua ne ọ gie okpia nii tohan uwa, ne ọ miẹn ehe na rhie ọtẹn uwa nokpia kevbe Bẹnjamin ne uwa. Zẹvbe ọghomwẹ mwẹ, a deghẹ te a ghi wẹ ne emọ gha wu mwẹ, a gie iran gha wu mwẹ.”

Job 11:7

“Wẹ gha sẹtin rẹn okhiẹ kevbe ukpẹ ọre ra ighẹ ẹtin kevbe ukpọlọmwẹ Osanobua?

Job 19:6

Wa ma miẹn ọẹn ra i ghẹ Osanobua ọre ọ ru emwi na? Ọ khuẹn ifi ne ọ ya mu mwẹ.

Job 5:17

“Afiangbe nọ ne ọmwa ne Osanobua dia ye odẹ, ọ gha guẹ gui, ghẹ khiẹkhiẹ egbe yọ.

Job 6:4

Osanobua ne Udazi ye ifẹnmwẹ salọ mwẹ nẹ, obi ni rrọ rọn la mwẹ egbe hia, Osanobua tẹn emwi ni mu ohan ọghọe ye uviẹn khẹ mwẹ.

Job 9:18

Ẹ i gunmwẹ gbe amẹ sa wọn. Ọ ye orriara vuọn ẹdẹ agbọn mwẹ hia.

Psalm 73:14

Osanobua, u gunmwẹ rri oya ne ebi ro, owiẹ owiẹ ọre u ya rriọmwẹ oya.

Psalm 88:15

Ke ẹghẹ ọvbokhan mwẹ gha dee, I sẹ usẹ ne ọ sikẹ uwu, te I ghi kuagha, rhunmwuda ihẹ ọghe oya ne u rrio mwẹ re.

Ẹksọdọs 15:23

Iran keghi do sẹ Ẹzẹ Ne ọ rriara, sokpan amẹ ọnrẹn keghi rriara sẹrriọ wẹ ọ ma gie iran wọn. Ọnii ọzẹe ne a na gha tie ẹre Mara.

Ẹksọdọs 6:3

I rhie egbe ma Ebraham, Aizik kevbe Jekọb zẹ vbe Osanobua Ne Oghodua. Sokpan, I ma ya eni mwẹ ne ọ huanrẹn ighẹ Nọyaẹnmwa rhie egbe ma iran.

Aizaia 38:13

I ye asọn hia viẹ eve obalọ vbene a miẹn wẹ te oduma guọghọ ugboloko mwẹ. I te gha ro ighe te Osanobua rhie ufomwẹ ye ẹdẹ mwẹ.

Hibru 12:11

A gha gbe ima hin ọkhọ rre, vbobọ vbobọ nii, ọ ghi ye vbe ne a miẹn wẹ, te a wa ho ne a rhia ima ekhọe rua, ighẹ i re ne ọ ya ẹe rhiẹnrhiẹn. Sokpan Ọ ghẹ ghi sẹ okiekie, a vbe emwa ne a gu gui vberriọ dia ye odẹ, ghi do miẹn ẹdẹ agbọn nekhuẹrhẹ, ọ ghe ọmwa ẹmwata, rhie vbọ.

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.

Arhie Maan 21:22

I ma bẹghe Ọgua Osa vbe ẹvbo nii, rhunmwuda, Nọyaẹnmwa Osanobua Oghodua kevbe Oteghe Ohuan ọrọre Ọgua Osa ne ọ rrọọ.