Ebe Rut 1:12 - Edo Bible (E Baibol Ẹdo) Version 1996

¹² Wa werriegbe gha rrie owa. Mẹ khian ọmaẹn gbe nẹ ne ọ gha ye rọnmwẹ ọdọ; gia kha ighẹ te I kue rọnmwẹ ọdọ asọn na, I na vbe biẹlẹ emọ ikpia,

Ebe Rut 1:12 ပူးပေါင်းရင်းမြစ်များ

Gẹnẹsis 17:17

Ebraham keghi diguẹ mu aro rhuotọ, sokpan ogiẹ keghi fẹe vbe ọ ghi ro ẹre wẹẹ, “Ọmwa gha ye sẹtin biẹ vbe ọ sẹ ukpo iyisẹn nẹ? E Sera gha ye sẹtin biẹ vbe ọ sẹ ukpo ekigbesiyisẹn nẹ?”

Gẹnẹsis 38:11

Ẹre Juda ghi na khama Tama ne amwẹ ovbi ẹre wẹẹ, “Werriegbe gha rrie owa erha zẹ vbe okhuo ne ọ dẹgbẹ, e Siẹla ne ovbi mwẹ te wanrre.” Emwi ne ọ yae kha vberriọ ọrọre wẹ afianma fian ẹn wẹ a gha vbe gbe Siẹla rua zẹ vbene a gbele etiọnrẹn nikpia, ẹre Tama na werriegbe gha rrie owa erhae.

I Timoti 5:9

Ghẹ gbẹn eni ẹgbẹ ba ọghe avbe ẹgbẹ, sokpan amawẹ ọ sẹ ọmọ ukpo iyeha nẹ. Yevbe sẹ ọnii, a ghi miẹn wẹ owa ọdọ ọkpa kẹkan ọre ọ he yo.

Ebe Rut 1:11

E Naomi keghi wanniẹn wẹẹ, “Ivbi mwẹ ni ikhuo, wa werriegbe. Vbọzẹ ne uwa na ho ne uwa lele mwẹ gha dee yi? Mẹ gha ye sẹtin biẹlẹ emọ ikpia ne uwa rọnmwẹ ra?

Ebe Rut 1:13

wa gha ziengbe ne iran wan rre nẹ wa ke rọnmwẹ ọdọ ra? Ọnii gha wẹ ne uwa ghẹ ghi rọnmwẹ ọdọ ọvbehe ra? Ivbi mwẹ, wa rẹnrẹn ighẹ ọ na i gia ru. Nọyaẹnmwa mu aro ne ọ khọ da mwẹ nẹ, ọ kakabọ da mwẹ ne uwa.”