Diuteronomi 9:9 - Edo Bible (E Baibol Ẹdo) Version 1996

⁹ Mẹ hin uhunmwu oke ne I ya viọ avbe uhanhan okuta ne a gbẹnnẹ ile ne Nọyaẹnmwa gu uwa ta yi, I keghi gbe asọn iyeva kevbe avan iyeva vbe evba, I ma re, I ma da.

Diuteronomi 9:9 ပူးပေါင်းရင်းမြစ်များ

I Ọba 19:8

Elaija keghi kpaegbe, ọ rri evbare, ọ keghi wọn amẹ, evbare ni keghi rhie ẹtin ne ẹẹn ne ọ ya khian okhian ikpẹdẹ iyeva gha rrie Sainai ne oke ne ọ huanrẹn.

II Ọba 6:22

Rẹn keghi wanniẹn wẹẹ, “Ẹn o, a gha mu ovbiyokuo oghunmwu nẹ vbe okuo, a i ghi gbe ẹe rua. Ya ne iran re, ya ne iran da, ne u sẹ iran rae ne iran ya na iyẹn ma ọba iran.”

Ẹksọdọs 24:12

E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ẹksọdọs 24:15

E Mosis keghi hin uhunmwu oke Sainai, okuku keghi degue oke nii.

Ẹksọdọs 24:18

E Mosis keghi la uwu okuku nii, ọ na hin uhunmwu oke. O kegha rre evba vbe avan iyeva kevbe asọn iyeva.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 32:1

Ugbẹn vbe emwa nii ghi miẹn wẹ e Mosis wa kpẹe vbe uhunmwu oke ighẹ ọ ma tuorre, iran keghi do vba Errọn, iran tama rẹn wẹẹ, “Larre o, do ma Osanobua ne ima ne ọ gha viọ ima khian rhunmwuda ma ma ghi rẹn emwi ne ọ ghi ru oko na ighẹ Mosis ne ọ viọ ima ke Igipt ladian.”

Ẹksọdọs 34:28

E Mosis keghi gu e Nọyaẹnmwa gha rre evba vbe asọn iyeva kevbe avan iyeva vbe ne ọ ma na re ọ ma da. Ọ keghi gbẹnnẹ avbe ẹmwẹ ile nii ye avbe uhanhan nii, ọnii nọ wẹ uhi igbe.

Matiu 4:2

Jesu ghi gbe asọn iyeva kevbe avan iyeva vbe uwu ẹgbo nẹ, vbe ne ọ ma na rri evbare, ohanmwẹ kegha gbe ẹe.

Galatia 4:24

A sẹtin ye ọnii ru igiemwi, ikhuo eva na keghi gha re ile eva, ne ọkpa vbọ (ọnii nọ wẹ Hega) keghi ke uhunmwu oke Sainai rre, a keghi biẹlẹ ivbi ẹre eviẹn.

Diuteronomi 8:3

“Ọ ye ovbamẹ gbe uwa, ọ na do rhie mana ne uwa re, evbare ne uwa kevbe avbe erha uwa odede ma he re ẹdẹ. Te ọ ru ọna rhie ma uwa wẹ evbare ọkpa ma sẹ ne ọmwa ye egbe yan ne ọ ya gha rre agbọn, emwi ne ọ khẹ ke ọmwa ọrọre ẹmwẹ ne Osanobua ta ẹe.

Diuteronomi 9:11

Ẹn, vbe iyeke avan iyeva kevbe asọn iyeva nii, e Nọyaẹnmwa keghi viọ uhanhan okuta eva ne ọ gbẹnnẹ ile nii yi mẹ.

Diuteronomi 9:15

“Ẹre I na werriẹ egbe, I na tuorre vbe uhunmwu oke, I na viọ uhanhan okuta eva nii ne a gbẹnnẹ ile nii yi mwẹ. Ogidi erhẹn na gha ba ke uhunmwu oke nii rre.

Diuteronomi 9:18

I na vbe dọlegbe mu ẹko rhu otọ la avan iyeva ke asọn iyeva vbe odaro e Nọyaẹnmwa, I ma re, I ma da. I ru ọna rhunmwuda, wa ru orukhọ ghe Nọyaẹnmwa nẹ, wa keghi ya ẹe mu ohu.

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.