Diuteronomi 9:3 - Edo Bible (E Baibol Ẹdo) Version 1996

³ Banbanna nian, wa tobọ uwa gha miẹn ọẹn wẹ te Nọyaẹnmwa khian ke odaro ne uwa zẹ vbe erhẹn ne ọ to. Ọ gha khọn miẹn iran otọ zẹ vbene uwa ya nana ghe odaro, vbene uwa gha na sẹtin khulo iran ladian ne uwa vbe zẹgiẹgiẹ fuẹn iran uan, zẹ vbene irẹn yanrẹn.

Diuteronomi 9:3 ပူးပေါင်းရင်းမြစ်များ

Ẹksọdọs 23:23

Odibosa mwẹ gha ke odaro ne uwa, ọ ghi viọ uwa gha rrie otọ iran ne emwa Amọri, Hiti, Pẹriz, Kenan, Hivi kevbe Jebus, I ghi vbe fuẹn iran an.

Aizaia 27:4

Ohu ogba azara nii i ghi mu mwẹ ọvbehe, adeghẹ igban kevbe ọkọsọ rrọ ne a gha gu khọn, I gha giẹn ehia fẹẹrẹ.

Aizaia 30:27

Urria ọ re a ke bẹghe ẹtin kevbe uyi ọghe Nọyaẹnmwa. Erhẹn kevbe ighogho ọ re ọ rhie ma vbe ohu a mu ẹẹn. Ọ gha guan, ẹmwẹ ọnrẹn ghi giẹn emwi uan vbe erhẹn.

Aizaia 30:30

E Nọyaẹnmwa gha gie emwa hia họn urhu ẹre ne ọ la ne iran vbe rẹn vbene ohu ẹre ye hẹ. Ogidi erhẹn gha rrọọ, okuku amẹ ne ọ mu waa, okpẹhoho kevbe okpamẹ.

Aizaia 30:33

Ẹghẹ ne ọ kpẹre ne ọ gberra, ọ re a na dọlọ ihe ọkpa yotọ ne a ra na ya ogidi erhẹn giẹn ọgbaisi ọghe Asiria. Ọ dinmwi, ọ vbe vbẹ, a keghi wa silo erhan vuọn ọnrẹn. E Nọyaẹnmwa ghi hiọnrọn erhẹn ladian ne ọ ya hie erhẹn yọ.

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Maika 2:13

Osanobua gha kie urho ne iran, ọ ghi viọ iran ke iwe ladian. Iran sanmwẹ la onurho ẹvbo nii, iran ghi khian Nọyan egbe iran. Ọba iran, e Nọyaẹnmwa tobọ ẹre, gha su iran ladian.

Matiu 15:10

Jesu keghi si emwa hia koko, ọ khama iran wẹẹ, “Wa danmwehọ, wa gie ẹmwẹ na la uwa ekhọe.

Iyẹn ne ọ Maan Ọghe Mak 7:14

Ẹghẹ ni ọre Jesu na dọlegbe tie emwa ni gbe ẹbu ye evba, ọ tama iran wẹẹ, “Wa hia fẹẹrẹ wa danmwehọ mwẹ ne ọ miẹn ehe na la uwa ekhọe.

Ebe ne Pọl gbẹẹn gie emwa Rom 8:31

Ugbẹn vbe a ghi miẹn nian wẹ erriọ ọre emwi hia ye, vbe ima gha ghi kha hẹẹ? Deghẹ ma ọre Osanobua deba, de ọmwa ne ọ gha sẹtin mu aro da ima?

Ẹfisọs 5:17

Rhunmwuda ọnii, wa ghẹ gha re akpa sokpan, hia ne u gha gualọ otọ ẹre ighẹ emwi ne Nọyaẹnmwa ho ne u ru.

Diuteronomi 1:30

Nọyaẹnmwa Osanobua rua gha ke odaro ne uwa, ọ gha vbe gbinna ne uwa vbene aro uwa vbe sọe ighẹ ọ ru ẹe vbe Igipt.

Diuteronomi 20:1

“De ghẹ wa yo okuo, ne uwa ya gu eghian uwa gbinna wa na miẹn ikẹkẹ okuo kevbe ẹsin kevbe ivbiyokuo ni bun sẹ ọghe uwa, wa ghẹ gie ohan iran mu uwa. E Nọyaẹnmwa Osanobua rua ne ọ viọ uwa ke Igipt ladian, gha rrọ yaba uwa.

Diuteronomi 20:4

E Nọyaẹnmwa Osanobua uwa lele uwa khian, ọ gha rhie akhọnmiotọ ne uwa.’

Diuteronomi 4:24

Rhunmwuda Osanobua uwa i ho ne a gha gu ẹe mwa ẹrrẹe, te ọ yevbe erhẹn ne ọ baa gidigidi.

Diuteronomi 7:16

Wa fuẹn avbe ẹvbo hia ne Nọyaẹnmwa Osanobua uwa rhie yan uwa obọ ua, wa ghẹ mwẹ itohan ghe iran. Wa ghẹ gho ẹbọ iran rhunmwuda uwu ẹre ọ ke ọnii ikian.

Diuteronomi 7:22

Ọ gha hẹko gha khulo emwa na kua kherhekherhe zẹ vbe ne uwa vbe ya khian sikẹ odaro, sokpan wa i ra sẹtin wa fuẹn iran hia a vbe ọwarọkpa nii. Wa gha ru ẹe vberriọ, avbe aranmwẹ akọn gha do gha bun, onii ghi do zẹ ẹbe ne uwa.

Diuteronomi 9:6

Wa gie ọna la uwa ekhọe nian wẹ ẹ i re rhunmwuda ighẹ ọ khẹke uwa ọre Nọyaẹnmwa na mu otọe esiesi na ne uwa. Hiehiere, emwa ni yin ehọ ọ re uwa khin.

II Tẹsalonaika 1:8

Ke ẹe kevbe ogidi erhẹn, ne ọ do rri iran oya ighẹ iran ni ma rẹn Osanobua, kevbe iran ni ma ru vbene Iyẹn Ne ọ maa vbe ekpa Nọyaẹnmwa Jesu kha re.

Hibru 12:29

Rhunmwuda Osanobua mwa, erhẹn ne ọ fuẹn emwi uan nọ.

Jọsua 11:12

E Jọsua keghi khọn avbe ọba ni hia muotọ deba ẹvbo iran hia. Ọ keghi gbele iran hia a, zẹ vbene Mosis ne ọguọmwadia e Nọyaẹnmwa khare.

Jọsua 11:8

E Nọyaẹnmwa keghi rhie akhọnmiotọ vbe uhunmwu iran, ne ivbi Izrẹl. Ivbi Izrẹl keghi dekun iran, iran na khulo iran ghe odẹ okuọ ya sẹ Saidọn nọkhua kevbe Misrefọt Maim, kevbe e Saidọn odẹ ahọ ya sẹ Mispa. Iran keghi wa gha khian a te do miẹn wẹ, a ma ghi miẹn ọkpa ne ọ ghi de kẹe vbe uwu iran ne eghian.

Jọsua 14:12

Rhunmwuda ọnii nian, mu ẹvbo uhunmwu oke ne e Nọyaẹnmwa ta ẹmwẹ ọnrẹn ma mwẹ vbe ẹdẹ ne ima vbe emwa mwẹ do na iyẹn mẹ. Ma tama uwa ẹghẹ nii wẹẹ avbe Anakim ne arhuanran rre evba vbe uwu ẹvbo nọkhua ne a gbe ekẹn gaa. Ọ gha ke ẹe, e Nọyaẹnmwa gha rrọọ ya ba mwẹ, I ghi khulo iran ladian zẹ vbene, e Nọyaẹnmwa khare.’ ”

Jọsua 3:11

Ẹkpẹti Ile ọghe Nọyaẹnmwa uhunmwu otọ agbọn hia ra ke odaro ne uwa ya fian Ẹzẹ Jọdan rra.

Jọsua 3:14

Ẹghẹ emwiorhọ ọ re ghaa nọ, ẹzẹ ke wa ro, emwa nii keghi si kpao vbe agọ ne iran ya fian Jọdan rra. Avbe ohẹn keghi mu Ẹkpẹti Ile, iran na ke odaro. Iran ghi sẹ ọkpẹn Jọdan iran na viọ owẹ ye uwu ẹzẹ.

Giọgis 4:14

Ẹre Dẹbora na tama e Barak wẹẹ, “Khianmwu, ẹdẹ ne Nọyaẹnmwa gha gie obọ ruẹ ke ukhunmwu ne Siseria ọ re ọna khin. E Nọyaẹnmwa ọ re ọ ke odaro nuẹn.” Ẹre Barak na tuorre vbe oke Tabọ, irẹn kevbe arhin arriaisẹn igbe (10,000) ni gu ẹe.