Diuteronomi 9:6 - Edo Bible (E Baibol Ẹdo) Version 1996

⁶ Wa gie ọna la uwa ekhọe nian wẹ ẹ i re rhunmwuda ighẹ ọ khẹke uwa ọre Nọyaẹnmwa na mu otọe esiesi na ne uwa. Hiehiere, emwa ni yin ehọ ọ re uwa khin.

Diuteronomi 9:6 ပူးပေါင်းရင်းမြစ်များ

II Krọnikol 30:8

Wa ghẹ ze vbe udu vbene iran ye, sokpan, wa họn ẹmwẹ ne Nọyaẹnmwa. Wa gha die Ọgua Osa ne ọ rre Jerusalẹm, ehe ne Nọyaẹnmwa ya khian ne ọ huanrẹn nẹ ẹdẹdẹmwẹdẹ, ne uwa do ga ẹe, ne ọ ghẹ ghi mu ohu ghe uwa.

II Krọnikol 36:13

E Zedekaia keghi sọtẹ e Nebukiadneza ne ọba ne ọ ka ya ẹe vẹn Osanobua nẹ wẹ rẹn gha ya ẹkoata gha ga ẹe. Ọ keghi wa ya izevbudu he ne ọ roiro fi ekhọe werriẹ, ne ọ bu e Nọyaẹnmwa ne Osanobua Izrẹl gha dee.

Psalm 78:8

Iran i ra yevbe avbe erha iran odede emwa ni sọtẹ kevbe ni zẹ utun vbe ehọ ni ma mu ẹtin yan Osanobua ẹse, kevbe ni ma vbe guobọ ẹre.

Ẹksọdọs 32:9

E Nọyaẹnmwa keghi tama e Mosis wẹẹ, “Iran na yenhọ gbe.

Ẹksọdọs 33:3

Otọ igho kevbe ne ọ maa emwiokọ ọre uwa rrie. Sokpan mẹ i ra lele uwa gha khian rhunmwuda emwa ni zevbudu wa khin ne a ghẹ miẹn ghẹ I ya fuẹn uwa a vbe odẹ.”

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Ezikiẹl 2:4

Iran ze vbe ẹkoko udu, iran i vbe ya ọghọ mẹ, rhunmwuda ọnii, I ra giọ ne u ya tama iran vbene imẹ ne Nọyaẹnmwa ne Udazi kha hẹ.

Ezikiẹl 20:44

I gha ghi yin uyinmwẹ ne ọ gha da uyi mwẹ yi nẹ, wa ne ivbi Izrẹl gha rẹn ighe mẹ ọ re Nọyaẹnmwa, rhunmwuda, I ma ru uwa emwi ne ọ ma uwa zẹ vbe uyinmwẹ dan ne uwa yin.” E Nọyaẹnmwa ne Udazi guan nẹ.

Ezikiẹl 36:22

“Rhunmwuda ọnii, ta uhunmwu ne imẹ ne Nọyaẹnmwa ne Udazi gie gie ivbi Izrẹl ma iran. Ẹ i re rhunmwuda uwa ne ivbi Izrẹl ọ re I ra na ru emwi ne I ra ru, sokpan rhunmwuda eni mwẹ nọhuanrẹn nọ, eni ne uwa fara vbe ẹvbo ikẹvbo ne uwa yo.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Diuteronomi 10:16

Rhunmwuda onii nian, wa gha họn ẹmwẹ ne Nọyaẹnmwa, wa dobọ iyienhọ yi.

Diuteronomi 3:18

“Ẹghẹ ni ọ re I na vbe rhie igiodẹ na ne iran wẹẹ: ‘E Nọyaẹnmwa Osanobua mwa ọ re ọ mu otọe nii ne uwa vbe ahọ Jọdan ne uwa yin ẹnrẹn. Banbanna nian, wa gbalọ ivbi iyokuo uwa egbe okuo, ne uwa gie iran fian Jọdan rra ke odaro ẹwae ivbi Izrẹl nekpa ne iran ya yi iran obọ ya gbe ẹkun sẹ otọ yin otọe iran.

Diuteronomi 31:27

I rẹn vbene iran ze vbe udu sẹ hẹ kevbe ne iran na vbe sọtẹ. A deghẹ iran sọtẹ ghe Nọyaẹnmwa vbe imẹ rre agbọn, I gha wu nẹ, evba iran ra na sọtẹ sẹ.

Diuteronomi 9:13

“E Nọyaẹnmwa keghi vbe tama mwẹ wẹẹ, ‘I rẹn vbene iran na yin ehọ hẹ.

Diuteronomi 9:24

Ke ẹghẹ ne I ya rẹn uwa gha dee, te uwa wa gha sọtẹ e Nọyaẹnmwa.