Diuteronomi 9:21 - Edo Bible (E Baibol Ẹdo) Version 1996

²¹ I keghi mu emwi orukhọ ne uwa ru nii ighẹ ẹkhuia ẹmila nii, I na fi ẹe fi uwu erhẹn. Iyeke ọnii, I keghi bunnọ ẹre ukhiọnmwẹ, I na lọ ẹe rẹnhunrẹnhun, I na rhurhu ne rẹnhunrẹnhun ni ku uwu ẹzẹ ne ọ lẹ ghe ototọ oke.

Diuteronomi 9:21 ပူးပေါင်းရင်းမြစ်များ

Ẹksọdọs 32:20

Ọ keghi mu ẹkhuia ẹmila ne iran ru nii ọ na giẹn ọnrẹn uan, ọ na dunmwu ẹn rẹnkhẹn, ọ na khakha ebubẹ ọre lele amẹ, ọ na wẹ ne ivbi Izrẹl wọn ẹn.

Aizaia 31:7

Ẹghẹ dee ne uwa gha na filo avbe amazẹ orukhọ ne uwa ya esiliva kevbe igoru mannọ kua.

Hozia 8:11

Vbene ivbi Izrẹl ya bọlọ ogiukpo ne a na khue orukhọ kua ne ọ gha bun yọ, erriọ ehe ne iran na ru orukhọ vbe ya bun yọ.

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Diuteronomi 9:20

“E Nọyaẹnmwa kevbe mu ohu Errọn sẹrriọ we ọ gha wa gbe ẹe rua, I keghi vbe na erhunmwu ne Errọn vbe ẹghẹ ọkpa nii.

Maika 1:7

Avbe ẹbọ ẹre hia ne eghẹnghẹn, a gha dunmwu ẹẹn ruan, emwi ne a te hẹ ne avbe ohẹn ne ikhuoẹre, a gha ye erhẹn giẹn uan, avbe amazẹ ọre hia gha khian utete ne ọ dihoi rua. E Sameria ọ re ọ viọ avbe emwi na rre ne ọ ya dugie ne otọ ẹre miẹn ehe na gha ma emwiokọ; banbanna nian, te avbe eghian rẹn ra viọ kpao, ne iran ya gha gho ẹre vbe ehe ọvbehe.”

I Ọba 15:13

Ọ keghi rhie Maka ne iye ẹe nọkhua hin ukpo iyọba rre rhunmwuda, ọ ghaa mwẹ ukhurhẹ emwiekhue ne iran ya gho Asiẹrra ne ẹbọ ne okhuo emwiokọ. Asa keghi guọghọ nene ukhurhẹ, ọ keghi giẹn ọnrẹn vbe Ẹzẹ Kidrọn.

II Krọnikol 34:7

Ọ keghi guọghọ Ogiukpo kevbe ama ọghe Asiẹrra kua vbe ehe ne otọ Arriọba Okuo la ẹe, ehe ne ọ rhanmwẹ, ọ keghi lọ amazẹ ọre rẹnkhẹn rẹnkhẹn, ọ keghi guọghọ Ogiukpo ne a na giẹn eturari ni rrọọ hia, ọ na dọlegbe gha die Jerusalẹm.