Ebe Rut 1:14 - Edo Bible (E Baibol Ẹdo) Version 1996

¹⁴ Iran keghi vbe dọlegbe gha viẹ; ẹre Ọfa ghi na mu iye ọdọ ẹre unu hiẹnhiẹn ya gbe ọkhian ẹdẹ hia nẹẹn, ọ na kpao bu emwa irẹn, sokpan e Rut ma sẹ ọe rae.

Ebe Rut 1:14 ပူးပေါင်းရင်းမြစ်များ

Gẹnẹsis 31:28

U ma kue gunmwẹ ya isoso unu gbe ọ khian ẹdẹ hia ne avbe eyẹ mwẹ kevbe ivbimwẹ nikhuo. U miẹn emwi ukọnmwẹ ne u ru!

Gẹnẹsis 31:55

Owiẹ vbe ẹdẹ ne ọ lelẹe, e Leban keghi ya isoso unu gbe ọ khian ẹdẹ hia ne eyẹ ọre kevbe ivbi ẹre nikhuo, ọ keghi sẹ iran rae werriegbe gha rrie owa.

II Samuẹl 19:39

Ẹre Devid vbe emwa rẹn hia na do fian e Jọdan rra. Ọ keghi mu e Bazilai unu hiẹnhiẹn, ọ na na erhunmwu ne ẹẹn, ẹre Bazilai na dọlegbe gha rrie owa.

I Ọba 19:20

Elaisia keghi sẹ oghẹn ẹmila ẹre rae, ọ keghi rhulẹ lele Elaija wẹẹ, “Gun mwẹ ya ye isosunu gbe okhian ẹdẹ hia ne erha mwẹ kevbe iyemwẹ nẹ, I keghi do lele uẹ gha khian.” Elaija keghi tama rẹn wẹẹ, “Ọ maa, I ma da o obọ yi!”

Itan 17:17

Avbe ọse ghi gha rhie ahoẹmwọmwa ma. Vbe ẹghẹ hia, ẹdẹ oseghe ọ re a ye etẹn khẹ.

Itan 18:24

Iku eso i tọ, sokpan avbe ọse eso rrọ ni maa sẹ etẹn.

Aizaia 14:1

E Nọyaẹnmwa gha dọlegbe tohan Izrẹl ne emwa rẹn, ọ ghi hannọ iran zẹ ya ru ọghọe. Ọ gha gie iran dọlegbe gha rre otọ ẹvbo iran, avbe orhunmwuyẹn ghi deba iran gha rre evba.

Zẹkaraia 8:23

Ọ gha sẹ ẹghẹ ne a kha na, erhunmwuyẹn igbe gha bu ovbi e Ju ọkpa rre, iran ghi tama rẹn wẹẹ, ‘Ma ho ne ima vbe ghae vbe uhunmwu ne ọ maa ọghe uwa rhunmwuda ma họẹn ighe Osanobua rrọọ yaba uwa.’ ”

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.

Matiu 16:24

Jesu keghi tama avbe erhuanegbe ẹre wẹẹ, “Ọmwaikọmwa ne ọ ho ne irẹn lele mwẹ, wẹ ne ọ mianmian enegbe ẹre, ne ọ mu ugbugbe ẹre, ne ọ lele mwẹ.

Matiu 19:22

Ugbẹn vbe igbama nii họn ẹmwẹ na, ọ keghi khua uhunmwu gha rrie, rhunmwuda, ọ wa mwẹ emwi ẹsẹse.

Iwinna 17:34

Ikpia eso keghi deba ẹre, iran na yayi, ọkpa vbe uwu iran kegha re Diọnisiọs ne ọ vbe rre otu Ariopagọs, kevbe okhuo ọkpa ne a tie eni ẹnrẹn Damaris, kevbe deba emwa ọvbehe eso.

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 4:4

Sokpan, wa hia ne ekhọe ẹre gu ọghe Nọyaẹnmwa Osanobua uwa ro, ye rre agbọn ẹrẹna.

II Timoti 4:10

Rhunmwuda agbọn na rhiẹnrhiẹn mu e Demas ukpẹ nẹ, ọ kpao sẹ mwẹ rae, ọ kpao gha rrie Tesalonaika, e Kresens rrie Galatia, e Taitọs rrie Dalmatia.

Hibru 10:39

Ma i rre uwu emwa ni werriegbe, iran na vbe wirua, sokpan ma mwẹ iyayi, a keghi miẹn mwa fan.

Ebe Rut 1:13

wa gha ziengbe ne iran wan rre nẹ wa ke rọnmwẹ ọdọ ra? Ọnii gha wẹ ne uwa ghẹ ghi rọnmwẹ ọdọ ọvbehe ra? Ivbi mwẹ, wa rẹnrẹn ighẹ ọ na i gia ru. Nọyaẹnmwa mu aro ne ọ khọ da mwẹ nẹ, ọ kakabọ da mwẹ ne uwa.”

Ebe Rut 1:15

E Naomi keghi khama e Rut wẹẹ, “Ghẹ ọrue ruẹ kpao nẹ, ọ bu avbe emwa rẹn kevbe evbibiẹ ọe, wẹ vbe lele ẹe werriegbe gha rrie owa.”

Ebe Rut 1:7

Rẹn keghi kpao, ọ na gha die Juda vbene ọ na viọ iran mwẹ obọ.

Ebe Rut 2:11

E Boaz keghi wanniẹn wẹẹ, “Iran kpa itan emwi hia ne u he ru ne iye ọdọ ruẹ ke ne ọdafọn ọn ya wu gha dee. I rẹn vbe ne u sẹ erha a, iye uẹ kevbe ẹvbo ruẹ rae hẹ, u na do tota ke emwa ne u ma rẹn ẹdẹ.