Ebe Rut 1:13 - Edo Bible (E Baibol Ẹdo) Version 1996

¹³ wa gha ziengbe ne iran wan rre nẹ wa ke rọnmwẹ ọdọ ra? Ọnii gha wẹ ne uwa ghẹ ghi rọnmwẹ ọdọ ọvbehe ra? Ivbi mwẹ, wa rẹnrẹn ighẹ ọ na i gia ru. Nọyaẹnmwa mu aro ne ọ khọ da mwẹ nẹ, ọ kakabọ da mwẹ ne uwa.”

Ebe Rut 1:13 ပူးပေါင်းရင်းမြစ်များ

Gẹnẹsis 38:11

Ẹre Juda ghi na khama Tama ne amwẹ ovbi ẹre wẹẹ, “Werriegbe gha rrie owa erha zẹ vbe okhuo ne ọ dẹgbẹ, e Siẹla ne ovbi mwẹ te wanrre.” Emwi ne ọ yae kha vberriọ ọrọre wẹ afianma fian ẹn wẹ a gha vbe gbe Siẹla rua zẹ vbene a gbele etiọnrẹn nikpia, ẹre Tama na werriegbe gha rrie owa erhae.

Job 19:21

Ọse mwẹ wa khin! Wa vbe tohan imẹ. Obọ Osanobua gbe mwẹ fi otọ nẹ.

Psalm 32:4

Ke asọn kevbe avan ọ re u ya rriọmwẹ oya, Nọyaẹnmwa, orhiọn ni mwẹ fo fẹẹrẹ, zẹ vbene ovẹn uyunmwu ka evbu.

Psalm 38:2

U ya ifẹnmwẹ ruẹn kuan mwẹ nẹ, u gbe mwẹ fi otọ nẹ.

Diuteronomi 2:15

E Nọyaẹnmwa keghi wa mu aro da iran ọ te do fuẹn iran fo fẹẹrẹ.

Giọgis 2:15

Ẹghẹ hia ne iran ya yo okuo, e Nọyaẹnmwa ghi mu aro ne ọ khọ da iran zẹ vbe ne ọ tama iran zẹ wẹ rẹn gha ru. Iran keghi do gha rre uwu ọlọghọmwa nọkhua.

Ebe Rut 1:12

Wa werriegbe gha rrie owa. Mẹ khian ọmaẹn gbe nẹ ne ọ gha ye rọnmwẹ ọdọ; gia kha ighẹ te I kue rọnmwẹ ọdọ asọn na, I na vbe biẹlẹ emọ ikpia,

Ebe Rut 1:14

Iran keghi vbe dọlegbe gha viẹ; ẹre Ọfa ghi na mu iye ọdọ ẹre unu hiẹnhiẹn ya gbe ọkhian ẹdẹ hia nẹẹn, ọ na kpao bu emwa irẹn, sokpan e Rut ma sẹ ọe rae.

Ebe Rut 1:21

Ẹghẹ ne I na kpao, ọbọbọ I si gha khian, sokpan I ghi dee, mẹ vbe ikpakpa uhunmwu mwẹ ọkpa ọ re Nọyaẹnmwa ghi rhie werriegbe rre. De emwi ne uwa gha gu gha tie mwẹ Naomi ẹko ne ọ sẹ ọyẹnmwẹ, vbe Osanobua ne Udazi bu abe gbe mwẹ nẹ, ọ na vbe ye sẹ mwẹ usẹ?”

I Samuẹl 5:11

Iran keghi vbe rhunmwuda onii dọlegbe tie enigie isẹn nii, iran tama iran wẹẹ, “Wa mu Ẹkpẹti Ile ọghe Izrẹl werriegbe gha rrie ihe ẹre ne ọ ghẹ do gbele ima gbele ima emọ.” Ẹvbo hia kegha hu yo hu rre rhunmwuda Osanobua rri iran oya ẹsẹse.