Ebe Rut 1:1 - Edo Bible (E Baibol Ẹdo) Version 1996

^1-2 Vbe ẹghẹ ne ọ kpẹe fua, ẹkpo ne Izrẹl i na he mwẹ ọba, ukhunmwu keghi do fi vbe ẹvbo nii. Ẹre okpia ọkpa ne a tie ẹre Ẹlimẹlẹk ne ọ re ovbi ẹwae Ifrat, ne ọ gha rre Bẹtlẹhẹm vbe Juda na rhie amwẹ ọnrẹn ighẹ Naomi kevbe ivbi iran ne ikpia eva e Malọn kevbe Kiliọn iran na ya gha rre Moab.

Ebe Rut 1:1 ပူးပေါင်းရင်းမြစ်များ

Gẹnẹsis 12:10

Sokpan ukhunmwu kegha fi vbe Kenan, ọ keghi tua sẹrriọ wẹ, Ebram keghi ye khian sikẹ odẹ okuọ, yasẹ Igipt ne ọ ya yin evba vbe omwa ẹghẹ eso.

Gẹnẹsis 26:1

Ukhunmwu kevbe dọlegbe fi vbe otọ nii, ẹ i vbe re ne ọ fi vbe ẹghẹ Ebraham. Aizik na bu Abimẹlẹk, ọba avbe Filistin vbe Gera.

Gẹnẹsis 43:1

Ukhunmwu keghi dọlegbe tua vbe Kenan.

II Samuẹl 21:1

Ukhunmwu nọkhua ọkpa keghi do fi vbe ẹghẹ ne Devid na gha rre ẹkete, ikpiia gbalaka ọ re ọ wa ya vbe otọ. Ẹre Devid na nọ otọ ẹre vbe obọ e Nọyaẹnmwa, e Nọyaẹnmwa keghi kha wẹẹ, “E Sọl kevbe ẹgbẹe ọre diyi izigha, ọ gbele ivbi e Gibiọn rua.”

I Ọba 18:2

Ẹre Elaija na gha khian. Te obọ ohanmwẹ ghi dotọ vbe Sameria.

I Krọnikol 2:51

E Saima ne ovbi ẹre ne ukpogieva keghi bu ẹvbo ne a tie ẹre Bẹtlẹhẹm, e Haref ne ovbi ẹre ne ukpogieha na bu ẹvbo ne a tie ẹre ọ Betgada.

I Krọnikol 2:54

E Saima ne ọ bu e Bẹtlẹhẹm ọ re ọ vbe re erha odede ọghe emwa Netofat, Atrọt Bẹt Joab kevbe emwa Zorit ne vbe re ọkpa vbe uwu ẹwae eva ni gha rre Manahat.

Psalm 105:16

E Nọyaẹnmwa keghi gie ukhunmwu gha rre ẹvbo iran, ọ keghi viọ evbare iran hia kpao.

Psalm 107:34

Ọ ya avbe otọ ni maa emwiokọ khian otọe umwẹ, ni la ọ rhie rriẹ, rhunmwuda uyimwẹ dan avbe emwa ni rrọọ.

Jerimaia 14:1

E Nọyaẹnmwa keghi tama mwẹ vbekpa nene uyunmwu wẹẹ,

Ezikiẹl 14:13

“Ovbi ọmwa, uhunmwu ẹvbo okpa gha rukhọ ighẹ ọ ma mudia ẹse ghe mwẹ, I gha nien obọ ladian, I ghi guọghọ ehe ne ọ la miẹn evbare kua. I gha gie ukhunmwu, I ghi gbele emwa nagbọn kevbe avbe aranmwẹ ba ẹre.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Levitikọs 26:19

I gha guọghọ uhiomwẹ izevbudu rua, amẹ i ra rhọ, otọe rua ghi do ka, ọ ghi ye kakaaka vbe ẹrọnmwọ.

Emọs 4:6

“Mẹ ọ re ọ ru ẹe ne ohanmwẹ na fi la otọe uwa hia, sevba wa ma dọlegbe bu mwẹ rre.

Maika 5:2

E Nọyaẹnmwa khare wẹẹ, “Bẹtlẹhẹm Efrata, ọkpa vbe uwu ẹvbo ni kanmwa sẹẹ vbe Juda ọre uwẹ khin, sokpan, uwu uwẹ ọ re I gha ke rhie ne ọ khaemwisẹ ladian ne Izrẹl, rẹn gha vbe ke uniẹn nẹdẹ ne a ka ya gha bu ẹvbo nii ladian.”

Diuteronomi 28:38

“Wa ghi kọ emwiokọ ọrhẹnrhẹn, sokpan emwiorhọ tunnẹkẹn wa khian rhọ rhunmwuda, irhiso ọ re ọ khian rri emwiokọ uwa hia.

Giọgis 12:8

E Jẹfta ghi ru ọghe ọe gberra nẹ Ibzan ne ovbi Bẹtlẹhẹm keghi do gha re ọkaolotu Izrẹl.

Giọgis 17:7

Igbama ọkpa kegha rre Bẹtlẹhẹm vbe Juda, e Livai ne ọ ke Juda rre nọ.

Giọgis 17:8

Ọ keghi si kpao vbe Bẹtlẹhẹm rre, ne ọ ya gualọ ehe ne ọ gha dia. Ehe ne ọ na khian nii, ọ keghi do sẹ owa Maika vbe ẹvbo oke Ifreim.