Ebe Rut 1:17 - Edo Bible (E Baibol Ẹdo) Version 1996

¹⁷ Ehe ne u wu yi ọ re I gha vbe wu yi, evba ọ re a ra vbe re mwẹ yi. Te oya ne ọ ghi wegbe sẹ ne Nọyaẹnmwa rri ọmwa re gha hihiẹ yan mwẹ, a deghẹ I gie emwi ọvbehe ya mwẹ kpao sẹ uẹ rae vbe ẹ i re uwu!”

Ebe Rut 1:17 ပူးပေါင်းရင်းမြစ်များ

II Samuẹl 15:21

Sokpan, Itai wanniẹn wẹẹ, “I ya eni Nọyaẹnmwa vẹn ihẹn, Umogun, wẹ ehe ne u rhirhi la ọ re I ra lele uẹ la, ọ gha khọnrẹn ne ọ gha re ọghe uwu.”

II Samuẹl 19:13

E Devid kevbe wẹ ne iran tama Amasa wẹẹ, “Ọtẹn mwẹ ọ re u khin. Ke ẹghẹ na kpao, I ya ru ọkaolotu ivbiyokuo ye ihe e Joab. Te Osanobua gha gbe mwẹ uan, a deghẹ I ma ru vberriọ.”

II Samuẹl 3:35

Emwa nii keghi te gha rherhe e Devid wẹ ne ọ rri evbare vbe ẹdẹ te mu ẹdẹrriọ, sokpan rẹn keghi yan wẹẹ, “Te Osanobua gha kinmwi mwẹ gbua a deghẹ I ya unu kan evbare ẹdẹ te mu ẹrẹna.”

II Samuẹl 3:9

E Nọyaẹnmwa yan ma e Devid wẹ rẹn gha mu arriọba hin obọ e Sọl kevbe uniẹn ọnrẹn hia rre, rẹn ghi ma e Devid ọba Izrẹl kevbe ọghe Juda la ehe ne otọe nii sẹe, ehe ne ọ rhanmwẹ. Banbanna nian, te Osanobua gha kinmwi mwẹ gbe ua, a deghẹ I ma ru ẹe ne ọ gele do sẹ vberriọ!”

I Ọba 13:31

Iran ghi re ẹre nẹ, akhasẹ nii keghi tama ivbi ẹre wẹẹ, “I gha wu, wa re mwẹ ye idin na, wa ghi mu ikun mwẹ diake ọghe ọe.

I Ọba 19:2

Okhuo ni keghi gie ne a tama Elaija wẹẹ: “Te avbe ẹbọ gha kinmwi mwẹ gbe ua a deghẹ ọ te sẹ ẹghẹ na akhuẹ mẹ ma ru uwẹ zẹ vbene u ru avbe akhasẹ nii.”

I Ọba 2:23

Ẹre Solomọn na yan wẹẹ, “Te Osanobua gha kinmwi mwẹ gbe ua a deghẹ ima ru ẹe ne Adonaija ye uhunmwu khiọ emwi ne ọ nọ rẹn na!

I Ọba 20:10

ọvbehe rre wẹẹ, “I gha viọ emwa ni bun rre ne iran do dunmwu ẹvbo ruẹ na an. Iran gha bun sẹrriọ wẹ te iran khian kpolo ebubẹ ọre mwẹ obọ gha rrie. Te avbe ẹbọ gha kinmwi mwẹ gbe ua a deghẹ I ma ru ẹe vberriọ!”

II Ọba 6:31

Ọ keghi datu wẹẹ, “Te Osanobua gha kinmwi mwẹ gbe ua a deghẹ I ma fian Elaisia uhunmwu fua ẹdẹ te mu ẹrẹna.”

Psalm 45:10

Ovbiọha ọba, danmwehọ ẹmwẹ ne I ra tama ruẹn rhie ekhọe hin ẹmwẹ emwa ruẹn kevbe avbe etuẹn rre.

Iwinna 11:23

U gbẹn vbe ọ ghi sẹ evba, ọ keghi miẹn vbene Nọyaẹnmwa fiangbe emwa nii hẹ, ẹko keghi rhiẹnrhiẹn ọẹn ẹsẹse, ọ keghi bu iran ude wẹ ne iran ya ekhọe iran hia mu ẹtin yan Nọyaẹnmwa ne iran vbe gha ga ẹe.

Iwinna 20:24

Sokpan mẹ wa ka uhunmwu mwẹ ye ne ẹ i mwẹ esa, ne I miẹn ehe na khain okhian ne ọ wa mẹ sẹ otọ, ne I vbe winnaẹn fo ighẹ iwinna ne Nọyaẹnmwa Jesu wa mẹ ne I ru, ọnii nọ wẹ ne I ya wewe Iyẹn Ne ọ maa ọghe Ẹsọhẹ Osanobua.

Ebe Rut 1:16

Sokpan, e Rut keghi wanniẹn wẹẹ, “Ghẹ ghi tama mwẹ wẹ ne I kpao sẹ uẹ rae, ghẹ tama mwẹ wẹ ne I ghẹ lele uẹ. Ehe ne u rhirhi a gha rrie ọ re imẹ gha vbe yo, ehe ne u rhirhi a dia ọ re imẹ gha vbe dia. Emwa ruẹn ọ re ọ ra gha re emwa mwẹ. Osanobua ruẹ ọ re ọ ra vbe gha re Osanobua mwẹ.

Ebe Rut 4:15

Te ọ gha rhie ẹdagbọn ọgbọn gie uẹ kevbe ne ọ gha re eke ne a ya egbe gọ yan vbe ẹghẹ ọmaẹn ruẹn. Amwẹ ovbi uẹ ne ọ biẹ ọe wa ho ẹmwẹ ruẹn, ọ gha vbe ru nuẹn sẹ emọ ikpia ihinrọn.”

I Samuẹl 14:44

E Sọl keghi tama rẹn wẹẹ, “Te Osanobua gha kinmwi mwẹ gbe ua ẹrẹna, a deghẹ a ma gbe ua.”

I Samuẹl 20:13

Deghẹ ọ ho ne ọ kuan ruẹn, te Nọyaẹnmwa gha kinmwi mwẹ gbe ua, a deghẹ I ma gie ne a khama ruẹn ne u miẹn ehe na rhie uhunmwu hin ebe rre. Te Nọyaẹnmwa gha deba ruẹ zẹ vbene ọ vbe deba erha mwẹ!

I Samuẹl 25:22

Te Osanobua gha kinmwi mwẹ gbe ua a deghẹ ima gbele emwa rẹn hia ne ọ ghẹ ghi ke ẹe vbọ ọ te sẹ owiẹ!”

I Samuẹl 3:17

Elai keghi nọ rẹn wẹẹ, “De emwi ne Nọyaẹnmwa tama ruẹn? Ghe rhie emwi rhọkpa lẹre mẹ. Osanobua gha ya obọ ne ọtọn mu ẹẹn a deghẹ u ma ta emwi ne ọ ta ẹe ma mwẹ.”