Diuteronomi 9:7 - Edo Bible (E Baibol Ẹdo) Version 1996

⁷ “Wa ghẹ mianmian vbene uwa ya ohu mu e Nọyaẹnmwa ne Osanobua hẹ vbe uwu ato.

Diuteronomi 9:7 ပူးပေါင်းရင်းမြစ်များ

Ẹksọdọs 14:10

Ugbẹn vbe ọba Igipt ghi khian sikẹ iran, ivbi Izrẹl keghi miẹn wẹ ivbi Igipt mu okuo bu iran dee. Ohan keghi mu iran, iran na datie Nọyaẹnmwa.

Ẹksọdọs 14:11

Iran keghi tama e Mosis wẹẹ, “Te idin i ghi rre Igipt ra ne u na viọ ima gha de uwu oha ne ima do wulo kua. U ma miẹn emwi ne u ru nian ne u na viọ ima ke Igipt ladian.

Ẹksọdọs 16:2

Ehia keghi gha gui ẹzọ e Mosis kevbe Errọn vbe uwu ato.

Ẹksọdọs 17:2

Iran kegha gu e Mosis gui wẹẹ, “Rhie amẹ ne ima wọn.” E Mosis wanniẹn tama iran wẹẹ, “Vbọzẹ ne uwa na gunmwẹ gui yi? Vbọzẹ ne uwa na danmwẹ e Nọyaẹnmwa ghe?”

Ẹksọdọs 23:21

Wa ghi rhie ehọ ye ẹmwẹ ọnrẹn, wa gha ru vbene ọ khare. Wa ghẹ sọtẹ ghe ẹre rhunmwuda eni mwẹ ọre ọ ya ru emwi. Rẹn i ra ye egbe abakuru vberriọ bọ ọmwa.

Aizaia 48:8

Mẹ rẹnrẹn wẹ wa i gia mu ẹtin yan wẹ, etẹ ọ re a rẹn uwa yi ẹdẹ. Onii ọ sii ẹe ne uwa ma na zẹdẹ họn vbekpa ọnọna hiehiere ne ifi ẹmwẹ ọkpa vbọ ma na vbe fi la uwa ehọ.

Jerimaia 11:10

Iran wa dọlegbe gha rrie orukhọ avbe erha iran odede ni hee ne iran gha ru vbene I khare, iran gaa avbe ẹbọ ọvbehe. Izrẹl kevbe Juda, iran eveva ma ru vbene ile ne I gu avbe erha iran odede ta khare.

Jerimaia 32:30

Wa ke omuhẹn okha ẹdagbọn iran kpao, ọ re ivbi Izrẹl kegha ho mwẹ ẹmwẹ, iran na gha ye ohu mu mwẹ vbekpa emwi ne iran ru.

Jerimaia 44:9

Wa wa mianmian emwi dan hia ne iran ru vbe avbe ẹvbo e Juda nẹ ra, kevbe vbe adesẹ ore e Jerusalẹm ighe avbe erha mwa odede kevbe avbe ọba e Juda kevbe avbe amwẹ iran, kevbe uwa kevbe avbe amwẹ uwa.

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Ezikiẹl 20:43

“Ẹghẹ nii, wa gha na do ye avbe emwiekhue ne uwa ru hia rre, ke vbene uwa mu awua ye egbe uwa egbe hẹ. Egbe uwa gha sọnnọ uwa, rhunmwuda emwi dan hia ne uwa ru.

Ezikiẹl 20:8

sokpan, iran yagha mwẹ, iran ma danmwehọ, iran ma viọ amazẹ osọnnọ iran kua ra ne iran sẹ avbe ẹbọ Igipt rae. Mẹ keghi te wa mu egbe ne iran họn ẹmwẹ obọ ohu ne ọ mu mwẹ vbe egbe vbe Igipt vbe odọ niii.

Ezikiẹl 36:31

Wa gha ye avbe uyinmwẹ dan kevbe abakuru ne uwa ru rre, ohu egbe uwa ghi gha mu uwa, rhunmwuda orukhọ kevbe uyinmwẹ dan uwa.

Nọmbas 11:4

Emiowo keghi wa kakabọ gha khọn avbe erhunmwuyẹn ni lele ivbi Izrẹl khian, avbe ivbi Izrẹl tobọ iran na vbe suẹn gha gui ẹzọ uwunu wẹẹ, “Vbọ rrọọ akpawẹ ma miẹn emiowo re nian!

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Nọmbas 17:10

E Nọyaẹnmwa keghi tama e Mosis wẹẹ, “Rhie ọkpọ Errọn werriegbe ye odaro Ẹkpẹti Ile. A ghi rhie ẹre hinrre ne ivbi Izrẹl gha miẹn ọẹn wan wẹ iran gha wulo deghẹ iran ma zobọ vbe ẹzọ uwu unu ne a gui.”

Nọmbas 21:5

Iran kegha filo unu gie Osanobua kevbe Mosis, iran kegha gui ẹzọ uwu unu wẹẹ, “Vbọzẹ ne uwa na viọ ima ke Igipt gha die uwu ato yi ne ima do wulo vbe ehe ne evbare i ye, amẹ i rrọ. Ẹtin ima ghi sẹ ẹmwẹ evbare oya na ọvbehe.”

Nọmbas 25:2

Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ,

I Kọrinti 15:9

Rhunmwuda mẹ ọre ọ ghi re ne ọ kanmwa sẹ vbe uwu avbe ukọ hia, sẹrriọ wẹẹ, ọ ma te khẹke ne a gha tie mwẹ ukọ, rhunmwuda, te imẹ gha zẹ esọsi Osanobua kpokpo.

Ẹfisọs 2:11

Wa ne a biẹlẹ ẹre emwa ne ẹ i re Ju, ne iran ne Ju tie ẹre ne ọ ma rhuẹ, iran ni tie egbe iran ne ọ rhuẹre (vbe ekpa emwi ne emwa ne agbọn ye obọ ru ye iran egbe,) wa ghi yerre emwi ne uwa te khin ẹghẹ ne ọ gberra.

Diuteronomi 31:27

I rẹn vbene iran ze vbe udu sẹ hẹ kevbe ne iran na vbe sọtẹ. A deghẹ iran sọtẹ ghe Nọyaẹnmwa vbe imẹ rre agbọn, I gha wu nẹ, evba iran ra na sọtẹ sẹ.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.

Diuteronomi 9:24

Ke ẹghẹ ne I ya rẹn uwa gha dee, te uwa wa gha sọtẹ e Nọyaẹnmwa.

Diuteronomi 9:4

“E Nọyaẹnmwa Osanobua uwa ghẹ ghi khulo iran ladian nẹ, wa ghẹ gha tama egbe uwa wẹ te Nọyaẹnmwa viọ uwa gha die otọe na ne uwa do yan rẹn rhunmwuda ighẹ te ọ khẹke uwa. Hiehiere, te Nọyaẹnmwa ra khulo iran ladian ne uwa, rhunmwuda ighẹ emwa dan iran khin.