Ebe Rut 1:16 - Edo Bible (E Baibol Ẹdo) Version 1996

¹⁶ Sokpan, e Rut keghi wanniẹn wẹẹ, “Ghẹ ghi tama mwẹ wẹ ne I kpao sẹ uẹ rae, ghẹ tama mwẹ wẹ ne I ghẹ lele uẹ. Ehe ne u rhirhi a gha rrie ọ re imẹ gha vbe yo, ehe ne u rhirhi a dia ọ re imẹ gha vbe dia. Emwa ruẹn ọ re ọ ra gha re emwa mwẹ. Osanobua ruẹ ọ re ọ ra vbe gha re Osanobua mwẹ.

Ebe Rut 1:16 ပူးပေါင်းရင်းမြစ်များ

II Samuẹl 15:21

Sokpan, Itai wanniẹn wẹẹ, “I ya eni Nọyaẹnmwa vẹn ihẹn, Umogun, wẹ ehe ne u rhirhi la ọ re I ra lele uẹ la, ọ gha khọnrẹn ne ọ gha re ọghe uwu.”

Psalm 45:10

Ovbiọha ọba, danmwehọ ẹmwẹ ne I ra tama ruẹn rhie ekhọe hin ẹmwẹ emwa ruẹn kevbe avbe etuẹn rre.

Itan 17:17

Avbe ọse ghi gha rhie ahoẹmwọmwa ma. Vbe ẹghẹ hia, ẹdẹ oseghe ọ re a ye etẹn khẹ.

Aizaia 14:1

E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Daniẹl 3:29

“Banbanna nian, I tae wẹ adeghẹ a miẹn ovbi uhunmwu ẹvbo ọkpa ra emwa, ra ẹvbo ne a zẹ ne ọ ya ukpẹ sakan Osanobua e Siedrak, Mesiak, kevbe Abẹdnigo, te a ra yanghan ẹre obọ vbe owẹ hin egbe ẹre rre, a ghi ya owa ẹre khian otiku. Osanobua ọvbehe i rrọ ne ọ sẹtin miẹn ọmwa fan vbenian.”

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Hozia 13:4

E Nọyaẹnmwa khare wẹẹ, “Mẹ ọrọre Nọyaẹnmwa ne Osanobua rua ne ọ viọ uwa ke Igipt ladian. Wa imwẹ Osanobua ọvbehe gberra imẹ, mẹ ọkpa kẹkan ọ re ọ vbe re ọmiọnmwafan uwa.

Zẹkaraia 8:23

Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Matiu 8:19

Ọma emwa Uhi ọkpa keghi bu ẹre rre, ọ wẹẹ, “Ọmamwa ne ọ ma emwa Uhi, I ho ne I gha leluẹ le ehe ne u rhirhi a gha rrie.”

Iyẹn ne ọ Maan Ọghe Jọn 13:37

Pita wanniẹn wẹ, “Nọyaẹnmwa, vbọzẹ ne I i ra na he sẹtin rre banbanna? Mẹ mu egbe ne I gha ya ye uhunmwu ye ẹmwẹ ruẹn!”

Iwinna 21:13

Sokpan rẹn keghi wanniẹn wẹẹ, “Vbe uwa ru na yi, ne uwa na viẹ ya mu mwẹ orhiọn rueghe? Mẹ mu egbe nẹ, ẹ i re ọghe ne a mu mwẹ gba ọkpa, sokpan ne i wu vbe Jerusalẹm ye ẹmwẹ Nọyaẹnmwa Jesu.”

I Tẹsalonaika 1:9

Iran na hia wa ta ẹe khian, ighẹ ẹmwẹ vbe ne uwa rhan obọ miẹn ima hẹ vbe ima do miẹn uwa, kevbe vbene uwa ghi fi iyeke gbe ẹbọ hẹ do gha ga Osanobua ne ọre Osanobua ẹmwata ne ọ rrọọ.

Jọsua 24:18

Vbene ima ya gha nana ghe odaro, erriọ e Nọyaẹnmwa ya gha khulo avbe emwa nii ladian, avbe emwa Amọri ni rre otọe nii. Erriọ vbe nọ, ma gha vbe ga e Nọyaẹnmwa! rẹn ọrọre Osanobua mwa.”

Arhie Maan 14:4

Iran na keghi re avbe ikpia ni da egbe iran yi vbe ne ẹ i na mwẹ iruẹn, vbe ekpa ne iran ma na gu ikhuo ruemwi rhọkpa, iran ma rọnmwẹ ikhuo. Iran kegha lele Oteghe Ohuan nii la ehe ne ọ rhirhi la, a dẹ iran werriegbe nẹ ke uwu ẹbu emwa ne agbọn ladian, iran keghi re emwa ni ikaro ne a viọ gie Osanobua kevbe Oteghe Ohuan nii.

Ebe Rut 1:15

E Naomi keghi khama e Rut wẹẹ, “Ghẹ ọrue ruẹ kpao nẹ, ọ bu avbe emwa rẹn kevbe evbibiẹ ọe, wẹ vbe lele ẹe werriegbe gha rrie owa.”

Ebe Rut 1:17

Ehe ne u wu yi ọ re I gha vbe wu yi, evba ọ re a ra vbe re mwẹ yi. Te oya ne ọ ghi wegbe sẹ ne Nọyaẹnmwa rri ọmwa re gha hihiẹ yan mwẹ, a deghẹ I gie emwi ọvbehe ya mwẹ kpao sẹ uẹ rae vbe ẹ i re uwu!”

Ebe Rut 2:6

Eguọmwadia ẹre keghi wanniẹn wẹẹ, “Ọmọ okhuo orhunmwuyẹn ne ọ lele Naomi ke Moab rre nọ.

Ebe Rut 4:15

Te ọ gha rhie ẹdagbọn ọgbọn gie uẹ kevbe ne ọ gha re eke ne a ya egbe gọ yan vbe ẹghẹ ọmaẹn ruẹn. Amwẹ ovbi uẹ ne ọ biẹ ọe wa ho ẹmwẹ ruẹn, ọ gha vbe ru nuẹn sẹ emọ ikpia ihinrọn.”